¹ Sebeb, aku menet kam bettih betapa berta'e perjuegen si engge aku lakunen ken kam, nye ken pakea si ara i Laodikia, nye ken mehne jema si gilen penah berdemu muka urumku. ² Tujuenku araleh kati ate pakea terhibur nye ipersatunen was kasih sehingga pakea mempui segele kebayaen si beresel ari jaminen akan pengertien nye pengetahuen ari rahsie Allah, yaonya Kristus keniri. ³ Was We, tertunin segele herte ari hikmat nye pengetahuen. ⁴ Aku menungeren hal ini kati gere ara jema si akan menipumu urum perdebatan si kepenggeen masuk akal. ⁵ Sebeb, meskipeh tubuh jasmaniku gere ara berurum-mu, tetapi aku berurum-mu was roh, nye aku bersukacita menggon kedisiplinenmu si baik nye keteguhen imenmu was Kkristus. ⁶ Jadi, entap kam telah menerime Yesus kristus sebage Tuhen, muripleh terus was We, ⁷ beruyet nye wotleh dirimu was We, teguhenleh imenmu selaguhi telah iejeren ken-mu, nye melimpahleh urum ucapen syukur. ⁸ Berhati-hatileh kati enti ara sejema peh si menjerat kam urum filsafat si kosong nye menyesaten, si beresel ari tradisi menusie nye asas-asas roh dunie, nye ume prinsip-prinsip Kristus. ⁹ Sebeb, Was We berdiam seluruh keengkipen keilahian si murip was bentuk jasmani. ¹⁰ Kam engge munjadi engkip was We, si araleh Kepala atas mehne pemerintah nye penguasa. ¹¹ Was We, kam juge isunet, ume urum sunet si ilakunen oleh pumu manusie, tetapi urum sunet si ilakunen oleh Kristus, yaonya urum mengerat tubuh kedengkeen si berdosa. ¹² Was baptisen, kam ikuburen berurum dengan Kristus, nye juge ibangkiten berurum-urum dengan We melalui imenmu was kuasa Allah si membangkiten We ari antara jema mate. ¹³ Walaupeh pudahna kam mate was pelenggeren-pelenggerenmu nye was kedengkeenmu si gere bersunet, Allah membuhmu murip berurum-urum dengan We gemari We mangampuni mehne pelenggeren kite. ¹⁴ We telah membatalen suret utang nye aturen-aturen tuntutane si menghalagi hubungan antara Allah nye kite. We engge mengeten urum memakuken'e i atas kayu Sali. ¹⁵ We melucuti para pemerintah nye penguese, lalu munjadien pakea tontonan si mengkemelen oleh entap kemenangan-E i atas kayu Salib. ¹⁶ Entap oya, enti datenen sejema peh menghakimi kam urum masalah pakanen nye minumen ato lo raya keagamaen, perayaen bulen baru ato lo Sabat. ¹⁷ Bewehne oya enyeleh bayangen tentang hal-hal si akan enggeh, tetapi wujud si sesungguhe araleh Kristus. ¹⁸ Enti datenen jema si senang urum kerenahen ate si palsu penyembahen ken malekat-malekat menghakimi kam. Pakea araleh jema-jema si suka urum hal-hal detail sehingge membuh pikiren pakea congkak entap gagasen-gagasen duniewi. ¹⁹ Jema si demikien gere beramat teguh pede Ulu. Ulu araleh si menopang mehne tubuh, nye mehne tubuh ipersatunen oleh sendi-sendi nye otot-otot, bewehne bertumbuh urum pertumuhen si beresel ari Allah. ²⁰ Ike murum kristus kam engge mate terhedep asas-asas dunie, hanati seolah-olah kam masih munjadi empu dunie, tunuk pede aturen-aturen unang: ²¹ "Enti jamah, enti cicipi, enti dege"? ²² Aturen-aturen ini akan benasa setelah itunungi entap aturen-aturen oya itos berdasar pede perintah nye ejeren manusie. ²³ Aturen-aturen unang oya memang ketelasene bijaksana urum menonjolen ibadah si berpusaten pede diri nye kerenahen ate si palsu serta penyikseen tubuh, Namun, bewehne oya gere ara nilai'e selaen tuk memuasen kedengkeen.