¹ Salam ari Yakobus, pelayan Allah ngau Tuhan Yesus Kristus, ngusung dua belas suku ti tesebar awak semua dunia. ² Menyadik-menyadik ku, anggapmeh sukacita tik ikau labuh alam mayuh pencobaan. ³ Sebab, ikau ketauk bahwa ujian iman kau ngasilke ati ti tabah. ⁴ Ayuke meh ketabahan kitai merik ke asil nguleh ke ikau sempurna ngau teguh, ndai kurang nama pun. ⁵ Akan tapi, tik di antara ikau bisik ti kurang hikmat, karah meh iya mintak nyak ngusung Allah, ti ngau murah ati merik ngusung semua urang tampa cela, dan nyak lak akan di beriknke ngusung ya. ⁶ Tapi, ia karah mintak ngau iman dan ndai bingung karna urang ti bingung baka umbak laut, ti di sepu ribut kiak kituk. ⁷ Urang baka nyak anang meh ngira akan nerimak sutik pun ari Tuhan. ⁸ Urang ti mendua ati ndai akan tenang awak semua jalai idup'e. ⁹ Ayu meh menyadik ti idup sederhana bangga alai ia di dudike, ¹⁰ dan urang ti kaya alai ia dengkah awak ti baruh baka bunga rumput, ia akan lenyap. ¹¹ Sebab, mata panas idup ngau panas mat, ngelayuke rumput, bunga'e labuh, pemaik pun nyau. Baka nyak ugak, urang kaya akan lenyap di tengah usaha ya. ¹² Diberkatimeh urang ti sabar alam cobaan karna seudah ia tebukti tan duji, ia akan nerimak mahkota idup ti di janjike ngusung ti kasih ngau Iya. ¹³ Tik surang di cobai, anang meh ia bejakuk, "Aku tengan di cobai Allah." Sebab, Allah ndai tauk dicobai uleh si jahat dan Ia kedirik ndai nyobai sapa pun. ¹⁴ Tapi, tiap urang dicobai pas ia di tarik dan di pikat uleh kedekak ya kedirik. ¹⁵ Pas penekak ya bebuah, ia akan mulah dusa dan pas dusa nyadi besuh, ia akan mulah maut. ¹⁶ Menyadik-menyadik ti ku kasih, anang sesat. ¹⁷ Tiap pemberian ti baek dan tiap pemberian ti sempurna datai ari atau, diturun ke ari Apak segala terang, awak nya ndai sik ti berubah atau bayang ti tetukar. ¹⁸ Atas penekak ya kedirik, Ia mulah kitai ngau firman* kebenaran nguleh ke kitai nyadi buah tuai ari semua ti di ciptake nya. ¹⁹ Menyadik-menyadik ti kukasih, ilau ke tuk: karah meh tiap urang deras ninga, tapi lungau bejakuk, ngau lungau ringat. ²⁰ Sebab, peringat mensia ndai mulah kebenaran Allah. ²¹ Karna nyak, buaimeh semua ti ndai suci dan mayuh'e kejahatan, dan trimakmeh ngau lemah lembut firman Allah ti udah di tanam dalam kau, ti sanggup nyelamat ke jiwa kau. ²² Jadimeh pelaku firman dan bukai cuma peninga jak; tik ndai, ikau mulak dirik kedirik. ²³ Sebab, tik urang ninga firman, tapi ndai mulah'e, ia baka urang ti tengan ngilau ke mua'e di kaca. ²⁴ Seudah ngilau dirik'e dah nyak angkat, ia deras kelupa kati baka mua ya tadik. ²⁵ Tapi, urang ti neliti ukum ti sempurna, hukum ti merdekake, dan betekun dalam'e, ia ndai nyadi peninga ti kelupa, tapi nyadi pelaku firman. Ia akan diberkati atas nama ti dilakuke ya. ²⁶ Tik surang ngira bahwa ia adalah urang ti taat sembayang, tapi ia ndai tauk ngendalike dilah ya, ia nipu ati ya kedirik. Taat ya nyak percuma. ²⁷ Sembayang ti asli dan ndai becela di mua Allah ngau Apak kitai adalah datai ngusung anak-anak ti ndai sik apai indai ngau janda-janda alam derita sidak, dan nyaga dirik ya kedirik nguleh ke ndai di cemar uleh dunia.