¹ Salam ampat ka Yakubus, palayan Allah ba Tuhan Yesus Kristus, untu kadua balas suku nang tasabar ka saluruh binuo. Ujian Iman Gasilot Ketabahan(kasabaran) ² Kamaru-kamaruku, anggaplah macam karepo'ot kade kau janto ka doop berbagai pancobaan. ³ Sabab, kau nahu'i sasungguhe ujian terhadap imanyu gasilot katabahan. ⁴ Biarlah katabahan mareo't asil nang muasot(cukup) supayo kau menjadi sampurna ba utuh, ano kakurangan dameo-dameo. ⁵ Tapi ang'koo, kade ado di antaro kito nang kakurangan anugrah(hikmat), biarlah io minto ka Allah, nang bamuroh ati mare ka samuo urok'ng tampa mencela, ba ang'koo mao dibareot ka'io, ⁶ Tapi, io arus minto disaratai iman ba ano ragu karano urok'ng nang ragu sarupo macam galombang laut, angin yiup ka naan ka sio. ⁷ Urok'ng macam ang'koo usohlah bapikir(giro) mao narimo sasuatu ampat ka Tuhan. ⁸ Urok'ng nang mendua ati(ragu-ragu) pasti ano tanang ka'doop samuo marago idupe. Kakayoot Nang Sasungguhe ⁹ Biarlah kamaru nang idup sederhana bangga waktu io diningiot, ¹⁰ lalu urok'ng kayo waktu io di nampatot ka posisi nang baboh karano macam bungo rumput, io pasti ilang. ¹¹ Sabab, mata'ari tarabit ba angate nang mangkin koat, lantas gayu'ot rumput, bunga'e gugur, ba kagagas'sate pun angit. Macam ko'o ugo, urok'ng kayo ka tangoh-tangoh usahae pasti ilang. Pencobaan Ano Atok dari Allah ¹² Dibarakatilah urok'ng nang tabah kadoop pencobaan karano da'ako io tabukti tahan uji, ka- nang gasihi io pasti narimo mahkota kaidupot nang diyanjiot. ¹³ Kade seko urok'ng dicobai, amelah io bakato, "Allah cakahaan yoba'i aku." Sabab, Allah ano biso dicobai oleh si jahat lalu Io sandiri ano yoba'i sape pun. ¹⁴ Namun, satiap urok'ng diyobai takallo io diyeret ba dimikat oleh kamaoan'ne sandiri. ¹⁵ Takallo kamaoan dituruti, io pasti gatangan doso lalu takallo doso menjadi matang, io pasti gatangan maut. ¹⁶ Kamaru-kamaru nang kugasihi, ame sasat. ¹⁷ Satiap pamare nang gagas ba satiap pamare nang sampurna atok dari atas, dari Bapo dinurunan samuo tarok, ka-Io ano ado parubahan ato patukaran bowa(bayangan). ¹⁸ Atas kamaoan-Ne sandiri, Io yadiot diri ba firman* kabanarot supayo diri menjadi buoh sulung dari samuo ciptaan-Ne. Nangarot ba Galakuot(gamalot) Firman Tuhan ¹⁹ Kamaru-kamaru nang kugasihi, paratiotlah nyian: hendaklah tiap-tiap urok'ng ancang untu nangar tapi lambat untu bakato, ba lambat untu bero. ²⁰ Sabab, bero'e manusio ano garajaan kabanarot Allah. ²¹ Karano ang'koo, buoklah ketidaksucian ba manyake kejahatot, lalu tarimolah pake kelemahlembutan firman Allah nang udoh tatanam ka doop dirinyu, nang sanggup nyalamatot jiwanyu ²² Jadilah palaku firman ba buke kahe panangar ajo; kade ano, kau galoki diri sandiri. ²³ Sabab, kade urok'ng nangar firman, tapi ano io'karajaan, io macam urok'ng nang cakahaan maratiot muha'e ka caramin. ²⁴ Dahako maratiot diri'e lalu dari, io tarus kaupoot macam mae muha'e ta'i. ²⁵ Namun, urok'ng nang naliti ukum nang sampurna, iolah ukum nang memerdekakan, lalu batekun ka doop'pe, io ano menjadi pandangar nang kaupo'ot, tapi menjadi palaku firman. Io pasti dibarakati atas ameo nang io'garajaan. Ibadah(Sambayang) nang Banar ka Allah ²⁶ Kade seko'urok'ng giro bahwa io adalah urok'ng nang taat sambayang, tapi io ano biso gandaliot jiah'e, io galoki ati'e sandiri. kataatan'e ang'koo sia-sia. ²⁷ Sambayang nang murni ba ano tacela(tacoreng) ka adapot Allah lalu Bapo diri adalah gampusi anak-anak yatim piatu(ano ba urok'ng tuho) ba jande-jande ka'doop panderitaan ne'ido, ba nyago diri'e sandiri supayo ano dicemari(caca'i) oleh dunio.