¹ Siloni, sudere-sudere, kami male kam membetih tentang anugerah Allah si gek i'osahen ken jemeet-jemeet i Makedonia, ² behwe was delle'e ujien penderite'en , kelimpahen sukecite nye kul'e kemiskinen pakea ngek berkelimpahen was kebaya'en ketulusen ate pakea. ³ Aku bersaksi bewhe pakea menosah sesue urum kemapuen pakea, behken melebihi kemampuen'e etes kerela'en pakea keniri. ⁴ Pakea memohon urum senget ken kami etes anugerah tuk turut eten bagien was peleyenen jema-jema kudus. ⁵ Nye, inileh si pakea lakunen, ume unang si kami herepen, pertama-tama, pakea menosahen diri pakea keniri ken Allah, kemudien ken kami oleh kehendak Allah. ⁶ Jadi, kami mendesak Titus, sebagehi we ngek memulianen'e, demikien pule we juge male menyelesainen buet anugerah ini i entere kam. ⁷ Namun, dis unang kam berkelimpahen was segele hal, was imen, percera'en, pengetahuen, segele usehe, nye was kasih'mu terhedep kami, hendak'e kam juge berkelimpahen was anugerah ini. ⁸ Aku gere mencera'en hal ini sebage perintah, tetape tuk munguji melalui kesungguhen jema laen tentang keikhlasen kasehmu. ⁹ Sebeb, kam membetihi anugerah Tuhen kite Isa Kristus, behwe walopeh We baya, We rela munjadi miskin demi kam kati melalui kemiskinen-E, kam munjadi bayak ¹⁰ Nye, was hal ini aku menosahen pendepetku, hal ini araleh tuk keuntungen'mu, si sejak tahun lalu, kam ume renye melakunen'e, tetape juge berkemeraen tuk melakunen'e. ¹¹ Jadi, siloni, selesainenleh juge buet oya kati sepadan urum kerelaenmu tuk menyelesainen hana si ara pedemu. ¹² Sebeb, ike ara kesiepen mesosah, penosahen oya male i'terime, berdeseren han si i'empu sejema, nye ume berdeseren hana si gere i'empui'e. ¹³ Hal ini ume tuk meringenen jema laen nye membebani kam, tetape kati ara keseimbangen. ¹⁴ Datenleh kelebihenmu siloni mencukupen kekurangen pakea eger kelebihen pakea kemudien mencukupen kekurangen kam. Urum demikien ara keseimbangen. ¹⁵ Unang si tertulis was Kiteb Suci, " Jema si mengkamulen delle, gere kelebihen nye jema si mengkamulen tiki, gere kekurangen," ¹⁶ Namun, syukur bagi Allah si membuh was ate Titus kesungguhen si dis urum si aku empu tuk'mu. ¹⁷ Sebeb , We gere renye menerime anjuren kami, tetape urum kesunggunen si kul, we geh ken'mu etes kehendak'e keniri. ¹⁸ Urum Titus, kami mengutus sudere si i'puji-puji i entere mehne jemeet was hal pemberitaen Injil. ¹⁹ Ume oya seje, we juge i'turuh olej jemeet-jemeet tuk beluh berurum kami was peleyenen anugerah ini, si kami lakunen tuk memah kemulieen bagi Tuhen nye tuk menuruhen kerelaeen kami. ²⁰ Kami senget berhati-hati kati gere ara jema si male mencela kami was hal was penosahen kul si i'atur ²¹ Kami berusehe melakunen hana si benar, gere renye was pandangen Tuhen, tetape juge was pandangen manusie. ²² Nye, berurum pakea, kami mengutus sudere kami si ngek dor kami uji nye terbukti lisik was delle hal, terlebih mien siloni we makin lisik entap we empu keyakinen si kul terhedepmu. ²³ Siloni tentang Titus, we araleh pasangen nye pong buet'ku si male bermenfeet tuk'mu. Sedangen tentang sudere-sudere kite si laen, pakea utusen jemeet-jemeet, suatu kemulieen bagi Kristus. ²⁴ Jadi, turuhenleh ken pakea, i hedepen jemeet-jemeet, bukti kasihmu nye kebanggaen kami etes kam.