¹ Apik subak nyak me Firman, Firman nyak sebaya-sebaya ngau Allah dan Firman nyak adalah Allah. ² Firman nyak udah sebaya-sebaya ngau Allah duduk ari niak. ³ Keba kebutai dipulah ngelalu Iya. Ndai sik Iya, keba kebutai tik udah bisik tuk ndai mungkin tauk bisik. ⁴ Di alam Iya bisik idup ngau idup nyak adalah Terang mensia. ⁵ Terang nyak becahaya dialam petang, dan petang ndai tauk menguasai-Iya. ⁶ Bisik surang tik diutus Allah, nama iya Yohanes. ⁷ Iya datai sebagai saksi disuruh madahke kesaksian tentang Terang nyak ngulihke ngelalu iya semua urang nyadi pecayak. ⁸ Yohanes kedirik bukaime Terang nyak, tapi iya datai disuruh madahke kesaksian tentang Terang nyak. ⁹ Terang tik sejati, tik menerangi semua urang, akan datai ke dunia. ¹⁰ Terang nyak udah bisik didunia ngau dunia tuk dijadike ulih-Iya, tapi dunia ndai ngelala-Iya. ¹¹ Iya nataike tik empu-Iya nyak ndai nerimak Iya. ¹² Amat piyak, sidak tik nerimak Iya diberik-Iya kuasa ngau nyadi nemiak-nemiak Allah, yak me sidak tik pecayak ngusung nama-Iya. ¹³ Sidak adai bukai ari darah atau penekak daging, atau ari penekak laki-laki, melainke ari Allah. ¹⁴ Firman nyak udah nyadi daging dan dugau di antara kitai. kitai udah medak kemuliaan-Iya, yak me kemuliaan Anak Tunggal Apai, penuh ngau anugrah dan pengamat. ¹⁵ Yohanes merik kesaksian tentang Iya udah yak bejakuk, "Tukme Iya tik kumaksudke apik aku bejakuk, 'seudah aku, kak datai Iya tik dulau ari aku ulih Iya bisik seempai aku."' ¹⁶ Ari kepenuhan-Nya, kitai semua nerimak anugerah demi anugerah. ¹⁷ Sebab, Ukum Taurat diberikke ngelalu Musa; tapi anugerah ngau pengamat datai ngelalu Yesus Kristus. ¹⁸ Ndai surang pun galak medak Allah, tapi anak Tunggal Allah, tik bisik dipangkuk Apai, menyatake-Iya. ¹⁹ Tuk me kesaksian Yohanes dapik urang-urang Yahudi ngutus imam-imam ngau urang-urang Lewi ari Yerusalem untuk betanyak ngusung Yohanes, ''Sapakah ikau?'' ²⁰ Yohanes ngakuk, dan iya ndai nyangkalnya, iya ngakuk, ''Aku bukai Kristus nyak.'' ²¹ Sidak betanyak ngusung iya, ''Asa piyak, sapakah ikau? Namakah ikau Elia?'' Iya nyaut, Aku bukai Elia.'' "Namakah ikau Nabi nyak?'' Iya nyaut, ''Bukai.'' ²² Udah yak, sidak bejakuk ngusung iya, ''Sapakah ikau, karna kami karah merik jawaban ngusung urang tik ngutus kami? Nama jakuk kau tentang dirik ikau kedirik?'' ²³ Yohanes nyaut ngau jakuk Nabi Yesaya, ''Akume suara urang tik dijakukke Nabi Yesaya beseru-seru dipadang belantara: 'Luruskeme jalai bagi Tuhan!"' ²⁴ Urang-urang Yahudi tik di utus nyak adalah urang Farisi. ²⁵ Lalu, sidak bejakuk ngusung Yohanes, ''Asa ikau bukai Mesias, bukai Elia, ngau bukai Nabi nyak, ngapa ikau membatis?'' ²⁶ Yohanes nyaut sidak, ''Aku membaptis ngau aik, tapi diantara ikau bediri surang tik ndai ikau kelala. ²⁷ Iya me tik kak datai seudah aku. Mukak tali sendal-Iya pun, aku ndai pantas.'' ²⁸ Semua nyak tejadi di Betania, di seberang sungai Yordan, Yohanes membaptis. ²⁹ Kepagi ari e, Yohanes medak Yesus datai ngusung iya, dan Yohanes