¹ Andrau hio, saat deo lun bukumpul tarus awe naan eha sa tau de okan ire, Yesus nerau murid-murid-Ne kun nguhui lukun ire. ² Ku, ahi lukun ire lun deo uko haot telu andrau dadayo lukun-Ku, ire awe naan hie de dokan. ³ Jaka, ku nyingku ire mudi tong elai ire, saat ire lau, ire tau tiras, uko pipire teke ire hawi teke uneng sa u oro. ⁴ Tarus, murid-murid-Ne nyamut-Ne, “teke awe lun tau ngokoi okan ire hampe urising lukun wadai teke are hadu wadai te uneng sa benyem benyai ngunau ti?” ⁵ Tahui, Yesus tane lukun ire, “Pire wadai sa naan te kon”? Samut ire “pitu wadai”. ⁶ Libas hio, Yesus nyingku lun deo hio maharung te tan’e, tarus-Ne hugo pitu wadai hio, engken mengucap sukur engken-Ne ngebagi bagi wadai hio, engken ngokooi tong murid-murid-Ne de panayah della lun deo, ⁷ engken murid-murid-Ne, naan dodohot kenah kidik, sehaot ngucap sukur tamai-Ne, Yesus nyingko murid-murid-Ne pudi mayak kenah sa kidik-kidik hio dela lun deo. ⁸ Lun deo hio kuman hampe wising, ire nyimpu sisa eha okan hio hampe penu pitu kranyang. ⁹ Naan sekitar epat ribu kuluh sa kuman, sehaot hioo Yesus nyingku ire mudi. ¹⁰ Tahui, Yesus huluk jukung dadayo murid-murid-Ne hampe daerah Dalmanuta. ¹¹ Tarus, lun-lun Farisi hawi de malai hasoal lukun Yesus, sambil onok kun Yesus siri teke surga, de nguji-Ne. ¹² Sehaot Yesus negur sengat amau huang roh—Ne, Ne nguhui “Kuno hie katurunan ti elo siri? Ku nguhui sa sebujur-Ne lukun-Nu, awe naan isapun siri sa kakan dokoi tong keturunan ti. ¹³ Odi hio Yesus melah iwe huluk huang jukung tarus tulak tong hila. ¹⁴ Murid-murid kelot oit wadai, luma naan orai bulot wadai te huang jukung. ¹⁵ Tans, Yesus bepesen tong ire, “siap-siap boolah!” bahati-hatilah lukun ragi lun Farisi lawan ragi Herodes” ¹⁶ Tahui ie melai mapakat isa kun sa lain hal ire sa awe ampun wadai. ¹⁷ Hayak haot ne tanau hal hio, Yesus nguhui lukun ire “uko hie kon ngamaner kon sa awe wadai? Hie nu male lei tanau kun awe pahan? Uko hie aheng nu sangkal ¹⁸ Hielah, Nu naan mate tapi awe neaw? Tarus nu naan klinge, tapi awe ngeringei? Awe ingatkah-Nu, ¹⁹ Rahat -Ku ngebagi-bagi dime bulot wadai dela dime ribu kulun pire kranyang, sa penu wadai sa haot sinampun kon? Nyamut, “Dua belas kranyang” ²⁰ Tahui sa pito bulot wadai dela epat ribu kulun hie pire kranyang sa penu engken punong-punong sa senimpun lan? Ire nyamut “itu kranyang”. ²¹ Tahui, Ne nguhui lukun ire “hiekah kon male paham”? ²² Odi hio, Yesus kun murid-murid-Ne hampe te Betsaida, tarus pipire kulun kooit eraikulun sa pehe, engken onok lukun Yesus supaya nantotne. ²³ Yesus inlei nantot tangan lun pehe hio engken iot-ne tong ongon leu hio, tahui Yesus nyura mate lun pehe hio lukun ngandak tangan-Ne te hamau-ne. Ne tane lun pehe hio lukun-ne “Hie hio nu haot tau neaw eha ne?” ²⁴ Nguhui, ku tau near lun-lun tapi ire teneaw ngunau poneng-poneng sa rahat malan. ²⁵ Odi hio, Yesus ngandak tangan Ne tanggar mate lun hio pudi, tahui lun hio, ngeuka mate-ne pengite ne maeh gin inuh near kungung hampe oite nyata. ²⁶ Tahui, Yesus nyingkune mudi tong belai-ne lukun nguhui, “Da huluk huang ku.” ²⁷ Libas hio, Yesus tulak, dadayo murid-murid-Ne, tong leu-leu te Kaisarea Filipi. Pas te bengkag alan Yesus tane lukun ire murid-Ne kun nguhui tong ire “uhui lun-lun” hie kah kuti? ²⁸ Samut ire, “Yohanes pembaptis, sa lain nguhui Ellia trus sa lain nguhui salahimar teke nai-nabi.” ²⁹ Libas hio, Yesus tane lukun ire, menurutnu hie kah ku ti? Petrus nyamut-Ne, “Nu lah Kristus”. ³⁰ Tahui Yesus pakingat ire, de ire awe mara tong lun lain mengenai Ne. ³¹ Libas hio, Yesus melai ngajar jalahan murid-Ne, bahwa anak marasia harus deo kasasat lukun deo nanggung kesusah engken deo masalah engken tahu-ahu Yahudi imam-imam kepala lukun ahli Taurat tahui penunu sehaot telu andrau-Ne waleg. ³² Tetapi hal ti dukuhui ne lukun terus terang kuno hio, Petrus nejut Yesus tong lepeh tarus nagur-Ne. ³³ Tapi, sambil ngulih kun neaw jelahan murid-Ne, Yesus nagur Petrus lukun nguhui buyo teke-ku, hei pijat uku-uku awe mikir pakara-pakara Allah, tapi pakara-pakara marasia. ³⁴ Sehaot hio, Yesus nerau lun deo kun jelahan murid-ne, tarus nguhui ong ire, “Jaka lun kakan uma-ku, ne harus nyangkal teng’a-Ne gajalo kun ngahat salib-ne, tahui um’a-ku. ³⁵ Uko, hie bo sa kakan nyalamat teng’a ne pasti jawab teng’a-ne tapi, hie sa jawab teng’a-ne deai-Ku-kun injil maka de salamatkan. ³⁶ Uko, awe gunai-ne atawa untung-ne halu erai denia ti, tapi ne kejawohan teng’a-ne? ³⁷ Hie sa tau dokoi lun uneng nebus teng’a ne? ³⁸ Uko, hie bo sa mangan gene Ku lukun paneran-Ku te keturunan sa mo setia gene lukun bedosa ti, maka anak marisia gin mangan ngala lun hio saat-ne hawi huang kemuliaan Amai-ne dadayo lukun jelahan malaekat-ne sa kudus.”