Salam ba Pujian untok Gayus ¹ Umpat ka panatua untok Gayus nang dingasihatnik, nang ku ngasihatn ka daapm kabanaran. ² Pageku nang ku ngasihi, aki bapamang samoga kao baik-baik maan daapm sagala macam, samoga tubuhnyu ringakng, aya saparati sumangatnyu nang ringakng ugak. ³ Sabanare, aku sidi repo waktu page samua atakng ba jadi saksi masalah kabanaratnnyu, ayamae angkitn ngihan kau hidup daapm kabanaran, ⁴ Aku inak karepoatn nang paling ayak kade kahe nangaratn anak-anakku bajaatn ka daapm kabanaran. ⁵ Pageku nang baik ati, kitak bakaraja sidi ngampuk daapm samua pakarajaan untok page waris, walaupun kabatne koa urakng luar. ⁶ Kabatne udah ba saksi masalah pangasihatnyu ka muha jamaat. Kitak mao ngarajaan nang gagas kade bisa manto kabatne ngalanjutatn pajaanan ba cara nang gagas untok Allah. ⁷ Sabab, kabatne udah ampus dami dama koa, inak namu ahepun umpat ka urakng-urakng nang inak picayak. ⁸ Karana koa, dirik harus manto urak-urakng aya kabatne supaya dirik ayukng pelayannan untok kabanaran. Diotrefes ba Demetrius ⁹ Aku udah nulis surat ka Jemaat, tapi Diotrefes, nang suka nonjolkan dirik ka antara kabatne, baiik narima kami. ¹⁰ Sabab koa, kade aku atakng, aku mao ngingatatn atas kalakuanne, nang udah sampe nuduh-nuduh kami bakata-kata jahat! INak hane koa ajak, ia ugak baik narima page-page nang atakng ba ngalarang kabatne nag mao narima page waaris koa sampe ugak misahatn kabatne dari jemaat. ¹¹ Page warisku nang ku ngaishik, amelah mamuat contoh nang jahat, melainkan nang gagas. Urakng nang babuat gagas ba asal dari Allah, tapi urakng nang mamuat kajahatan, nape nee Allah. ¹² Samua urakng udah basaksi nang baik tentang Demetrius, bahkan kabanaran basaksi ayan koa. Kami ugak basaksi, ba kitak nauan bahwa kasaksian kami bantol, Salam Panutup ¹³ Ada manyak hal nang mao ku tulis ka kitak, tapi aku baiik nulisatnak iya ka kitak kahe pulpen ba tinta. ¹⁴ Aku baarap untok mao namuik kitak ganceh supaya dirik bisa ngomon ba adapatn muha. ¹⁵ Damai sejahtera untok kitak, Ayukng-ayukng ka dian ngirim salam untok kitak. Sampeatn ugak salam kami ka samua page ka naun.