¹ Akhire, sudere-sudereku, bersukeciteleh was Tuhen. Aku gere keberatan menulisen mien hal-hal si dis ken-mu karene hal ini akan menjegemu. ² Waspadaleh terhedep asu-asu, waspadaleh terhedep para pelaku kejehete, nye waspadaleh terhedep pakea si menyunet tubuh, ³ sebeb kiteleh jema-jema bersunet si sejati, si menyembah was Roh Allah, memulianen Yesus Kristus, nye si gere membuh percaya pede hal-hal si lahiriah. ⁴ walaupeh aku sebenare mempui alasen tuk bermegah pede hal-hal si lahiriah. Ike ara jema laen si berpikir behwe we mempui alasen tuk bermegah pede hal-hal si lahiriah, terlebih mien aku; ⁵ Aku isunet pede lo ke waluh, bangsa Israel tulen, ari suku Benyamin, jema Ibrani si berbahasa Ibrani. Menurut Hukum Taurat, aku araleh jema Farisi. ⁶ Was hal semangat, aku araleh penganiaya jemaat, nye was hal kebenaren i tuyuh Hukum Taurat, aku gere bercacat. ⁷ Akan tetapi, segele sesuatu si dahulu menguntungen aku, siloni kuanggap rugi karena Kristus. ⁸ Sungguh, segele sesuatu ku anggap rugi ibandigen urum penene'en akan Isa Kristus, Tuhenku, si gaib lebih berherge ari hana peh. Demi Kristus, aku ge keosopen bewehne karena mehne oya siloni kuanggap sampah! kati aku guk mendepeten Kristus. ⁹ Aku idemunen was Kristus ume was kebenaren si beresel ari diriku keniri si kudemunen ari Hukum Taurat, tetapi si enggeh melalui imen was Kristus, yaonya kebenaren ari Allah si berdasaren pede imen. ¹⁰ Kire'e aku depet menene We nye kuasa kebangkiten-E, serta bersatu iwas penderiteen-E tuk munjadi unang We was kematien-E. ¹¹ sehingge pede akhir'e aku memperoleh kebangkiten ari antara jema mate. ¹² Namun, ume berarti aku ge mendepeten ato ge sempurne, melainen aku mengejere kati aku menangkap'e selaguhi Kristus Kristus ge munengkam aku. ¹³ Sudere-sudere, aku gere menganggap behwe aku ge munengkam'e. Akan tetap, sara hal si kulakunen: aku melupenen hana si i udukku nye mengarahen diri ken hana si ihedepenku. ¹⁴ Aku terus maju ken tujuen tuk mendepet hadiah, yaonya talunen surgewi ari allah was Yesus Kristus. ¹⁵ Kinileh kite si sempurne berpikir unang demikien. Ike kam gere berpikir demikien, Allah akan menuruhen urum jelas ken-mu ¹⁶ Namun demikien, kinileh kite terus murip sesue urum kebenaren si engge kite empu. ¹⁷ Sudere-sudere, tunungileh teladanku nye perhatien urum seksama jema-jema si juge murip sesue urum teladan si kam enggon ari kami. ¹⁸ Sebeb, ara delle jema si murip sebage musuh-musuh salib Kristus. Tentang hal ini, aku ge gati menceritenen ken-kam nye siloni aku menceritenen mien urum aih mata. ¹⁹ Akhir murip pakea araleh kebinasae, karene allah pakea araleh tuke pakea, nye pujien pakea araleh hal-hal si mengkemelen. Pikiren pakea enyeleh pede hal-hal duniewi. ²⁰ Akan tetapi, kewarganegaraen kite araleh i surge, i hi kite urum engkip semangat menanti-nantien Juru Selamat, yaonya Tuhen Yesus kristus. ²¹ We akan mengubah tubuh kehinaen kite munjadi serupe urum tubuh kemuliaen-E. Urum kuasa-E oya, Kristus mampu memah segele sesuatu tunuk ken-E.