bejakuk, ''Pedakme, Anak Domba Allah! ³⁰ Iya me tik aku maksud kedapik aku bejakuk, 'seudah aku datai seurang yang lebih besai ari aku karna Iya udah bisik seempai aku,' ³¹ Niak, aku ndai ngelala Iya, tapi ngulih ke iya dinyata ke ngusung urang-urang Israel, maka aku datai membaptis ngau aik.'' ³² Dan, Yohanes besaksi, jakuk iya, ''Aku medak Roh turun ari langit baka burung merpati dan Roh nyak dugau ntang-Nya. ³³ Aku kedirik ndai ngelala Iya, tapi Iya tik ngutus aku untuk membaptis ngau aik bejakuk ngusung aku, 'Iya tik ke atau-Iya ikau medak Roh turun dan dudi, Iya me tik akan membaptis ngau Roh Kudus.' ³⁴ Aku kedirk udah medak ngau merik kesaksian bahwa Iya tuk me Anak Allah.''' ³⁵ Kepagi ari e, Yohanes bediri agik besama dua urang murid iya, ³⁶ dan iya medak Yesus agik bejalai. Yohanes bejakuk, ''Pedakme, Anak Domba Allah!'' ³⁷ Kedua murid iya ninga jakuk nyak lalu sidak nitih ke Yesus. ³⁸ Yesus nginih kebelakang ngau dapik medak sidak agik nitihke-Iya, Iya bejakuk ngusung sidak, ''Nama tik ikau egak?'' Sidak bejakuk ngusung-Iya, ''Rabi(tik asa diterjemah ke arti e: Guru), dini Ikau bedugau?'' ³⁹ Iya bejakuk ngusung sidak, ''Abuh dan kitak akan medak.'' Udah yak, sidak datai dan medak tik alai Iya bedugau dan sidak bedugau besama-Iya ari nyak karna dapik nyak kira-kira jam kesepuluh. ⁴⁰ Salah sikuk ari kedua murid tik ninga jakuk Yohanes lalu nitih ke Yesus nyak adalah Andreas, menyadik Simon Petrus. ⁴¹ Seempai nyak, Andreas ngusung Simon, menyadik iya, dan madah ke, ''Kami udah nemuke Mesias (tik diterjemah ke nyadi 'Kristus').'' ⁴² Udah yak, Andreas ngemaik Simon ngusung Yesus. Yesus nginihke Simon udah yak bejakuk, ''Ikau Simon, anak Yohanes. Ikau akan dikumbai Kefas (tik bearti 'Petrus' atau 'Batu').'' ⁴³ Kepagi ari e, Yesus bemaksud ke Galilea. Iya betemu ngau Filipus dan bejakuk ngusung iya, ''Tamai me Aku!'' ⁴⁴ Filipus berasal ari Betsaida, kota alai Andreas ngau Petrus dugau. ⁴⁵ Filipus betemu ngau Natanael dan bejakuk ngusung iya, ''Kami udah nemu ke Iya tik di tuliske Musa alam Ukum Taurat ngau ulih para nabi, nyak Yesus ari Nasaret, anak Yusuf.'' ⁴⁶ Nataneal bejakuk ngusung iya, ''Mungkinkah utai tik baik datai ari Nasaret?'' Filipus bejakuk ngusung iya, ''Datai dan pedak me.'' ⁴⁷ Yesus medak Nataneal datai ngusung-Iya dan bejakuk mengenai Nataneal, ''Pedakme, surang Isreael sejati, ndai bisik kepalsuan di alam iya!'' ⁴⁸ Nataneal betanyak, ''Kati baka Ikau ngelala aku?'' Yesus nyaut, ''Seempai Filipus ngumbai kau, Aku udah medakkau dapik ikau dugau di baruh pun kayu ara.'' ⁴⁹ Saut Nataneal, ''Rabi, Ikau adalah Anak Allah. Ikau adalah Raja urang Israel.'' ⁵⁰ Yesus nyaut dan bejakuk ngusung iya, ''Karna Aku bejakuk ngusungkau, 'Aku udah medak ikau dibaruh pun kayu ara', maka ikau pecayak? Ikau akan medak hal-hal tik jauh lebih besai ari pada tuk!'' ⁵¹ Lalu, Iya ngelanjut ke, ''Sesungguh e, Aku bejakuk ngusung kau, ikau akan medak langit tebukak ngau malaikat-malaikat Allah nikik turun.''