¹ Paulus,hamba Yesus Kristus,sa na herau rasul nihi na khusus lei mat gi Injil Allah; ² sa haot na janji Allah samete e nangkah Nabi-Nabi E huang kitab Suci ³ hal anak E, sa sameh daging lahir tekei keturunan Daud, ⁴ Balalu sa na santarang sebagai Anak Allah sa bakuasa nangkah kebangkitan tekei antara ulun matei menurut Roh Kekudusan,aye hio Kristus Yesus,Tuhan takam. ⁵ Nangkah Aye,kami narime anugrah nihi jabatan kerasulan mat nunda ketaatan iman ta antara kaluhan bangsa bakoi Yahudi demi aran E, ⁶ tamasuk kaon sa na terau mat jari ampun Kristus Yesus. ⁷ Pakai kaon kaluhan sa naan ta Roma,sa na sayang Allah,nihi sa na terau mat jari ulun-ulun Kudus:Anugrah nihi damai sejahtera gi kayo tekei Allah,Ammah takam,nihi tekei Tuhan Yesus Kristus! " Paulus kakan ganta Jemaat ta Roma ⁸ Sa ka isa,kuki basyukur gi Allah kuki nangkah Yesus Kristus entu kayo kaluhan gene iman nu haot na santarang gi kaluhan dunia. ⁹ gene,Allah,sa nalayani kuki nihi roh kuki huang injil Anak E,jari saksi kuki bahwa kuki bakoi tadoh-tadoh e ka ingat kaon kaluhan; ¹⁰ ta huang doa kuki,kukitarus ngalako mat sakira e wayah ina,gene aheng Allah,akhir e kuki kiuh ganta kayo. ¹¹ Kuki kakan tuu panalu nihi kaon mat kuki kiuh ngami isa karunia rohani mat nampa kuat kaon, ¹² yaitu mat takam kiuh na teguhkan sasameh gene iman kakareb,maeh iman nu nihi iman kuki. ¹³ pulaksanai-pulaksanai,kuki kakan kayo karasa aye hio kuki haot gaha ba aheng mat ganta kaon,tapi masih ta halang hampe wayah ina,mat kuki lei kiuh masi tekei penah kaon kala awe tekei antara bangsa-bangsa bakoi Yahudi lain e. ¹⁴ Kuki ba utang gi ulun Yunani nihi gi ulun barbar,gi sa ba hikmat maupun gi sa bungul. ¹⁵ Gene hio lah,kuki kakan tuu mangabar Injil gi kayo sa naan ta Roma. ¹⁶ Kuki bakoi mangan sagar Injil,gene Injil aye hio kuasa Allah pakai keselamatan setiap ulun sa harap;sa ka isa mat gi ulun Yahudi,udi hio lei gi ulun Yunani. ¹⁷ gene ta huang e,sa wuah tekei Allah na santarang tekei Iman gi Iman,sameh naan tatulis:"ulun wuah sagar welum ulah Iman." Kasangit Allah nadap gawian dosa ¹⁸ Gene,maruka Allah na santarang tekei surga nadap kaluhan kefasikan nihi kejahatan murunsia sa miok sa bujur nihi kejahatan here. ¹⁹ gene hio,inon sa kiuh nakarasa hal Allah haot tena gi here gene Allah haot nutui gi here. ²⁰ Mula e,nekei dunia na ulah e,sifat-sifat Allah sa bakoi kiuh na innni,aye hio kuasa E sa balajur nihi sifat keilahian E,haot ka tena mat na pahami nangkah hal-hal ciptaan E hampe here bakoi kiuh ba kilah. ²¹ Tapi, biar pun here kataru Allah,here bakoi menghormati E sebagai Allah atawa bersyukur gi Aye; sabalik e,pikir akal here jari bakoi baguna nihi atei here sa bungul jari maieng. ²² Here nganggap kakareb e bijaksana,tapi jari bungul, ²³ balalu nurup kemuliaan Allah sa bakoi banoda nihi gambaran-gambaran murunsia sa fana,wurung-wurung,satua ba pee epat,ataw satua-satua malansar. ²⁴ gene hio,Allah manyarah here pakai aheng atei here sa kakan karaat hampe here saling ngaraat tenga here kakareb. ²⁵ Gene,here nga hurup sa wuah tekei Allah nihi oso,balalu sujud palus nyembah makhluk naulah murunsia,bakoi sang pencipta sa na tawat kalalawah e. Amin! ²⁶ Gene hio, Allah manyarah here gi nafsu-nafsu sa hina,gene wawei-wawei here nurup hubungan sa wajar nihi hubungan sa bakoi wajar. ²⁷ sameh hio lei laki,here nanan hubungan sa wajar nihi wawei,tapi bahimat huang nafsu nadap sa lain;laki nihi laki ngulah gawian sa ngamangan;balalu ta huang tenga e kakareb,here narime hukuman gene dosa-dosa here. ²⁸ Balalu,gene here bakoi kakan mangaku Allah huang panga rasa here,balalu Allah manyarah here gi pikiran-pikiran sa raat hampe here ngulah hal-hal sa harus e bakoi na ulah here. ²⁹ Here na sampenu nihi kaluhan sa bakoi bujur,kejahatan,keserakahan,palus kamurkaan;penu nihi atei bahiri,pamunu an,palakat,tipu muslihat,nihi karikang;here aye hio pangeau, ³⁰ pemfitnah,marikang Allah,kasar,sakah,hante wawa,pa nupui kajahat,bakoi taat ulun matueh, ³¹ Bungul,bakoi setia,bakoi pa maahi,balalu kejam. ³² Balalu,sekali pun here karasa peraturan Allah ngeau bahwa ulun-ulun sa ngagawi hal-hal sameh hio susuk matei,here bakoi ekat tatap ngulah e,tapi lei ngadukung ulun-ulun sa ngulah hio.