¹ Lebuh Apolos agi di Korintus, Paulus bejalai nengah menua atas, lalu datai ke Efesus. Dia' iya tetemuke sekeda murid. ² Lalu kenu iya nanya sida', Kati kita bisinerima Roh Kudus lebuh kita pecaya? nadai kenu sida nyaut. Indah ninga pasal Roh Kudus deh kami nadai gala.' ³ Iya lalu nanya sida, Baptisan nama ti dikena maptis kita? Baptisan Yohanes, kenu sida nyaut. ⁴ Paulus lalu bejaku ngusung sida, Yohanes maptis ngena baptis betobat, ngasuh orang Israel pecayake orang siku ke deka datai dudi ari iya, iya nya, Yesus. ⁵ Lebuh sida ninga nya, sida lalu dibaptis dalam nama Tuhan Yesus. ⁶ Lebuh paulus udah ngengkahke jari iya atas sida, sida lalu bejaku ngena jaku ti lain, lalu benabi. ⁷ Pemayuh semua sida kira-kira dua belas orang lelaki. ⁸ Paulus lalu tama' ngusung Balai Pertemuan, lalu dalam kandang tiga bulan iya bejaku enggau berani, lalu betukar pasal perintah Petara. ⁹ Tang lebuh sekeda sida ngeraske ati, lalu enggai pecaya, serta menyaike jalai Tuhan di semua kaban sida, Paulus ninggalke sida, lalu mai sida murid mupuk enggau iya, lalu tiap ari iya betukar pikir enggau sida dalam balai Tiranus. ¹⁰ Iya ngerja nya dua taun, datai kesemua orang ke diau di menua Asia nyengkaum orang Yahudi enggau orang bansa bukai, udah bela ampit semua ninga jaku Tuhan. ¹¹ Petara ngereja mayuh Mujizat te luar biasa ngena Paulus, ¹² datai ke sapu tangan enggau celemek ti udah negu iya dibai ngagai orang ke sakit, lalu orang nya disembuhke, lalu roh ti jai pansut ari sida. ¹³ Udah nya sekeda orang Yahudi ke bejalai kia-kia muru roh te jai, nguji ngena nama Tuhan yesus muru roh te jai, ko sida, Aku muru nuan dalam nama Yesus te di padah ke Paulus. ¹⁴ Kerja nya dikerja tujuh iku anak lelaki imam besai orang Yahudi kebenama Skewa. ¹⁵ ngagai sida, Aku ngelala Yesus, lalu aku ngelala Paulus, tang sapa kita tu? ¹⁶ orang ke derasuk antu nya lalu nerkam sidak ya, nangkap sida lalu ngalah ke sidak. sida lalu rari telanjang-telanjang ari rumah nya serta habis bakal. ¹⁷ lebuh pekara tu di temu semua orang Yahudi enggau orang bansa bukai ke diau di Efesus, semua sidak takut, lalu nama Tuhan di kebesaika. ¹⁸ mayuh sida ke arap datai lalu ngaku , di mua orang mayuh, kerjate jaik te udah di kerja sidak. ¹⁹ Mayuh manang datai maik buku sidak, lalu nunu buku nya di mua orang mayuh. Lebuh rega semua bukunya di itung, rega semua utai nya nyau deka bulih 50.000 singkat duit perak. ²⁰ Nya alai jakuk Tuhan balak amat ngelekai serta mansang dalam kuasa. ²¹ lebuh utai nya udah nyadi, Paulus lalu berunding, ari iring roh kudus, deka bejalai dengah menua Makedonia ngau menua Akhaya, mansang ngagai Yerusalem. ku iya bejaku,"lebuh aku udah nemuai kiak, aku nak tau nak megak nemuai ngagai Roma." ²² Nyak alaiya ngirimke dua ikuk penulung iya, Timotius sidua Erastus, ngagai Makedonia lalu iya empu diau lama mimit di menua Asia. ²³ Di urung mayanya pengacau balat amat nyadi ketegal jalai Tuhan. ²⁴ sikuk tukang temaga kebenama Demetrius, kebegaga ke engkeramba rumah sembiang kepetara Artemis ari pirak, merik penguntung ti besai ngagai tukang ke bekerja bepulah ke utainya. ²⁵ Iya ngumpul ke sida ngau, ngau orang bukai kesebaka kerja ngau sidak, lalu bejaku ngagai sidak, "kita nemu, kitai bulih pengaya ari kerja dagang kitai tuk. ²⁶ Lalu kita megak ngilau serta ninga, ukai seminak di Efesus tau nyau ke di serata serta semua menua Asia, orang kebenama Paulus tuk udah mujuk serta nguingka mayuh orang pecaya ke jakuk iya lebuh madah ke petara tik digaga ngenak jarinya ukai petara. ²⁷ Nya alai, dagang kitai jaik nama, lalu rumah sembiyang petara Artemis tik besai tuk tauk pulai nadai guna agik, lalu iya kedisembah semua orang di Asia ngau di serata dunya nadai agik basa orang!" ²⁸ Lebuh sidak ninga nya, sidak lalu pedeh ati, lalu ngerejuk,"besai meh Artemis orang Efesus!" ²⁹ semua orang dalam negeri nya lalu begau semua. sidak lalu belumak ngagai sitik balai di nengeri nya, ngirit gayus seduai ari Aristarkhus, duai ikuk orang Makedonia kesama bejalai ngau Paulus ³⁰ Paulus bisik amat ati dekak mansang ngagai tekang bala mayuh tang sidak murid nak ngasuh iya; ³¹ indah sekedak orang perintah di menua nya, ke endang pangan Paulus empu, udah ngirim kepesan ngagai iya, minta iya nda mansang ngagai balainya. ³² Nyadi semua orang kebekumpul dibalainya nyau bekelai sekedak nyebut tuk, lalu sekedak nyebut nya, laban mayuh sidak nak nemu kebuah sidak bekumpul. ³³ Sekedak orang Yahudi ngejuk ke Aleksander mansang kemua, lalu madah ngagai iya utai ti paput di sebut iya. Aleksander lalu ngepai ke jari, minta orang baduk agik ragak ngambi ke iya uluh bejaku ngari ke dirik dimua orang mayuh. ³⁴ Tang lebuh sidak ngelala iya nya orang Yahudi semua sidak lalu ngerejuk kira dua jam, ku sidak, besai meh Artemis orang Efesus!" ³⁵ Seudah Panitera kota ? ³⁶ laban utai nya enda ulih di sangkal, kita patut diau diri lalu enda ngereja utai ti enda menuhku. ³⁷ Kita udah maik orang tu kitu, taja pen sidak nadai ngerumpak rumah sembiang tauka ngeleseka petara kitai. ³⁸ NYa alai, enti Demitrius enggau bala orang ke gawa ke iya deka bedawaka sapa-sapa , bilik kot endang seruran tebuka, lalu kitai bisik hakim. Awakka sida bedawaka pangan diri dia. ³⁹ Enti kitai bisik utai bukai ti kera deka di temu kita, utai patut diputarka lebuh orang mayuh begempuru. ⁴⁰ Laban kitai tau dikumbai orang salah ngaga pengacau sehari tu, laban kitai nadai kebuah begau baka tu." ⁴¹ Lebuh iya udah nyebut nya, iya lalu ngasuh orang mayuh pulai.