¹ Trus Yesus melai ngjaar pudi te iring danau. Tahui deo lun ngeliling Yesus hampe Ne mamai huluk huang jukung kun maharung te jukung te danau hio, saat hio lun deo naan te bawo iring danau. ² Ne ngajar ire mengenai deo hal, Ne ngajar ire nahalau inton-inton huang ajaran-Ne, Ne nguhui lukun ire, ³ Rengeilah! Naan lun sa kakan tulak ngule parei. ⁴ Tuhai jarilah, rahat ne ngule parei, pipire parei ratu te iringe alan, hawilah deo pupulu, tahui kuman ne ⁵ Sa lain ne ratu te munant tane sa bawatu watu sa dohot tane ne. Wini parei ho tahui tumu gelele, kuno tane ne awe lalem walas ⁶ Pas mate andari malayong, wini sa haot tumu iroh en, sia uko awe naan wakat ne, wini sa tumu jari meang. ⁷ Mehe ne pudi ratu te pulai/botuk dui. Tahui, pulau dui tumu ngapeh ne hampe matei, tarus pamule hio awe tau bubua. ⁸ Amun, mehe ne ratu te tane sa buan, doar deo bua ne, tumo tarus tamoh bagaya, hasilne pipire kali lipat, naan telumpulu kali lipat, enam puluh kali lipat, hampe seratus kali lipat. ⁹ Libas hio Yesus nguhui pudi “hie sa naan klinge de ngerengei, dihe bo ne ngerengei”. ¹⁰ Rahat Yesus gagalo, deo lun ngeliling ne, sasama lukun dua belas murid-Ne, tane lukun-Ne, ire tanetog “tahui- ¹¹ Ne ngajawab ire” rahasia kerajaan Allah haotne dokoi dela n, tapi tong lun-lun lain, hal kanahampe huang inton-inton. ¹² Supaya, biarpun tau neaw, ire neaw tapi awe biarpun tanau ngerengei, ire ngerengei tapi mo paham. Biar ire da botobat kukundi dampuni. (Yes 6:9-10) ¹³ Libas hio Yesus mara tong ire, awekah nu paham inton ti? Ngunawe nu tau paham lukun uras inton ti? ¹⁴ Penyawih hio nyawih firman (pamaner Tuhan). ¹⁵ Ire hio lun sa ratu te iring alan, uneng pamaner Tuhan hio sanawih. Rahat ire ngerengei, segelek ne pijat hawi tahoi ngerebut ngarampas pamaner Tuhan sa sanawih te aheng ire, ¹⁶ Ngunau hio lei, ire sa nyawih te tarie sa bawatu, arti ne lun-lun sa ngere ngei pamaner Tuhan hio, tarus nerima kun aheng ne sanang ¹⁷ Tapi ire awe ba wakat te huang aheng ne gagalo kun awe batahan uhang. Hayak hawi kasasat kun siksa uku pamaner Tuhan hio, ire tehui ratu melah kaharap ire walang tong dasa. ¹⁸ Trus sa lain sa ratu te botuk pulau dui, arti ne ire ngerengei pamaner Tuhan, ¹⁹ Tapi ire inas-inas de denia ti, kun kangakan ahen ire de katatau, kun kangakan-kangakan lain sa huluk ekang pamaner Tuhan hio, tarus ngapeh ne hampe mo ngahasil bua. ²⁰ Mun ire sa sanawih te tane sa buon, arti ne ire sa ngerungei pamaner Tuhan hio, nerima tarus ngahasil bua-hua deonaan sa telumpulu kali lipat, enampulu kali lipat tarus hampe ratus kali lipat. ²¹ Tuhai Yesus mara lukun ire, awekah lampu minyak hoawe doit de kanandak te kapit gayung sa kanawi teke kayu, atawa te kapit dipan? Niekah lampu ilah hio harus ne kahandak te hamau ne lampu ilau hio. ²² Awe naan sa tau siniok sa awe tau kenungkap. Lei, awe naan rahasiane pun sa awe au tebuka. ²³ Jika naan lun sa ampun kelinge de ngerengai dihe bone ngerengei. ²⁴ Tahui, Yesus mara lukun ire ringgolah hie sa derengei nu. Ukuran sa penakai nu, de dukur lei ong nu, kun eso naan pudi sa tenaoh tong nu. ²⁵ Hie sa naan enane eso naan karan tanamoh, tapi hie sa awe hie pudi sa naa eha nie, lane kan dekugo pudi teke ne. ²⁶ Libas hio, Yesus nguhus, “Kerajaan Allah ho ngunau lun sa nyawih wini te tan’e. ²⁷ Penyawih hio manre, kanraw kamalem, tarus wini hio melatik tamu, panyawih hio awe tanau ngunawe jarine. ²⁸ Tan’e hio ngahasil bua kun gagalo ne bo, tem’a ne malatik tahui losek bulir ne tarus insoi-insoi sa te huang bulir ganum hio mihag. ²⁹ Mihak, lun hio gelek masi ne, kuno musum masi hoot hampe. ³⁰ Libas hio, Yesus nguhui ngunau aire taka tau ngebeda kerajaan Allah? Atawa lukun inton hiekah taka halu ngededa ne? ³¹ Kerajaan Allah hio ngunau insoi sasawi Sa tanawih te tan’e, beke insoi hio insoi sa palng kidik tei hamau bumi ti. ³² Tapi pas sanawih, insoi hio tumu tarus jari gaya tekeuras pumule huang ume hio, tarus ngolosek raan-raan sa gaya hampe inuh uneng pupulu-pupulu bawi salay te kapit ne. ³³ Huang deo inton hio, Yesus mara firman-Ne lukun ire, sama lukun sa halu derengai ire. ³⁴ Ne awe piji paner lukun ire awe piji mo pakai inton, tapi-Ne mara ngejelas uras ne teuneng gagalo tong murid-murid-Ne. ³⁵ Te andraw hio, rahat andraw haot siwur Yesus paner/ mara tong anak buah-Ne, ayo taka tulak tong hila danau. ³⁶ Sahaut melah lun deo hio, ire koit Tuhan Yesus huluk huang jukung dadayo te uneng Yesus naan te ho kun jukung-jukung sa lain gin dadayo-Ne. ³⁷ Tarus hawilah riwut barat sa peheh kun umak gaya ngahamas jukung ire hampe jukung ire penuth de ranu. ³⁸ Tapi Yesus naan te kemuri kapal, maure te hampu unan maka ire nyele-Ne, tarus ngunul kun-Ne “Guru mo pedulikah nu mun taka mati? ³⁹ Libas hio, Yesus buat trus ngebentak riwut, tahui bapaner tong laut, “Benyem! Mrene bo!” uko ho riwut barat teno jari mrene bene ⁴⁰ Libas hio Ne nguhui ong ira, “nko hie nusa taleut? Uhu hie lun mo percaya? ⁴¹ Jari tanam toro ketakut ire, ire bawa tong sa isa lukun sa laninne hie ne lai? Hampe barat taning nurut lukun-Ne.