² Allah bakoi ngalupa lei umat E ¹ maka kuki nane,"inonkah Allah haot nolak umat E? sa hindra-hindra bakoi! gene,Kuki kakareb lei erang kulun Israel,keturunan Abraham,tekei suku Benyamin. Allah bakoi nulak umat E,sa haot na pidi E tekei asal.inonkah kayo bakoi karasa inon sa na eau Kitab Suci gene Elia,waktu Aye mangadu Israel nadap Allah? ³ " Tuhan,here haot munu Nabi-Nabi Nu,here haot nyanruntun mezbah-mezbah Nu,balalu ekat kuki erang kulun sa masih welum,palus here kakan munu kuki." ⁴ Tapi, inon tanggapan Ilahi sa na ami gi aye?"Kuki masih ngaret 7000 ulun gi Kuki,sa bakoi piji sujud menyembah nihi Baal." ⁵ sameh hio lei wayah iti,naan isa tisai sa na pidi berdasarkan anugrah. ⁶ Tapi,amun berdasarkan anugrah,maka bakoi lagi berdasarkan gawian,gene amun sameh hio anugrah bakoi lagi jari anugrah. ⁷ Balalu kalawe?bangsa Israel gagal kiuh inon sa nalupui e,tapi here sa napidi justru kiuh e,sementara sa lain haot nampa mape atei e, ⁸ sameh naan ta tulis:"Allah ngami here roh saruru,mate sa bakoi kiuh nginni,balalu silu sa bakoi kiuh ngarengei,hampe andrau iti."Ulangan 29 : 4;Yesaya 29 : 10 ⁹ Balalu Daud ngeau;"elah bo meja perjamuan here jari jarat nihi perangkap,jari watu santukan,palus pembalasan gi here. ¹⁰ elah bo mate here na san mieng mat here bakoi kiuh nginni,balalu punggung here na bungkuk kan balajur."Mazmur 69 : 23-24 ¹¹ Jari,Kuki nane,inonkah here ta santuk mat lawu?sa hindra-hindra bakoi!tapi,ulah kahala here,keselamatan haot hawi gi bangsa-bangsa bakoi Yahudi,mat ngulah here ngawuyu. ¹² gene,amun pelanggaran here jari katatau mat gi dunia,nihi kegagal here jari katatau bangsa-bangsa bakoi Yahudi,maka labih-labih lei kasampurnaan here! ¹³ Wayah iti Kuki bapander nihi kayo,ui bangsa-bangsa bakoi Yahudi,justru gene kuki aye hio rasul mat gi bangsa-bangsa bakoi Yahudi,kuki memuliakan walah ku, ¹⁴ mat kuki kiuh ngulah pulaksanai isa bangsa ku ngawuyu,balalu manyalamtkan paprire ulun tekei here. ¹⁵ Gene,amun penolakan here baarti pendamaian entu dunia,inonkah arti e penerimaan here sa lain tekei welum tekei helang sa matei? ¹⁶ amun roti sa ka isa aye hio kudus.balalu amun wakat aye hio kudus,maka cabang-cabang e lei kudus. ¹⁷ Tapi,amun papire cabang haot na santepu,balalu kayo,sa secara alami posok liar sa na cangkokkan ta helang here balalu umma kiuh bagian huang wakat nihi dite kakau zaitun, ¹⁸ ada bo jari sakah nadap cabang-cabang hio.Tapi amun kayo sakah,ingat bo bahwa bakaoi kayo sa mananggung wakat,tapi wakat sa mananggung kayo. ¹⁹ Tau kayo sagar ngeau,"cabang-cabang hio na santepu mat kuki kiuh na cangkok kan." ²⁰ hio bujur! here na santepu gene ka bakoi harap here,tapi kayo mindri tegep gene iman. ada bo sakah,tapi takut bo ²¹ Gene mun Allah bakoi kaahi cabang-cabang asal,Aye lei bakoi sagar kaahi kayo. ²² ulah gene hio,perhatikan bo kamaehan nihi kakarasan Allah;kakarasan gi here sa haot lawu,tapi ka maehan E gi kayo mun kayotatap muneng ta huang sa maeh E.amun bakoi,kayo lei sagar na tetek. ²³ Balalu here lei,amun here bakoi tarus tarusan huang bakoi harap e,here sagar na cangkokan gene Allah bakuasa mat mancangkokkan here waleng. ²⁴ Gene,amun kayo haot na tetek tekei inon sa secara alamiah aye hio kakau zaitun sa na bule,sa balawanan nihi sifat kayo,bakoilah labih lei here sa aye hio cabang asli sagar na cangkokkan gi kakau zaitun here kakareb? ²⁵ Gene,pulaksanai-pulaksanai,kuki bakoi hakun kayo bakoi karasa rahasia ina mat kayo ada nangguah arep nu bijaksana,bahwa sikap mape ulu haot nukun mehe bangsa Israel hampe ta panggenepan bangsa-bangsa lain hawi. ²⁶ Nihi sameh hio,kaluhan ulun Israel sagar na salamatkan.sameh naan tatulis,"panewuh sagar hawi tekei Sion,balalu Aye sagar manyingkirkan kefasikan tekei Yakub. ²⁷ balalu iti lah perjanjian Kuki nihi here,katika Kuki ngenat dosa-dosa here." Yesaya 59 : 20-21;27:9 ²⁸ Manurut Injil,here aye hio musuh gene kaon,tapi manurut pidian,here aye hio ulun-ulun sa nakaahi gene iatak moyang here. ²⁹ Gene Anugrah nihi terau an Allah bakoi kiuh na batalkan. ³⁰ Gene,sameh nihi kayo sa ari ni bakoi nuu nihi Allah,tapi sa wayah iti haot narime kaahi gene bakoi ka taat here; ³¹ Kala hio lei here wayah ina bakoi taat mat ulah kaahi Allah sa haot na santarang gi kayo here lei sagar kiuh kaahi. ³² Gene, Allah haot ngandak here kaluhan huang ka bakoi taatan mat Aye kiuh nutui kaahi E gi kaluhan ulun. "tawat gi Allah ³³ Oh, sameh hio lalem e katatau nihi kebijaksanaan palus pengetahuan Allah! kala hio bakoi taselidiki keputusankeputusan E nihi jalan-jalan E! ³⁴ " Gene,hie kah sa karasa pikiran Tuhan?atawa,hie kah sa kiuh ngami Aye nasehat?" Yesaya 40 : 13 ³⁵ "atawa,hie kah sa piji ngami inon lei gi Aye sa mete e,balalu harus na waleh ulah E?"Ayub 41 : 11 ³⁶ Gene kaluhan hal aye hio tekei Aye,nihi ulah Aye,balalu gi Aye. Gi Aye lah kemuliaan hampe kalalawah e ! Amin.