Manusia na samuah Allah ulah pengurbanan Yesus Kristus ¹ ulah gene hio,gene takam haot na samuah ulah iman,maka takam haot badamai nihi Allah nangkah Tuhan takam,Kristus Yesus; ² nangkah Aye,takam kiuh lalan suluk gi iman gi anugrah Allah sa wayah ina jari dasar takam mindri,balalu takam bersuka cita huang pengharapan kemuliaan Allah. ³ Bakoi ekat hio,takam lei bersuka cita ta huang penderitaan sa na inam takam gene takam karasa bahwa karara iti bahasil ketekunan, ⁴ ketekunan ngahasil karakter sa tahan uji,balalu karakter sa tahan uji ngahasil kan pengharapan, ⁵ balalu pengharapan bakoi mengecewakan,gene kasih Allah haot na curah kan gi huang atei takam nangkah Roh Kudus sa na karuniakan gi takam. ⁶ katika takam masih maleme,Kristus matei mat gi ulun-ulun durhaka tangar waktu sa pas. ⁷ gene,jarang naan ulun sa kakan matei gi ulun wuah,biar pun tau naan lei ulun sa kakan matei gi ulun maeh. ⁸ Tapi,Allah nyantarang kaahi E gi takam,bahwa katika takam masih jari pendosa,Kristus matei gi takam. ⁹ labih tekei hio,udi na samuah nihi ira E,takam sagar na salamat kan tekei muruka Allah nangkah Aye. ¹⁰ Gene,katika takam masih jari musuh Allah,takam haot na perdamaikan nihi Allah nangkah kapateian Anak E,labih-labih lei wayah ina gene takam haot na perdamaikan nihi Aye.balalu kenyataan bahwa wayah ina takam haot na perdamaikan nihi Allah,maka takam lei pasti na salamatkan nangkah welum E. ¹¹ bakoi ekat hio,takam lei bermegah ta huang Allah nangkah Tuhan takam Yesus Kristus,sa nangkah Aye takam wayah ina narime perdamaian Allah.matei nangkah Adam,welum nangkah Kristus ¹² gene hio,sameh dosa haot masuk gi huang dunia iti nangkah erang kulun nihi maut suluk nangkah dosa,sameh hio lei maut haot menyebar gi ulun gene kaluhan e haot badosa. ¹³ Gene,dosa haot naan ta dunia sa mete Hukum Taurat Musa naan,tapi dosa bakoi na reken Allah salawah bakoi naan Taurat. ¹⁴ Biar lei sameh hio,maut berkuasa nekei zaman Adam hampe Musa,bahkan entu ulun-ulun sa bakoi ngulah dosa sameh sa naulah Adam,sa aye hio bayang-bayang tekei Aye sa sagar hawi. ¹⁵ Tapi,pangamian tekei Allah hio bakoi sabanding nihi dosa.Gene,amun ulah dosa erang kulun,ajoh ulun haot matei,maka labih lei karunia tekei Allah nihi pangamiaan nangkah karunia erang kulun hio, aye hio Kristus Yesus. ¹⁶ Balalu,anugrah bakoi sameh akibat tekei dosa erang kulun hio. gene penghakiman entu isa pelanggaran sagar nunda hukuman,tapi anugrah entu ajoh pelanggaran nunda pembenaran. ¹⁷ amun gene dosa erang kulun,maut bakuasa entu erang kulun hio,labih lagi ulun-ulun sa narime kelimpahan anugrah nihi karunia sa wuah sagar memerintah ta huang pamelum nangkah erang kulun hio, yaitu Kristus Yesus! ¹⁸ Jari,sameh nihi nangkah isa pelanggaran kaluhan ulun narime hukuman,kala hio lei ualah gawian sa wuah erang kulun lei kaluhan murunsia narime welum balalu na samuah. ¹⁹ Gene ka bakoi taatan erang kulun,ajoh ulun jari pendosa.Tapi,gene kataatan erang kulun,ajoh ulun sagar nasamuah. ²⁰ Hukum Taurat na tambah mat dosa batambah ajoh.tapi ta uneng dosa batambah,anugrah Allah sagar magin berlimpah-limpah, ²¹ Mat sameh nihi dosa bakuasa ta huang maut,kaahi karunia lei bakuasa nangkah sa wuah sa mamimpin gi welum kekal ta huang Kristus Yesus Tuhan takam.