¹ Salam ari Paulus, sikuk urang ti dipenjara karna Yesus Kristus, ari Timotius, menyadik seiman kitai, ngusung Filemon, kaban belayan pelayan ti kami kaseh, ² ngau nguang Apfia, menyadik kitai, serta nguang Arkhipus, kaban sepejalai kitai, ngau ngusung jemaat ti besekutu diau rumah kau. ³ Anugrah serta damai sejahtera bagi kau ari Allah, Bapa kitai, ngau ari Tuhan Yesus Kristus. ⁴ Aku selalu besyukur ngusung Allahku pas ingatke ikau alam doa-doaku, ⁵ sebab aku ninga utai ngenai iman ngau kaseh ti ikau mpu alam Tuhan Yesus ngau ngusung semua urang kudus. ⁶ Aku bedoa kakke persekutuan iman kau nyadi efektif ngau pengetauk ti penuh alai tiap utai ti baik ti bisik awak kitai demi Kristus. ⁷ Aku amat besukacita ngau teibur uleh kasih ikau karna ari ikau, Menyadik, ati bala urang kudus disegarkeh agik. ⁸ Karna nyak, walaupun aku ngempu keyakinan boesai alam Kristus serta tauk merintahkeh ikau mulah nama ti nyadi kewajiban kau, ⁹ tapi karna kasih, lebih baik kalau aku mintaknya nguang ikau. Aku, Paulus-- ti udah tuai, pituk nyadi urang ti dipenjara karna Yesus Kristus-- ¹⁰ memohon nguang ikau untuk anakku, ti aku ulehbselama aku bisik diau penjara, ¹¹ ti dulau ntai bisik guna bagi ikau, tapi pituk amat beguna, baik bagi ikau, atauke bagiku. ¹² Aku ngirim nya, buah atiku, pulai ngusung ikau, ¹³ ti pengamat'e kak aku tan ke nugau tamaiku kak ke ia tauk ngantike ikau ngelayan ku selamak aku diau dipenjara karna injil. ¹⁴ Amat piak, ngau ntai disetuju, aku ntai kak mulah namapun kakke pemaik nyak ikau pulah bukai karna ntelenak, tapi karna penekak. ¹⁵ Mungkin alasan Onesimus di rarak ari ikau kak ke sewaktu-waktu ikau tauk nerimaknya agik selamak'eh, ¹⁶ tapi bukai agik nyadi budak, ngelainkeh lebih ari nyak, yakme nyadi menyadik ti dikaseh, bukai cuma untok ku, lebih gik ,e untok ikau, baik alam isik ataupun alam Tuhan ¹⁷ Jadi, kalau ikau nganggap aku kawan kerja ikau, terimak me Onesimus baka ikau nerimak aku. ¹⁸ Kalau nya udah bisik penyalah nguang ikau taukke bisik utang namapun nguang ikau, tanggungme nyak ngusung ikau. ¹⁹ Aku Paulus, nulis tuk ngau jariku kedirik: aku ngeluaskeh nya-- ntai sik nyebut namapun tentang utang ikau ngau aku, yakme pengidup kau kedirik. ²⁰ Menyadikku, biarme diau alam Tuhan aku bulih pemaik ari ikau. Segarke atiku di alam Kristus. ²¹ Karna pecayakku ngau ketaatanku, aku nulis surat tuk ngusung ikau, sebab aku ketauk ikau kak ngelakuke lebih ari ti aku pintak. ²² Sementaranyak, tulung siapke kamar ngauku karna aku ngarapke ari doa-doa ikau, aku tauk pulai ngusung ikau. ²³ Epafras, kawanku sutik penjara alam Yesus Kristus, ngirim salam ngusung ikau, ²⁴ piak ugak Markus, Aristarkhus, Demas, Lukas, serta kaban sepelayananku. ²⁵ Anugrah ari Tuhan kitai, Yesus Kristus, menyertai roh ikau.