¹ Aku, Paulus, diriku keniri memohon ken'mu urum kelemuten nye kemurahen Kristus aku, si gere berani ketike berhedepen salak urummu, tetape berani ketike gaip ari mu! ² Aku memohon ken'mu kati ketike aku geh, aku gere perlu munjadi berani urum keyakinen si urum'e aku memperkirenen tuk berani melewen pepien jema si mengenggep kami murip secere dengke. ³ Memang, kami ilen murip was kedeng'keen tetape kami gere berjueng secere dengke. ⁴ Sebeb, senjata-senjata perang kami ume ari dengke, melainen ari kekueten ilahi tuk kehancuren benteng-benteng. ⁵ Kami meruntuhen pemikiren-pemikiren nye setiep hal jangkor si i'bangun oleh keangkuhen manusie tuk melewen pengenalen male Allah. Kami menawan segele pikiren nye manakluken'e ken Kristus, ⁶ nye kami siep menghukum mehne kegereteet'en ketike keteetenmu i'sempurne'en. ⁷ Engonleh ken hana si ara i hedepenmu. Ike ara jema si meyakini diri'e araleh empu Kristus, datenleh we memikiren mien hal ini, yaoya sebagehi we araleh empu Kristus, kami peh demikien. ⁸ Ume, ike peh aku agak berlebihen membanggaen otoritas, si Allah osahen ken kami tuk membangun kam nye ume tuk menghancuren kam, aku gere male kemel. ⁹ Aku gere mera teridah seolah-olah aku male menerih-nerihi kam urum suret-suretku. ¹⁰ Sebeb, pakea bercerak, "Suret-suret'e memang tegas nye keras, tetape secere kehadiren beden, we lemah nye perceraen'e gere berarti." ¹¹ Datenleh jema si unang oya memikiren hal ini, yaoya hana si kami ceraken urum suret ketike kami gere berurum'mu, dis unang perbueten kami ketike berurum'mu. ¹² Sebeb, kami gere berani tuk mengelompok'en ato membandingen diri kami urum pepien jema si memuji-muji diri'e keniri. Namun, ketike pakea mengukur diri'e urum diri pakea keniri nye membandingen diri'e urum diri pakea keniri, pakea oya gere memahami'e ¹³ Tetape, kami gere male berbangga etes hal-hal si melampaui betesen kami, melainen menurut betesen ari ketetapen si Allah ngek bagi'en ken kami, yaoya betesen tuk menjangkau sawah ken kam juge. ¹⁴ Sebeb, kami gere melampaui betesen kami, seolah-olah kami gere menjangkau sawah ken kam. Kamileh si pertama kali sawah ken mu urum Injil Kristus. ¹⁵ Kami juge gere berbangga melampaui betesen kami urum berbangga etes jerih lelah jema laen, melainen urum pengherepen behwe sebagehi imen mu bertumuh, wilayah buet kami i entere kam male semakin i'perlus mien, ¹⁶ kati kami depet memberitanen Injil ke wilayah -wilayah i deret kam, nye gere berbangga etes hana si ngek i'selesainen i wilayah buet jema laen. ¹⁷ " Sahen si male berbangga , datenleh we berbanggs i was Tuhen". ¹⁸ Sebeb, ume jema si memuji diri'e keniri si terbukri tehen uji, melainen jema si Tuhen Puji.