¹ Lo Reye Paskah nye Lo Reye Ruti Gere beragi berlangsung roa lo mien, imem imem ulu nye ahli-ahli Tauret dang menerah cere tuk menangkap Isa urum tipu muslihat nye menunuh-E. ² Sebeb, pakea bercerak ,"Enti tengah lo reye kati enti terjadi kkeributen i antara rakyat." ³ Sementere Isa ara i Betania, i umah Simon si Kusta, ketike dang kunul i meja man, engeh'leh sejam benen urum sebuah guci ucak ari atu pualam berisi minyak wangi ari narwastu si murni nye mal. We memecahen guci oya nye menuangen'e ke ulu Isa. ⁴ Nye tetapi, ara sesideh jema si bercerak urum kesal sara urum si laen,"Hanati memborosen minyak wangi unang ini? ⁵ Sebeb minyak ini nguk i'juel 300 dinar lebih nye depet i'osahen ken jema miskin."Nye, pakea peh membengisi benen oya. ⁶ Nye, Isa bercerak, "Datenleh we. Hanati kam menyusahen we ? We ngek membuh buet si baik bagi-Ku. ⁷ Sebeb, kam dor empu jema miskin urum-mu, nye selo peh kam mera, kam nguk membuh buet baik bagi pakea. Nye tetape, kam gere male dor empu Aku. ⁸ Benen ini ngek membuh hana si we nguk. We mengurapi beden-Ku lebih mulo tuk penguburen. ⁹ Aku mencera'en ken'mu si sebenar'e, ihi Injil i'beritanen i mehne dunie, hana si ngek i'buh bene oya peh male icerak'en sebage peringeten male we." ¹⁰ Kemudien, Yudas Iskariot , araleh sara ari keroa belas murid, beluh ken imem-imemulu tuk menyerahen Isa ken pakea. ¹¹ Ketike pakea memenge'e, pakea senang nye berjanji menosah Yudas sen. Entap oya, Yudas menerah kesempat'en si jeroh tuk mencerahen-E. ¹² Pede lo simulo Lo Reye Ruti Gere Beragi, ketike pakea mengurbanen anak biri-biri Paskah , murid-murid Isa berunger ken-E, "Ke ihikeh Engko merai kami tuk beluh menyiepen bagi-Mu man Paskah?" ¹³ Nye, We mengkeni roa jema murid-E nye bercerak ken pakea,"Beluh'leh ke kota, nye sejema rarawan si engeh memah kendi berisi aih male mendemui'mu. Tunungleh we, ¹⁴ nye keihi peh we mayo, cerak'en ken empu umah,'Guru bercerak: I hikeh ruangen ton Aku depet man Paskah berurum murid-murid-Ku?' ¹⁵ Nye, we male menuruhen ken'mu sebuah ruangen kul i lante atas si ngek berperabot nye siep sedie. Siapenleh perajmuen bagi kite i one." ¹⁶ Kemudien, murid-murid beluh nye sawah i kota. I one, pakea mendemui ton unang si Isa cerak'en ken pakea, nye pakea menyiapen Paskah. ¹⁷ Tengah lo kelam, engehleh Isa berurum keroa belas murid. ¹⁸ Nye, pede lo pakea dang kunul nye man, Isa bercerak,"Aku mencerak'en si sebenar'e ken-mu, ara sejema i antara kam si dang man berurum urum Aku, male menghianati-Aku." ¹⁹ Pakea mulei i'buh sedih nye bercerak ken-E sara demi sara ," Pasti umek aku, Kan?" ²⁰ Isa bercerak ken pakea,"We araleh sara ari roa belas murid, jema si mencelupen ruti berurum Aku ke was mangkok. ²¹ Sebeb, Anak Manusie male beluh, unang si ngek tertulis tentang We, tetape celakaleh jema si oleh'e Anak Manusie i'khianati ! Nye lebih jeroh bagi jema oya ike we gere penah i'lahiren." ²² Ketike pakea dang man, Isa meneten ruti, nye ngemari memberkati , We memecah-mecahen'e nye menosahen'e ken pakea, nye bercerak, "Etenleh, ini beden-Ku." ²³ Nye, We meneten