¹ Ngemari Isa menyelesenen mehne percera'en-E i arap jema delle, We mayo ku Kapernaum. ² I one, ara sejema Perwira Romawi si empu budak si i'hergei'e. Budak oya tegah sakit parah nye hampir mate. Ketike perwira oya memengge tentang Isa, we mengutus pepien tue-tue Yahudi mendemui Isa nye niro We geh tuk menjegeren peleyen'e oya." ⁴ Seet jema-jema oya geh ken Isa, pakea sugguh-sugguh memohon ken-E. Cerak pakea," Jema ini layak mendepet pertolongen-Mu, ⁵ sebeb we mengasihi bengse kite nye weleh si membangun sinagoge bagi kite." ⁶ Berangkatleh Isa urum pakea. Ketike We ngek dekat ku umah perwira oya, perwira oya menutus pepien ken Isa, " Tuan, enti Engko menyusahen diri tuk'ku debeb aku gere layak menerime-Mu i umaku. ⁷ Oyaleh sebeb'e, aku keniri merasa gere layak tuk geh ken-Mu. Tetapi ucepenleh sepatah cerak, nye peleyenku pasti male jeger. ⁸ Sebeb, Aku peh sejama bewehen si membewehi prajurit-prajurit. Ike kuceraken ken jema prajurit , 'Beluhleh!', we peh beluh. Ike kuceraken ken prajurit si laen,'Geh-leh!,' we peh geh. Nye ike kuceraken ken budakku,'Lakunenleh ini!,' budakku peh male melakunen'e." ⁹ Ketike Isa memengge hal oya, We merasa heran male perwira Romawi oya. Tegah berpaling ken jema delle si menunung-E, We bercerak "Aku bercerak ken'mu, behken i entere jema Israel peh Aku gilen penah mendemunen imen sekul ini." ¹⁰ Seet rombongen si i'utus ken Isa ulak ku umah perwira oya, pakea mendepeti budak'e ngek jeger. ¹¹ Pede keesoken lo'e Isa beluh ku semuah kota bergelar Nain urum pere murid-E nye rombongen jema delle si menunung We. ¹² Ketike We mendekati pintu gerbang kota, ara meyet sejema rerawan si iusung kederet Jema si mate oya araleh anak tunggal ari amak'e si ngek janda. Nye, ara delle jema ari kota si berurum-urum benen oya. ¹³ Ketike Tuhen menenggon benen oya, Tuhen berbelaskasihen ken'e nye bercerak, " Enti mongot," ¹⁴ Kemudien , We mendekat nye menyentuh tandu jenazah oya. Jema-Jema si mengusung tandu oya peh berhenti. Lalu, Isa bercerak, "Hai anak mude, Aku bercerak ken'mu, uwetleh!" ¹⁵ Kemudien, jema si hakne'e mate oya kunul nye mulei mengembalinen'e ken amak'e. ¹⁶ Mehne jema si menenggon hel oya i'engkipi rese terih nye mulei memuji Allah nye bercerak, " Sejema nabi kul ngek muncul i lah-lah kite!'' nye "Allah ngek melawat umet-E." ¹⁷ Nye, berite tentang We menyebar ku mehne Yudea nye ku mehne to laen i sekiter'e. ¹⁸ Murid-murid Yohanes menugeren ken Yohanes tentang mehne hel oya. ¹⁹ Lalu, Yohanes menalu roa jema murid'e nye mengutus pakea ken Tuhen tuk bercerak,"Engkokeh si male geh oya? Ato, turahkeh kami menantinen si laen?" ²⁰ Ketike pakea geh ken Isa, pakea peh bercerak ," Yohanes pembaptis mengeni kami tuk geh ken-Mu nye beruger, 'Engkokeh si male geh oya? Ato, turahkeh kami menantinen si laen?'' ²¹ Pede seet oya, Isa tegah menjegeren delle jema ari berbage penyakit, wabah, nye roh-roh jehet. We juge mengarunianen penenggonen ken delle jema bota. ²² Jeweb Isa ken roa jema oya,"Beluh nye ceritenenleh ken Yohanes tentang hana si ngek kam eggon nye pengge: jema bota depet menenggon, jema lumpuh depet remalan, jema si sakit kuste i jegeren, jema tuli depet memengge, jema mate i'uweten, nye ken jema-jema miskin i beritanen keber jeroh. ²³ Entap oya, berbahagieleh we si gere tersandung oleh-Ku." ²⁴ Gemari utusen-utusen Yohanes beluh, Isa bercerak ken jema delle tentang Yohaness, "Yuk menenggon hanakeh kam beluh ku pedeng belentere? Menenngon uluh si i'yup kuyu? ²⁵ Namun, hana si kam beluh egon? Jema si berpaken belagi ? Engon-leh , jema si memake pakenen belagi nye murip was kemewahen araleh i istene-istene reje. ²⁶ Jadi hana si kam beluh engon? Sejema nabi? A, Aku bercerak ken'mu, behken lebih ari pede sejema nabi. ²⁷ We leh jema'e, si tentang'e ara tertulis : 'Pengeleh! Aku mengkeni utusen-Ku memulei Engko. Weleh si male mempersiepen denne i hedepen-Mu.' ²⁸ Aku bercerak ken'mu i entere mehne jema si penah i lahiren oleh benen, gere ara sejema peh si lebih kul aripede Yohanes. Nye tetape, si paling ucak was Kerejeen Allah, lebih kul aripede wee." ²⁹ Tengah jema delle nye pere mengkamul pajak memenge hal ini, pakea mehne mengakui keadilen Allah entap pakea nge i'baptis urum baptisen Yohanes. ³⁰ Nye tetape, jema-jema Farisi nye ahli-ahli Taurat menulak rencene Allah terhedep diri pakea entap pakea gilen i'baptis oleh Yohanes. ³¹ " Urum hanakeh Aku mengumpamaen jema-jema si murip pede generasi ini? Unang hanakeh pakea oya? ³² pakea araleh unang kekanak si kunul-kunul i pasar, si bertauk sara urum si laen,'Kami meniup suling ken'mu, tetape kam gere menari. Kami menyanyinen lagu benasa, tetape kem gere perak.' ³³ Sebeb, ketike Yohanes Pembaptis engeh nye gere man ruti ato inum anggur, kam bercerak,'We serluen jin.' ³⁴ Nye tetape, ketike Anak Manusie engeh man nye inum, kam bercerak, 'Engonleh! We sejema si berloen nye peminum! We peh sahabat para pengkamul pajak nye jema-jema berdosa!' ³⁵ Nye Tetape, hikmat i'benaren oleh kekanak'e." ³⁶ Pede suatu kali , ara sejema ari golongen Farisi si mengundang Isa tuk man Berurum-E. Isa beluh ke umah jema Farisi oya nye kunul man. ³⁷ I kota oya, ara sejema benen berdosa. Ketike we membetihi behwe Isa dang man i umah jema Farisi oya, we peh membeli sebuah botol pualam si berisi minyak wangi . 8 Nye, we sesuk i uduk Isa, dekat kiding-E, nye perak nye mulei menesah kiding Isa urum aih mata'e nye melap'e urum uk'e. Ngemari oya, we mencium kiding Isa nye mengurapi'e urum minyak wangi. ³⁹ Ketike jema Farisi si mengundang Isa menengon hel ini, we bercerak was ate,"Ike jema ini jema nabi, We tentu betih sahen nye benen unanghana si menjontok-E oya sebeb benen ini araleh sejema pendosa." ⁴⁰ Isa menjeweb nye bercerak ,"Simon , ara si male Kucerak'en ken-Mu ." Jeweb Simon, "Cerak'enleh , Guru." ⁴¹ Isa bercerak," Ara roa jema si berutang ken sejema pelepas sen, si sejema berutang 500 dinar nye si laen'e berutang 50 dinar. ⁴² Ketike keroa'e gere sagup membayar, si pelepas sen oya menghapusen utang pakea beroa. Siloni sahenkeh i antara keroa jema oya si male lebih mengasihi si pelepas sen oya?" ⁴³ Jeweb Simon, "Menurutku, jema si paling delle i'bebasen utang'e." Isa bercerak ken'e,"Kam menile'e urum benar." ⁴⁴ Dang beluh ke benen oya, Isa bercerak ken Simon,"Hanakeh kam menengon benen ini? Ketike Aku engeh ke umahmu, kam gere menosahen aih tuh menesah kiding-Ku, tetape we menesah kiding-Ku urum aih mata'e nye melap'en urum uk'e. ⁴⁵ Kam gere menosah-Ku ciumen , tetape we gere teduh-teduh'e mencium kiding-Ku sejak Aku mayo. ⁴⁶ Kam gere mengurapi ulu-Ku urum minyak, tetape we meminyak'i kiding-Ku urum minyak wangi. ⁴⁷ Entap oya Ku cerak'en ken'mu dosa'e si delle oya nge i'ampuni sebeb we menuruhen kasih si kul. Nye tetape, jema si tik i'ampuni , tik pula mengasihi." ⁴⁸ Nye Isa bercerak ken benen oya," Dosamu nge i'ampuni ." ⁴⁹ Jema-jema si kunul man berurum Isa mulei berunger-unger was ate pakea, "Sahenkeh Jema ini sehingge We depet mengampuni dosa ?" ⁵⁰ Isa Bercerak ken benen oya," Imen'mu ngek menyelemeten'mu, beluhleh urum dame. "