¹ ampat ka Paulus nang jaji rasul Yesus Kristus karamo parintoh Allah, nang nyalamatot diri, lantas Yesus Kristus, arapan diri. ² onto' Timotius, anak nang sah doop iman. dimare, raso kasih, dan idup nyaman ampat ka Allah Bapa diri. lantas Yesus Kristus, Tuhan diri. TAGORAN NGALAWAN AJAROT SASAT ³ jamae ugo aku baarap ka kau waktu aku barangkat ka Makedonia, tatap diop ka Efesus supayo kau biso nasehati manyak urokng agar ne'ido ano' ngajarot ajarot-ajarot laen, ⁴ ato musatot paratiot ne'ido pado singkaro-singkaro lantas ka asal usule nang ano' ado ujuknge. kowo justru namboh masaloh patangkarot, bukenyo majaanan tugas palayanan Allah nang dingarajaan ampat ka iman. ⁵ tapi, nang dinuju pamarentoh kowolah kasih nang asale ampat ka ati nang murni, nurani nang baek, dan ugo atie nang barasih. ⁶ manyak urokng dah nyimpok ka tujuan nyian lantas sasat doop pakatoot nang ano' baguno. ⁷ ne'ido mao' jajio urokng pane basoal ukum taurat, tapi ano' ngarati ameo nang ne'ido ngatoot ato hal-hal ne'ido micayai. ⁸ tapi diri nahui ukum taurat nyian baek kade urokng makenyo' sajamae baeke, ⁹ kade make kasadarot ukum taurat ano' dimanjawat onto' urokng banar, tapi onto' nang ngalangar ukum lantas urokng panantok, urokng jahat nang urok badoso, urokng nang ano' kudus, nang ano' kekal, ne'ido nang munuh bapo'e nang inu'e sandiri, pamunuh, ¹⁰ urokng nang ano' banar kalakuane nang manjawat doso babayo, pamabayo, pancolek, pangalok, suko bakato nang ano'-ano' lantas sape ajo nang ngalawan ajarot nang sehat, ¹¹ iyolah ajarot Injil nang tingi ampat ka Allah sumber rajaki, nang dimicayoot ka aku. PAULUS BASUKUR KA BARAKAT ALLAH ¹² Aku basukur ka Io nang dah ngoati aku, iyolah Yesus Kristus, Tuhan diri, karamo io ngangap aku setia nang nampatot aku doop pelayanan nyian. ¹³ kadepun waktu koo aku urokng nang suko ngina, panyingsaro, nang urokng garang, tapi aku narimo raso kasih karamo waktu koo aku ngarajaan tanpa ngarati lantas doop no'picayo. ¹⁴ Tuhan mare ka aku barakat nang manyak, basabayo-bayo nang iman nang kasih doop Yesus Kristus. ¹⁵ kato nyian biso dipicayo lantas pantas ditarimo sapanuhe' kade Yesus atok ka dunio onto' nyalamatot urokng-urokng badoso; ka antaro ne'ido, akulah nang paling badoso. ¹⁶ onto' alasan nyianlah, aku namuot raso kasih, jaiyolah supayo ka doop aku, urokng nang paling badoso nyian, Yesus Kristus magariot kasabarat-Ne nang lengkap onto' contohe ka ne'ido nang picayo ka Iyo onto' namu idup nang abadi. ¹⁷ onto' Rajo samuae jaman, nang abadi, lantas nang ano gari, seko-sekoe Allah, hormat nang diningiot sampe salamo-lamoe. amin. ¹⁸ parintoh nyian kumareot ka kau, Timotius, anakku, sasuai ba nubuat nang ado dimareot ka kau, lantas nang nubuat kolo bajuanglah do op pajuangan nang baek, ¹⁹ sambil bapadoman ka iman nang ati nurani nang baek. manyak urokng dah nolak ngamuatno iyo makenyo baranti iman ne'ido. ²⁰ ka antaroe koolah Himeneus nang Aleksander , nang dah kunyarohot ka Antu supayo ne'ido balajar onto' ano' majahat Tuhan.