cawan, nye mencerak'en syukur . We menosahen'e ken pakea, nye pakea mehne inum ari cawan oya. ²⁴ Nye, Isa bercerak ken pakea,"Inileh rayoh-Ku, rayoh perjanjien, si i'sempiren bagi delle jema. ²⁵ Aku mencerak'en ken'mu si sebenar'e, Aku gere male inum mien hasil uwah ari pohon anggur, sawah pede lo ketike Aku me'inum anggur si ayi i was Kerejeen Allah." ²⁶ Ngemari menyanyinen sebuah lagu rohani, pakea peh beluh ke Bukit Zaitun. (Murid-Murid Isa male Menaringen-E) ²⁷ Nye, Isa bercerak ken pakea "Kam mehne male menaringen Aku, entap ara tertulis , 'Aku male menyerang gembala, nye domba-domba oya male tercere-bere.' ²⁸ Nye tetape, ngemari Aku i'uwet'en, Aku male beluh ke Galilea melewati kam." ²⁹ Nye, Petrus bercerak ken-E "Segerpeh pakea mehne menaringen-Mu, tetepe aku gere." ³⁰ Nye, Isa bercerak ken'e,"Aku mencerak'en si sebenar'e ken'mu, kelam ini, segilen kurik rawan entuk roa kali, kam male gere menene Aku tulu kali. " ³¹ Nye tetape, Petrus melewen menjeweb,"Sekalipeh aku turah mate berurum Engko, aku gere male menyangkal Engko !" Nye, pakea mehne mencerak'en hel si dis. ³² Kemudien, sawaleh pakea i suatu ton bergelar Getsemani, nye We bercerak ken murid-murid-E,"Kunul'leh i one sementere Aku berdoa." ³³ Nye, We memah Petrus , nye Yakobus, nye Yohanes berurum-E, nye mulei munjadi sangat terih nye tertekan. ³⁴ Nye, cerak'E ken pakea, "Jiwe-Ku sangat sedih, behkan sawah hampir mate. Tetapleh taring i one nye berjege-jegeleh." ³⁵ Nye, ngemari men'gaib tik, We bersujud i atas tanoh nye berdoa, ike mungkin, saat oya berlalu ari pede-E. ³⁶ Nye, We bercerak "Abba , Apak, segele sesuatu mungkin bagi-mu. Etenleh cawan ini ari-Ku . Nye, umek hana si Aku meraen, melaenen hana si Engko meraen." 7Kemudien, We engeh mien nye mengehi murid-murid-E dang nome, nye We bercerak ken Petrus,"Simon, hanati kam nome? Gere nguk'keh kam berjege-jege semokot sara jem? ³⁸ Berjege-jegeleh nye berdoa kati kam gere tauh ke was percubeen. Roh memang penurut, tetape dengke lemah." ³⁹ Nye mien, We beluh nye berdoa urum menungeren perceraen si dis. ⁴⁰ Nye mien, We engeh nye mengehi pakea danh name entap mata pakea tunuhbeh, nye pakea gere betih turah menjeweb han ken-E. ⁴¹ Marioya, Isa engeh tuk ketulu kali'e nye bercerak ken pakea,"kam dang nome nye beristirahat? Cukup, saat'e nge tibe. Engon , Anak Manusie i'serahenke was pumu jema-jema berdosa. ⁴² Uwetleh, entah kite beluh. Engon, si menyerahen Aku nge mendekat." ⁴³ Nye ngemari oya, sementere Isa dang bercerak, Yudas, sejema ari keroa belas murid, engeh berurum jema delle urum lopah nye pentung, i'utus oleh imem-imem kepele, ahli-ahli Tauret, nye tue-tue bangsa Yahudi. ⁴⁴ We si menyerahen'e ngek menosah pakea suatu tene , cerak'e,"Jema si male aku cemoh, Weleh Jema'e. Tangkap We nye mah we beluh i tuyuh pengawasen ." ⁴⁵ Nye, ketike Yudas sawah, we peh mendekati Isa nye bercerak,"Rabi!" Nye, we mencemoh Isa. ⁴⁶ Nye, pakea menamat isa nye menangkap-E. ⁴⁷ Nye, sara ari pakea si sesuk, mencabut lopah'e nye menyerang peleyen Imem Kul, nye mengkerat kemiring'e. ⁴⁸ Nye, Isa bercerak ken pakea,"Sahenkeh kam engeh urum lopah nye pentung tuk menangkap Aku unang sejema perampok? ⁴⁹ Dor lo, Aku berurum-urum'mu i Bait Allah dang mengejer, tetape kam gere menangkap Aku . Namun , hel ini terjadi unang Kiteb Suci depet i'engkipi." ⁵⁰ Nye, pakea mehne menaringen-E nye mensangkaen diri. ⁵¹ Ara sejema pemude si menunung Isa, nye memake upuh lenan pede badan'e. Nye, pakea menangkap'e. ⁵² tetape we menaringen upuh lene oya nye mencangkaen diri urum beterot ato kelanyang. ⁵³ Nye , pakea memah isa ken Imem Kul. Nye, mehne imem kepele, nye tue-tue , nye ahli-ahli Tauret berkamul berurum. ⁵⁴ Nye, Petrus menunung Isa ari gaib, sawah ke halaman umah Imem kul. I one, we kunul berurum pere pengawal dang menghangaten diri i rara. ⁵⁵ Pere imem kepele nye mehne Mahkamah Agama dor menerah kesaksien tuk melewen Isa kati pakea depet menunuh-E, tetape pakea gere mendemunen hana-hana. ⁵⁶ Sebeb, delle jema menosahen kesaksien palsu tuk melewen-E, tetape kesaksien pakea gere sesue sara dis si laen. ⁵⁷ Kemudien, pepien jema sesuk nye menosah kesaksien palsu tuk melewen Isa, cerak'e, ⁵⁸ "Kami memenge We bercerak,'Aku male merobohen Bait Allah tosen pumu manusie, nye was tulu lo, Aku male membangun si laen'e, si gere i'buh urum pumu." ⁵⁹ Nye, tuk hel ini peh kesaksien pakea gere sesue sara urum si laen. ⁶⁰ Nye, Imem Kul sesuk i lah-lah pakea nye bercerak ken Isa,"Hanakeh Engko gere menosah jeweben ken jema-jema si bersaksi melewen-Mu?" ⁶¹ Nye, tetape, We tetap ongot ato sip nye gere menjeweb. Imem Kul berunger mien ken Isa nye bercerak, "Hanakeh Engko mesias, Anak Allah si Terpuji ?" ⁶² Nye, Isa bercerak, "Akuleh We, nye kam male menengon Anak Manusie kunul i semelah kuen si Mahakuese nye engeh berurum urum awan-awan i langit." ⁶³ Nye, dang meremak jubah'e , Imem Kul bercerak,"Hanati kite perlu saksi mien? ⁶⁴ Kam ngek memenge hujat'en. Hana keputusenmu? " Nye, pakea mehne menghukum-E urum hukumen mate. ⁶⁵ Pepien jema mulei menulihi We, nye menutup salak-E, nye meninyu-E, nye bercerak ken-E,"Bernubuatleh!" Pere pengawal menerime-E urum menampar-E. ⁶⁶ Nye, sementara Petrus aralen i tuyuh halaman umah Imem Kul, ⁶⁷ Nye, menengon Petrus dang menghangaten diri, peleyen oya menatap'e nye bercerak,"Kam peh berurum Isa, Jema Nazaret oya." ⁶⁸ Namun, Petrus gere mengaku nye bercerak,"Aku gere membetih nye gere mengerti hana si kam cerak'en." Nye, we beluh ke pintu gerbang, nye manuk rawan berkokok. ⁶⁹ Peleyen benen oya menengon Petrus seger mien nye mulei bercerak mien ken jema-jema si sesuk,"Jema ini araleh salah sara ari pakea." ⁷⁰ Nye tetape, We gere mengakui'e mien. Nye, gere mokot kemudien, jema-jema si sesuk bercerak mien ken Petrus,"Kam pasti salah sara ari pakea entap kam peh jema Galilea." ⁷¹ Namun, We mulei mengutuk nye bersumpah, "Aku gere tene Jema si kam cerak'en!" ⁷² Nye, Manuk jantan berkokok tuk keroa kali'e nye Petrus teringet hana si ngek Isa cerak'en ken'e, "Segilen manuk jantan berkokok roa kali, kam pasti gere mengakui Aku tulu kali." Nye , Petrus gere depet menahan perak'e.