¹ Pede Suete ketike, jema delle berkerumun i'sekeliling-E tuk memenggen firmen Allah . Lo iya, Isa sesuk i'tepi dano Genesaret. ² Nye menenggon roa perahu si tegah sandar i'tepi dano oya, tetape pere neleyen ngek kederet ari perahu-perahu oya nye tegah menesah jele pakea ³ Isa naik ku salah sara perahu, yaoya empu Simon, nye mengkeni Simon tuk mendayung perahu'e agak gaip ari darat. Nye, Isa kunul nye mengejer jema delle ari atas perahu. ⁴ Ngemari selese bercerak, Isa bercerak ken Simon."Beluhleh ku ton aih si was nye tebarenleh jelemu tuk menengkep iken." ⁵ Simon menjeweb "Guru, kami bebuet keras sepenjeng kelam, tetape gere mendepeten hana-hana ! Tetape, entap Engko si mengkeni, aku male menebaren jele ini." ⁶ Nye, tegah pakea melakunen'e, pakea menengkep delle beh iken sehingge jele pakea mulei remak. ⁷ Lalu, pakea menosah isyarat ken pong-pong pakea i'perahu si laen tuk enggeh nye membantu pakea. Kemudien, enggehleh pong-pong pakea nye mengisi keroa perahu oya urum iken hingge perahu pakea hampir tenggelam. ⁸ Tegah Simon Petrus menenggon hal ini, we bersujud i arap Isa nye bercerak ,"Beluhleh ariku, Tuen, sebeb aku araleh jema si berdosa!" ⁹ Petrus bercerak demikien sebeb we nye mehne jema takjub atas delle'e iken si pakea tengkep. ¹⁰ Demikien peh urum Yakobus nye Yohanes, kekanak Zebedeus. si bepong urum simon. Isa bercerak ken Simon,"Enti terih. Mulei siloni, kam male menjele manusie . '' ¹¹ Ngemari pakea menarik perahu-perahu pakea ku darat, pakea menaringgen segele sesuatu nye menunung Isa. ¹² Suatu lo, Isa berede i'semuah kota. I'kota oya, ara sejema si beden'e kip kusta. Tegah jema oya menenggon Isa, we bersujud hingge salak'e menyentuh tanoh nye memohon ken-E, "Tuen, ike Engko mera, Engko depet menjegeren aku." ¹³ Lalu, Isa menguluren pumu-E nye menyentuh jema oya. cerak'e,"Aku mera, jadileh jeger."Seketike oya peh, Penyakit kusta jema oya mosop. ¹⁴ Namun, Isa memerintanen jema oya tuk gere membetihen sahen peh nye bercerak, "Beluh nye teridahenleh dirimu ken imem. Persemahen kurben atas kejegerenmu unang si ngek i'perintahen oleh Musa sebage bukri bagi pakea.'' ¹⁵ Berite tentang Isa makin tersebar sehingge delle jema enggeh bekamul tuk memenggen We nye tuk i'jegeren ari penyakit pakea. ¹⁶ Namun, Isa dor beluh menep ku ton-ton sengap tuk berdoa. ¹⁷ Pede suatu lo, Isa tegah mengejer, jema-jema Farisi nye ahli-ahli Tauret si enggeh ari mehne kota ari wileyeh Galilea, Yudea, nye Kota Yerusalem peh kunul i one. Nye, Kuese Tuhen menyertai Isa sehingge We depet menjegeren jema delle. ¹⁸ Lalu, teridaleh pepien jema memah sejema lumpuh i atas ton nome'e, nye pakea berusehe memah'e mayo nye membuh jema oya i arap Isa. ¹⁹ tetape, entap pakea gere mendemunen denne tuk memah jema oya mayo akibet kerumunen jema, naikleh pakea ku atas atap nye menurunen jema lumpuh oya urum ton nome'e ku lah-lah i'hedepen Isa. ²⁰ ketike menenggon imen pakea, Isa bercerak, "Hai Sudere, dosamu ngek i'ampuni." ²¹ Ahli-ahli Tauret nye jema-jema Farisi mulei bertanya-tanya, "Sahenkeh Jema si mencaci Allah ini ? Sahen si depet mengampuni dosa-dosa kecueli Allah?" ²² Ketike Isa membetih pikiren pakea, We bertanya,"Hanati kam bertanya unang oya was atemu? ²³ Hi si lebih gampang, mencerak'en Dosa-dosamu ngek i'ampuni' ato 'Umet nye berjelenleh'? ²⁴ Tetape, kati kam membetih behwe Anak Manusie berkuese i'bumi tuk mengampuni dosa," Isa bercerak ken jema si lumpuh oya, "Aku bercerak ken-mu: Umetleh, angkat ton nome'mu nye ulak'leh." ²⁵ Seketike oya peh, jema oya langsung sesuk i'arap mehne jema nye meneten ton'e nome, lalu berjelen ulak sambil memuji Allah. ²⁶ Mehne jema oya merese takjub nye memuji Allah. Urum i'engkipi rese terih si kul terhedep kuese Allah, pakea menenggon hal-hal si luer biese!" ²⁷ Gemari oya, Isa kederet nye menenggon sejema pengkamul pajak bergelar Lewi si tegah kunul i'ton pengkamul pajak . Isa bercerak ken'e, "Tunungleh Aku." ²⁸ Nye Lewi peh sesuk, menaringgen mehne'e, nye menunung Isa. ²⁹ Kemudien, we mengadanen pesta kul tuk Isa i'umah'e. Delle pengkampul pajak nye jema-jema laen si man urum pakea. ³⁰ Tetape, jema-jema Farisi nye ahli-ahli Tauret mulei bengis ken murid-murid Isa, "Hanati kam man nye minum urum pere pengkamul pajak nye jema-jema berdosa?" ³¹ Isa menjeweb nye bercerak ken pakea. "ume jema-jema sehat si memerlunen tabib, tetape jema-jema sakit. ³² Aku enggeh umek tuk menalu jema benar, tetape tuk menalu jema-jema berdosa kati pakea bertobat." ³³ Pakea bercerak ken Isa,"Murid-murid Yohanes Pembaptis dor berpuese nye berdoa, unang oya peh murid-murid jema Farisi. tetape, murid-murid-MU dor man nye minum ." ³⁴ Isa bercerak ken pakea," Depetkeh kam mengkeni pere penganten aman mayak tuk berpuese ketike penganten rerawa oya len urum-urum pakea? ³⁵ Namun, lo-lo oya male enggeh, ketike penganten rerawan oya i'eten ari pakea, nye pede lo-lo oyaleh pake male berpuese.'' ³⁶ Isa peh menceritenen perumpeen ini ken pakea,"Gere jema peh male meremak sepotong upuh ari pake'en si ayu tuk menambal pake'en s ngek mokot. Entap ike demikien, jema oya male merusak pake'en si ayu, nye upuh penambal ari pake'en si ayu oya gere male cocok urum pake'en si mokot. ³⁷ Demikien peh gere ara sejema si menuang anggur ayu ku was kantong kulit si mokot. Anggur si ayu oya male meremak kantong kulit si mokot sehingge anggur oya male tumpah nye kantong kulit'e male hancur. ³⁸ Anggur si ayu turah i'tason i'was kantong kulit si ayu. ³⁹ Gere sejema peh si gemari minum anggur mokot, mera meminum anggur ayu sebeb pakea bercerak, ' Anggur si mokot oya lebih dep."'