¹ Sehaot hio, Yesus tulak neke aroo hampe te kota asae-Ne, murid-murid-Ne uma Ne. ² Rahat hio andrau Sabat, Yesus malai ngajar te Gereja (Sinagoge). Deo lan ngiringo-Ne heran, lukun nguhui, “Neke awe Ne halu uras hae hio? Hikmat hie sa dokokoi tong-Ne ampin muzisat-muzisat sadagawi ne manai tangan-Ne? ³ Ne ti kan tukang kayu, anak Maria, pulok sanai Yakobus lukun Yoses ampin Simon lukun Yudas? Bukankah pulak sani wawei Ne ti dayo taka?” Tahui, irei tinur monolak Ne ⁴ Sehaot hio, Yesus nguhui lukun ire, “Te awe-awe lun menghormati nabi, kacawali te uneng asal ne gegalo, lukung polok sanai ateine, le belai ne galo. ⁵ Maka, Yesus awe inuh gawi muzisat le aro, kacawali nonok langan-Ne te ire sa sakit lukun pamaeh ire. ⁶ Ne heran uko ketiddakpercayaan ire, tahui Ne tulak bakaliling tong lew-lew ampin ngajar. ⁷ Tahui, Yesus nerau kedua gelas murid ampin malai ngutus ire rueh-rueh, lukun ngokoi kuasa de atas roh-rooh najis. ⁸ Tahui ngokooi mandat tong ire de mo koit hie-hie huang alan, kacawali tongkat, da lei wadai, da lei tas atauwa duit huang suruk langkawang kon. ⁹ Tau pakai sandal tapi da pakai rueh hapi. ¹⁰ Lukun, Yesus ngunui tong ire, “Teawe bonu huluk huang belai, toyaklah te aro hampe kon losek neke hioo. ¹¹ Mun, nan uneng sa mo nerima nu lukun mo ngeringo nu, rahat kon tulak terangkur abu nene pe konde peringaan de lape. ¹² Tahui, ire tulak ampin ngabar bahwa lun-lun harus batobat. ¹³ Tahui, ire deo puboyo setan ampin ngoles deo lun sa salut de ilau, lukun pamaeh ire. ¹⁴ Ampin, Raja Herodes hot ngiringo, uko aran Yesus hot terkenal, ampin lun ngumi, “Yoohanes pembaptis haot buat neke ekang lun matei, maka mukjizat-mukjizat hio bagawi te huang-Ne.” ¹⁵ Mehe nguhui, “Ne ti Elia”. Mun, sa lain nguhui, “Ne ti nabi, alawa gumau sa himar neke jalanan nabi. ¹⁶ Tapi, rahat, Herodes ngeri go hae hio, ne ngune, “Yohanes, sa haot te netep ku utek ne, haot dibangkitkan!” ¹⁷ Memang Herodes gagalo sa hot nyingku lun, de nyaput Yohanes lukun manga ne huluk panjara demi Herodias, harau pulok sanai ne sa laki, Filipi, ampin Herodes haot naharut Heroodias. ¹⁸ Uko, Yohanes pipire kali ngunui lukun Herodes, “Mo bujur nu nugo harau polok sanainu.” ¹⁹ Kuno uho hio, Herodes ngintu dendam lukun Yohanes ampinkan munu ne, tapi ne awe inuh. ²⁰ Gene, Herodes mo male lukun Yohanes see haoot ne tanau Yohanes hio lun benar ampin lun sui, lukun Herodes ngahilung ne. Rahat hioo ne ngeringo Yohanes, tanam hebingung ne, tapi Heroodes suka ngetingu Yohanes. ²¹ Hampelah andrau sa tepat, rahat Herodes te andau ulang tahun ne gawi salani atau dela pejabat-pejabat ne sa entu, perwira-perwira ne pamimpin-pamimpin Galilea. ²² Tahui rahat anak wawei Herodes huluk ampin manari, ne pasanang Herodes lukun ire sa dadayo ne maharung. Tahui, raja bapaner lukun ne, “Onoklah hie sahu kakan ku pasti ngokoi ne delenu. ²³ Ampin, Herodes basumpah lukun ne, “Hie bo sa kononok nu lukunku, pasti ngokoi lukun nu, bahkan hampe saparu kerajaan-ku, dohoi ku lukunnu. ²⁴ Ampin, wawei lolang hio tulak ngunui lukun inai ne, “ku harus onok hie?” Inai ne nyamut, “utek Yohanes Pembaptis.” ²⁵ Rahat hio lukun golek-golek, wawei lalong hawi tong raja ampin nguhui, ku kakan hayati hie nu ngokoi lukun ku utek Yohanes Pembaptis huang bidar.” ²⁶ Kuno hio Raja data sehu ne miliwat, tapi uko lanyi ne lukun lun sa deo dadayo ne kuman, ne awe inuh nolak sa dokonok wawei lolang lun sa deo dadayo ne kuman, he awe inuh nolak sa dokonok wawei lolang hio. ²⁷ Ttahui, raja gelek ngirim