¹ Ketika anrau sabat nahalau Maria Magdalena, Maria inai Yakobus Lukun Salome, sehaot midi rempah-rempah hamper ire inuh tulak engken ngemiyak Yesus. ² Sunsung kiat, pas anrau malai mingo hio saat mate anrau hawi, ire hawi tong ogang. ³ Maka Ire bapaner Isa Lukun Salam, “Hie sa mangkaleng watuhio teke jawong huluk ogang hio? ⁴ Tapi sehaot neau tong moh, ire nean watu sa paling gaya hio haot panangkaleng. ⁵ Engken sehaot huluk tong huang ogang ire neau erai keulun laki lolang sapakai jubah bura rahat maharung te tusu sanan  engken ire emah. ⁶ Libas hio ne bapaner lukun ire “ada emeah nu kelo Yesus lun Nasaret sa haot sanalib. Ne haot bengkat hike kepateian ne awe nan teti, teau uneng ire pakading ne. ⁷ Tapi tulak bo, kuhui lukun murid-murid ne engken lukun Petrus gene ne nyompono nu tong Galilea , teanaimu baka halu lukun ne ngunan sa naok ok kupi ne hukun nu. ⁸ Libas hio ire lose ongkan buyo neke ogan hio, gene ire ngerasa prekter kun heran lukun ire awe inuh nguhui hie-hie tong hie bo lun, uko sikar ketakut ire. ⁹ Saat Yesus tulak sunsung pas anrau pertama huang menggo hio ne hono peleha arep ne luhun Maria Magdalena, sa tekene Yesus haat pebuyo pitu roh jahat. ¹⁰ Tahui Ne tulak engken mara lukun ire sa rahat dadayo lukun Yesus, Samantara rahat ire mahanang sehu engken nangih. ¹¹ Engken waktu ire ngeringo bahwa Yesus welum, Lukan haot de ite awi hie ire mo persaya. ¹² Sa haot kejadian hio, Yesus Gin miang bentuk sa lain. Lukun reuh kulun teke ire sa haot macan tong ie’u. ¹³ Tahui ire waleng engken mara lukun sa lain ne. Tapi selain ne hio lei mo panar saya ire. ¹⁴ Libas hio hawi galo tong kesebelas murid-Ne saat ire rahat maharung kuman engken Ne nagur ire gana kengemo persaya ire engken kemape aheng ire, gana ire mo persaya lukan lun-lun sa haol neau-Ne sahaot Ne welum/bangkit. ¹⁵ Engken Ne kuhui lukun ire’ tulak bo tong seruruh dunia engken kenabarlah Injil lukun ke ngohah ciptaan. ¹⁶ Hie sa haot persaya engken haot de baptis pasti de selamatkan. Tapi hiesamo persaya pasti Kuno hukum. ¹⁷ Engken siri-siri ti akan uma ire sa persaya : Huang aran ku ire pebuyo roh-roh pijat; ire bapaner lukun bahasa bio. ¹⁸ Ire tau nantop nipe lukun tangan ire, engken amun ire kinum rasun sa pakatei, eha hio mo hamper gie ire selaka, ire nonok tangan ire hunan lun-lun sa beretin maka lun-lun hio mach. ¹⁹ Tahui, sahaot Tuhan Yesus nguhui lukun ire, Ne terangkat tong Sorga engken maharung tei tuhi sanan Allah. ²⁰ Tahui ire tulak engken bakhotbah te awe-awe sementara Tuhan begawi dadayo lukun ire ampui menguatkan firman Ne nagkah siri-siri sa uma-Ne.