¹ Lime lo kemudien, Imem Kul Ananias turun berurum urum sesideh tue-tue nye sejema pengacara bergelar Tertulus. Pakea membuh tuntuten terhedep Paulus ken gubernur. ² Ngemari Paulus i'talu, Tertulus mulei menuduh'e nye bercerak ,"Sebeb, melalui Tuen, kami dor merasaen kedame'en nye perubahen-perubahen terjadi bagi bangsa ini entap kebijak'en Tuen, ³ kami menyambut'e urum segele cere nye i mehne ton urum kip rasa syukur, Si Mulie Feliks. ⁴ Nye tettape,kati gere menemehen lo'mu mien, aku meniro kemurahen ate'mu tuk memengen kami sejep. ⁵ Sebeb, kami ngek mendemunen behwe jema ini araleh sejema pengaco, si menimbulen kekacoen i antara jema-jema Yahudi i mehne dunie. Nye, we araleh pemimpi sekte Nasrani. ⁶ We behken berusehe menajisen Bait Allah sehingge kami menangkap'e.(Kami mera mengadilen'e sesue urum hukum kame). ⁷ Nye, Lisias, kepele pasuen oya , engeh nye merebut'e ari pumu kame urum kekerasen, ⁸ dang memerintahen jema-jema si menuduh'e tuk engeh menghedep engko. Urum memerikse'e keniri, engko male depete membetihi ari'e tentang segele si kame tuduhen ken'e." ⁹ Jema-jema Yahudi peh bersepakat i was tuduhen oya dang menegasen behwe mehne hel oya memang benar. ¹⁰ Ketike gubernur menosah isyarat bagi Paulus tuk bercerak, Paulus menjeweb," Ngemari aku membetihi semokot bertahun-tahun behwe engko ngek munjadi hakim etas bangsa ini, aku urum senang ate membela diri. ¹¹ Engko depet membetihi behwe gere lebih ari roa belas lo si ngelewat aku naik ke Yerusalem tuk beribadah. ¹² Pakea gere penah mendemui aku dang bedebat urum sahen peh ato menghasut kerumun jema, baik i Bait Allah, sinagoge-sinagoge, merapeh i was kota. ¹³ Pakea peh gere nguk membukti'en ken'mu hana si pakea tuduhen ken'ku siloni. ¹⁴ Nye, aku mengaku ken'mu , behwe sesue urum Denne oya, si pakea sebut sekte, aku beribadah ken Allah enek moyang kite, urum perceye pede segele sesuatu si sesue urum Hukum nye si tersuret i was kiteb nabi, ¹⁵ dang membuh pengharapan i was Allah , si peh pakea nantin, behwe male ara ke'uwet'en baik bagi jema si betul merapeh si gere betul. ¹⁶ Was hel ini, aku berusehe tuk menengon ate nurani si murn, baik i arap Allah merapeh manusie. ¹⁷ Siloni, ngemari sesidih tahun, aku engeh tuk memah sedekah bagi bangsa'ku nye tuk menosahen persembahen-persembahen. ¹⁸ Nye aku dang melakunen'e, pakea mendemun aku, ngemari aku i'sucinen i Bait Allah, tanpa kerumunen jema ato kerusuhen . Nye i one sesideh jema Yahudi ari Asia. ¹⁹ Seturah'e, pakealeh si ara i hedepen'mu nye mengajunen tuduhen, ike memang pakea empu sesuatu tuk melewen aku. ²⁰ Ato, datenleh jema-jema oya keniri si metihi pelanggaran hana si pakea demun ketike aku sesuk i hedepen Sanhedrin, ²¹ kecuali sara pernyataen si aku tauk'en ketike aku sesuk i antara pakea, 'Entap ke'uweten jema mate, aku i' hakimi i hedepen'mu lo ini."' ²² Nye tetape Feliks, si empu pembetihen lebih pas tentang denne oya, menunda kasus oya urum bercerak," Tengah Lisias, kepele pasuken oya, turun, aku male memutusen kasusmu." ²³ Nye, Feliks mengkeni perwira oya kati Paulus tetap i'tahan, tetape urum keringenen nye gere mencegah pong-pong'e tuk meleyeni we. ²⁴ Ngemari pepien lo, Feliks engeh berurum inen'e, Drusila, si araleh jema Yahudi nye mengkeni Paulus engeh nye memengenen Paulus bercerak tentang imem'e i was Isa Kristus . ²⁵ Nye, sementere Paulus dang bertuker pikiren tentang kebenaren, pengadilen diri, nye penghakimen si male engeh, Feliks munjadi terih nye bercerak,"Beluhleh siloni. Ketike aku mendepet kesempatan aku male menalumu." ²⁶ Pede saat si dis Feliks berharap behwe Paulus male menosah'e sen. Entap oya, Feliks dor mengkeni Paulus engeh nye bercerak urum'e. ²⁷ Nye tetape, ngemari roa tahun singek lewat, Perkius Festus menggantinen Feliks. Nye, entap mera menyenangen jema-jema YAhudi, Feliks mendatenen Paulus i was penjere.