1
Cahaya Sejati haot hawi gi dunia
nekei asal e aye hio Firman,Firman hio hayak nihi Allah palus Firman hio aye hio Allah.
2
Firman hio haot hayak nihi Alllah nekei asal e.
3
Kaluhan sa naan na ciptakan nangkah Aye.Amun bakoi Aye,kaluhan sa naan sa haot naan iti bakoi mungkin tau naan.
4
tangar huang Aye naan welum balalu welum hio cahaya murunsia.
5
cahaya hio tarang huang mieng,balalu kamieng bakoi kiuh manguasai E.
6
Naan erang kulun sa na utus Allah,Aran e Yohanes.
7
Aye hawi jari saksi mat nampe kesaksian hal cahaya hio mat nangkah aye kaluhan ulun jari harap.
8
Yohanes kakareb bakoi lah cahaya hio,tapi aye hawi mat nampe kesaksian hal cahaya hio.
9
Cahaya sa sejati,sa nyantarang kaluhan ulun,sagar hawi gi dunia.
10
Cahaya hio haot naan tangar dunia balalu dunia iti na sanyari ulah E,tapi dunia bakoi ngataru E.
11
Aye hawi nalu ampun E,tapi sa ampun E hio bakoi narime Aye.
12
Tapi,here sa narime Aye naami E kuasa mat jari anak-anak Allah,aye hio here sa harap nihi aran E.
13
here lahir bakoi tekei ira atawa kaaheng lunek,atawa tekei ka ngakan laki,tapi tekei Allah.
14
Firman hio haot jari lunaek balalu muneng tangar helang takam.takam haot ngini kemuliaan E,aye hio Kemuliaan Anak Tunggal Amah,penu nihi Anugrah palus sa wuah.
15
Yohanes ngami kesaksian hal Aye nihi kamiak,"iti kah Aye sa na aheng kuki waktu kuki ngeau,`udi kuki,sagar hawi Aye sa ngadahulu kuki gene Aye naan samete kuki."
16
Tekei kapenuan E,takam kaluhan narime Anugrah hayak Anugrah.
17
Gene,Hukum Taurat na ami nangkah Musa;tapi anugrah nihi sa wuah hawi nangkah Yesus Kristus.
18
bakoi erang kulun lei piji nginni Allah,tapi Anak Tunggal Allah,sa na sangkapu Amah,nyantarang E. "Kesaksian Yohanes Pembaptis
19
Iti lah kesaksian Yohanes katika ulun-ulun Yahudi mangutus Imam-Imam nihi ulun-ulun Lewi ta Yerusalem mat nane nihi Yohanes," hie kah kayo?"
20
Yohanes ngaku,balalu aye bakoi nawan e,aye ngaku,"kuki bakoi Kristus hio."
21
here nane gi aye,"amun sameh hio,hie kah kayo?inon kah kayo Elia?" aye nuing here,"kuki bakoi Elia."inon kah kayo Nabi hio?" aye nuing,"bakoi."
22
Udi hio here nane nihi aye," hie sa kayo, gene kami harus ngami jawaban gi ulun sa mangutus kami?inon sa eau nu hal tenga nu kakareb?"
23
Yohanes nuing nihi wusi paner Nabi Yesaya," Kuki lah lengan ulun sa na eau Nabi Yesaya kamiak-kamiak tangar haket: ` na san witu bo lalan gi Tuhan!" Yesaya 40 : 3
24
Ulun-ulun Yahudi sa na utus aye hio ulun Farisi.
25
Balalu,here ngeau gi Yohanes,"amun kayo bakoi Mesias,bakoi Elia,balalu bakoi Nabi hio,wuah inon kayo napandrus?"
26
Yohanes nuing here,"kuki napandrus nihi ranu,tapi tangar helang kaon mindri erang kulun sa bakoi na kataru kaon.
27
aye hio sa sagar hawi udi kuki.nguka tadi sandal E bo,kuki bakoi pas."
28
kaluhan hio jari tangar Betania,ta sabarang hungei Yordan,uneng Yohanes napandrus."Anak Domba Allah
29
mat gi katuni andrau e,Yohanes kakinni Yesus hawi napot aye,balalu Yohanes ngeau,"Inni bo,Anak Domba Allah sa ngahapus dosa dunia!
