¹ Salam ampat ka Paulus, urokng nang di minjaro garo-garo yesus Kristus, ba ampat ka Timotius, kamaru' saiman diri', ka Filemon, ayukng ba sabayo palayan nang kami kasihi', ² ugo' ka Apfia, kamaru' diri'' ugo' ka Arkhipus, ayukng sapajuangan diri' ugo' ba jamaatnang bakomo' ka rumahngu. ³ Pamare' ba idupngu nang nyaman ampat ka Allah, Bapo' diri', ugo' ampat ka Tuhan Yesus Kristus. KATO SYUKUR ATAS IMAN BA KASIH FILEMON ⁴ Aku salalu ba syukur ka Allahku waktu taringat ka kau doop doa-doaku, ⁵ karamo aku nangar iman ba kasih nang ado ka kau doop Tuhan Yesus ba samuae urokng kudus. ⁶ Aku ba doa supayo pakomo'an imanngu jadi baik sa' kapintarot nang baisi' ngan hal nang baik nang ado ka diri' demi Kristus. ⁷ Aku repo sidi ba ta ibur ngan kasihngu karamo lewat kau, kamaru', ati urokng-urokng kudus disagarot agi'. PAMINTOOT PAULUS MASALAH ONESIMUS ⁸ Karamo koo. biarpun aku picayo' sidi ka Kristus lalu biso marentoh kau ngarajaan dameo nang jadi tugasngu, ⁹ tapi karamo kasih, baik dehe' aku minto' io ka kau. Aku, Paulus --- nang dah tuho, lalu kanio' jadi urokng nang di minjaro garo-garo Kristus Yesus--- ¹⁰ minto' ka kau sak anak ku, Onesimus, nang aku namu salamo aku ka pinjaro, ¹¹ nang daoho' ano' baguno ka kau, tapi kanio' baguno sidi, baik ka kau mao'pun ka aku. ¹² Aku nyuruh io, buoh atiku, muokng ka kau, ¹³ sabanare mao' ku tahan biar diop ba aku, biar io nganti kau ngalayani' aku salamo aku diminjaro karamo Injil.* ¹⁴ Tapi, mun kau no' satuju, aku bai' ngarajaan dameopun biar kabaikot koo kau karajaan buke' karamo kaharusot, malainkan karamo repo-repo. ¹⁵ Mungkin alasan Onesimus dimisohot ba kau samantaro waktu supayo kau biso narimo' io agi' sak kulio' ¹⁶ tapi labih dari koo, jadi kamaru nang takasih, buke' untuk aku ajo' labih-labih agi' untukngu, baik doop dagin maopun doop Tuhan. ¹⁷ Jadi, kalo' kau nganggap aku ayukng karajangu, tarimo'lah Onesimus jamae kau narimo' aku. ¹⁸ Kalo' io dah basaloh kakau, maopun barutok dameopun kakau, biar aku nanggong io. ¹⁹ Aku, paulus nulis nyian ba kokotku sandiri: Aku mayaro' io ano' nyabut nang koo utakng ngu ka aku, nang koo idupngu sandiri'. ²⁰ Au, kamaru'ku biarlah kadoop Tuhan aku namuan kabaikotn ngu. Sagarotnlah atiku doop Kristus. ²¹ Karamo kayakinanku ka kataatatngu, aku nulis surat nyian kakau, karamo aku nahui' kau pasti ngarajaan labih dari nang ku minto'. ²² Samantaro koo, tolong siapot aku kamar karamo aku ngarapot doa-doa ngu, aku ditarimo puok ka kau. SALAM PANGABISAN ²³ Epafras, ayukng ku sapinjaro doop Yesus Kristus, kirim salam ka kau, ²⁴ jakoo ugo' Markus, Aristarkhus, Demas, ba Lukas, ayukng-ayukng sapalayananku. ²⁵ Pamare' ampat ka Tuhan diri', Yesus Kristus,kirae ngayukngi rohngu.