erai kulun ai gojo de nyiu ne koit utek Yohanes, tahui algojo hio tulak netep utek Yohanes lei panjara. ²⁸ Libas hio, ne koit utek Yohanes tei huang bidar tahui ngokoi toong wawei lolang hioo, wawei lolang hioo ngokoi toong inai ne. ²⁹ Rahat murid-murid Yohanes, ngerongone, ire hawi nugo tenga Yohanes ngandak ne huang ogang. ³⁰ Rahat hio, urus rasul bukumpul dadayo lukun Yesus ampin mara. Lukun Yesus uhui ne tong ire, hie sa haot dakawi kon ampin hie sa kon ajar. ³¹ Ampin Yesus ngunui lukun ire, “ayu tana tong uneng sa sepi tahui tinut tewelek,” gene deo lun sa sawi ukun tulak, kawan pun ire mo sampat. ³² Tahui Yesus lukun murid-murid-Ne tulak mengasikan diri tong uneng sa benyem jukung ³³ Tapi, lun deo nean ire tulak ampin inut ire. Ampin lun deo hio mensit dadayoo nahalau alan tane neke uras kota, ampin hampe te are ngehono Yesus lukun murid-Ne. ³⁴ Rahat Yesus talak iring danau, Ne neau lun deo, ampin Ne ngerasa ani uko we gunau domba na awe gembala Ne, maka Yesus malai ngajar ire deo hal. ³⁵ Rahat andraw mulai kiwa, murid-murid Yesus hawi tong ne lukun nguhui, uneng ti uneng sa beyem ampin hot botuk malam. ³⁶ Singkkula ire tulak tong daerah sekeliling dan tong leu-leu de ire nidi ena sa tau de okan. ³⁷ Tapi Yesus nyamut, “konlah sa ngokoi ire okan.” Ampin ire nguhui lukun-Ne, “haruskah kamin tulak midi wadai uman ne 200 dinar ampin ngokoi de okan ire?” ³⁸ Yesus maner lukun ire, “pire roti sa nan te kon? Tulak -lukun teaulah! “Se naot ire tanau, ire ngunui,” dime wadai lukun rueh kenah. ³⁹ Tahui, Yesus nyingku ire usas ne maharung huang kelompok-kelompok te hamau rikut baranuli. ⁴⁰ Lun deo hio maharung bukumpal, nan sa saratus kulun, nan dime puluh kulun. ⁴¹ Sehaot hio, Yesus nugo dime roti ampin ruah kenah hio, tahui ne ne tong langit, Ne mangulap syukur ampin memecah-mecah wadai hio tahui ne ngokoi ne dela murid-murid-Ne mayak wadai delalun deo. Ne pun nabagi-bagi rueh kenah hio de la uruss lun. ⁴² Ire urasa ne kuman hampe wising. ⁴³ Se haot hio, ire nugo dua belas keeranjang sa penu lukun sisa-sisa wadai lukun kenah. ⁴⁴ Nan dime ribu laki sa kuman wadai. ⁴⁵ Libas hio, Yesus nyingku murid-murid-Ne mamai tong jukung lukun tulok ngohoono ne tong hila, tei Betsaida, odi hio Ne nyingu lun deoo hioo tulak. ⁴⁶ Setelah berpamitan dengan mereka, Ia pergi ke bukit untuk berdoa ⁴⁷ Rahat, kan kiwa, jukung tei botuk danau ampin Yesus gagalo te pampang. ⁴⁸ Sehot neu murid-murid-Ne nanyu lawan nenguyuh ne uku riwat sunsulang arah nene ire, kira-kira jam gaga malem sa he empat, Yesus tong ire ne malan te hamau danau ampin Ne kauan malan nangkah ire. ⁴⁹ Tappi, sehaot ire neu Yesus malan tei hamau danau, ire nyangka ne ko pijjat, tahui ire mingkiak. ⁵⁰ Uko ire urase neu Yesus ampin aku takut. Yesus langsung paner lukun ire, “Tanganlah, ti ku da takut. ⁵¹ Tahui, Ne mamai dadaya ire huluk jukung, ampin riwut hio kadu, ampin ire wauh. ⁵² Sebab, uko ire male paham teurang mukjizat dime wadai hio uko aheng ire eso mape. ⁵³ Ampin, se haot Yesus lukun murid-murid-Ne mitah, ire tanuk e tane Genesaret taping. ⁵⁴ Rahat, ire minau keke jukung, lun-lun kinut Yesus. ⁵⁵ Ampin, meusit tong uras daerah hio, malai koit lun-lun sa dongo e hamau tilam, te awe boo ire ngiringoo henaan Yesus. ⁵⁶ Maka, tong awe pun Yesus huluk tong leu-leu atawa tong kota-kota atauwa daerah-daerah tei sekitarne, ire pakading lun-lun sa beeten te uneng karimi. Ampin konok lukun ne, de ira tau nangku empak jubah-Ne bo. Ampin hio sa nangku jumbah-Ne jari maeh,