¹ Hai urok'ng-urok'ng kayo, dangarotlah! Nangis ba garataplah untu pandaritaan nang mao nimpanyu. ² Kakayo'otnyu dah bonto ba pakeanyu dimakot ngengat(parusak pakean). ³ Amas ba peraknyu dah batagar, lalu tagar ang'koo mao jadi bukti nang maratato'kau tarus mao makato dagingnyu macam api. Kau dah nimbun harta saat ari-ari terahir. ⁴ Dangarlah, upoh samuo pakarajo nang mengolah umanyu, nang kau tahan pake kacurangan, ngampak galawanyu. Lalu, kampakot samua'e pamanen'e dah nyampe ka tarenyek Tuhan semesta alam. ⁵ Kau dah idup ka bumi doop kemewahan ba kasenangan diri sandiri, kau dah gungkapot atinyu pada ari penyembelihan(kematian). ⁶ Kau udoh menghukum ba munuh urok'ng baik, lalu io ano galawannyu. Tabah kadoop Pandaritaan ⁷ Oleh karano ang'koo, Kamaru-kamaruku, basabarlah sampe ka ari atake Tuhan. Tananglah jamae petani gantiot buoh paling gagas nang di gasilot tanoh, gantiot'io dengan sabar sampe atake ujot awal ba ujot akhir. ⁸ Kau arus basabar ugo, kuatot atinyu karano atake Tuhan dah samak. ⁹ Kamaru-kamaruku, usolah kau garungut-garungut seko ba nang lain"ne supayo kau ano di ukum. Tananglah, Sang Hakim udoh badiri ka muho pintu. ¹⁰ Kamaru-kamaruku, sebagai teladan pandarito'ot ba kasabarot, tananglah para nabi bakato ka doop namo Tuhan. ¹¹ Kami menganggap berbahagia ne'ido nang tabah. Kau dah nangar ketabahan Ayup ba nanang maksud Tuhan pada akhire, bahwa Tuhan ang'ko penuh balas kasih ba muroh ati. Usoh Basumpoh ¹² Tapi ang'ko, Kamaru-kamaruku, ka atas samua'e ang'ko, usohlah kau basumpoh, baik demi angit, bumi, ato demi dameo pun. Kato'ot "a'u" kade a'u ba "ano" kade ano supayo kau ano dijantoi ukuman. Kuasa Doa do'op Iman ¹³ Diantaro kito ado ke nang cakahaan rongko? Biarotlah io badoa. Ado ke nang cakahaan bersukacita(karepo'ot)? Biarotlah io genyahaan mazmur. ¹⁴ Diantaro kito adoke nang cakahaan rongko? Biarotlah io nyaru tua-tua* jemaat ba ne'ido arus noakan'io, gurapi'io pake minyak doop nama Tuhan. ¹⁵ Doa nang dinaik'kot doop iman biso nyalamatot urok'ng nang rongko ang'koo lantas Tuhan mao gumpat'tato io. Lalu, kade io udoh galakuot doso-doso, io mao diampuni. ¹⁶ Karano ang'koo, aruslah kau saling mengaku dosanyu ba saling noakan supayo kau tomo. Doa urok'ng banar nang dinaik'kot dengan sungguh-sungguh, ayo sidi kuasae. ¹⁷ Elia* adalah manusio biaso macam diri. Io badoa dengan sungguh-sungguh supayo ano turut ujot, lalu ujot ano turut ka negeri ang'koo salamo tiga tahut anam buot. ¹⁸ Salanjute, Io badoa agi, lalu angit nurunan ujot ba binuo(bumi) nyamak'kot buah'he. Nolong Urok'ng Babalik(muok) ka Allah ¹⁹ Kamaru-kamaruku, seandaye ado ka antaro kito nang nyimpok dari kabanarot, lalu ado urok'ng nang nolong'io babalik(muok), ²⁰ ketahuilah bahwa urok'ng nang nabanan urok'ng badoso muok ka marago nang gagas mao nyalamat'tot jiwa urok'ng ang'koo dari kamatiot ba nutupi manyak doso.