30
Aye hio sa na aheng kuki katika kuki ngeau,`udi kuki sagar hawi erang kulun sa labih hante tekei kuki gene aye haot naan samete kuki.`
31
sadi, kuki bakoi kataru Aye,tapi mat Aye na santarang gi ulun-ulun Israel,maka kuki hawi napandrus nihi ranu."
32
Balalu,Yohanes bersaksi,eau e,"kuki kakinni Roh minau tekei langit sameh wurung Merpati balalu Roh hio muneng tangar Aye.
33
Kuki kakareb bakoi ngataru Aye,tapi Aye sa mangutus kuki mat napandrus nihi ranu ngeau gi kuki,`Aye sa gi entu E kayo kakinni Roh minau balalu muneng,Aye hio lah sa sagar napandrus nihi Roh Kudus.`
34
kuki kakareb haot kakinni nihi ngami kesaksian bahwa Aye iti lah Anak Allah."Murid-murid Yesus sa ka isa
35
Mat gi kiat katuni andra e,Yohanes mindri lagi nihi rueh kulun murid e,
36
balalu aye kakinni Yesus rahat takia.Yohanes ngeau," inni bo,Anak Domba Allah!"
37
Kararueh murid e ngarengei wusi paner hio balalu here nutah Yesus.
38
Yesus ngulik gi lutuk balalu waktu kakinni here rahat nutah Aye,Aye ngeau gi here," inon sa na lupui kaon?"here ngeau gi Aye," Rabi (sa amun naarti lak arti e; Guru),tangar awe kah Kayo muneng?"
39
Aye ngeau napot here,"ayu gi iti balalu kayo sagar nginni e." udi hio,here hawi palus nginni uneng Aye muneng balalu here muneng nihi Aye andrau hio gene kakiraan jam sapuluh.
40
Isa tekei karueh murid sa karengei wusi paner Yohanes balalu nutah Yesus hio aye hio Andreas,pulaksanai Simon Petrus.
41
Samete e,Andreas manalu Simon,pulaksanai e,balalu mawara e,"kami haot kahalu Mesias (sa naarti kan jari `Kristus`)."
42
Udi hio,Andreas nunda Simon gi Yesus.Yesus ngulik Simon balalu ngeau,"Kayo Simon,anak Yohanes.kayo sagar naantuh Kefas (sa ba arti`Petrus atawa `watu`)".
43
Gi kiat katuni andrau e,Yesus ngaheng tulak gi Galilea.Aye panalu nihi Filifus balalu ngeau gi aye,"ayu umma Kuki!"
44
Filipus ba asal nekei Betsaida,kota uneng Andreas nihi Petrus muneng.
45
Filipus panalu nihi Natanael balalu ngeau napot aye," kami haot kahalu Aye na natulis kan ulah Musa huang hukum Taurat nihi ulah here Nabi,aye hio Yesus tekei Nazaret,anak Yusuf."
46
Natanael ngeau gi aye,"mungkin lah isa sa maeh hawi tekei Nazaret?"Filipus ngeau gi aye," hawi bo balalu inni."
47
Yesus nginni Natanael hawi napot Aye balalu bapaner hal Natanael,"inni bo,erang kulun Israel sejati,bakoi naan kepalsuan ta huang aye!"
48
Natanael nane,"kalawe maka Kayo kataru nihi kuki?"Yesus nuing,samete Filipus nerau kayo,Kuki haot kakinni kayo waktu kayo naan ta kapit kakau ara."
49
Tuing Natanael,"Rabi,Kayo aye hio Anak Allah.Kayo aye hio Raja ulun Israel."
50
Yesus nuing balalu ngeau gi aye,"Gene Kuki ngeau nihi kayo,`Kuki haot kakinni kayo tangar kapit kakau ara,`maka kayo harap?kayo sagar nginni hal-hal sa lawit labih hante tekei iti!"
51
Balalu,Aye ngalanjut kan,"sabujur e,Kuki ngeau gi kayo,kayo sagar kakinni langit ta uka nihi malaikat-malaikat Allah mamai minau melayani Anak Murunsia."