¹ Telah tema injil Kristus. ² Anak Allah ngunan sa tetulis huang buku Nabi Yesaya: Team! Ku ngirim utusan-Ku ngehono-Ne sa ngiap alan tong -Nu. ³ Nan lan lun sa mengkiak-kiak te alan maon nyiap alan dela Tuhan awi lah alan Ne sa bujur. ⁴ Naka Yohanes pukanrus lun-lun te alah alan tahun ne ngahampe ajaran Ne tetang Baptisan pertobatan. ⁵ Ampin uras marasia te Yudea lukun uras lun te Yerusalem hawi tong Yohanes. Ne pekaurus ire tai hungei Yordan ampin ne ngaku dosa-dosane. ⁶ Yohanes makai hapi ulu unta lukun suruk lengkawang upak ta lengkawang ne. Ne kuman upan lukun ranu wani alah. ⁷ Yohanes mara lukun bapaner sehaot ku nan sa hawi kireh sa lebih bekuasa neke ne. Ku awe layak ne rongkou lukun ngelepak tadi sandal. ⁸ Ku pakanrus ne lukun rami, tapi Nesa pekanrus nu lukun Roh Kudus. Yohanes pekanrus Yesus ⁹ Waktu hio, hawilah Yesus neke Nazaret, wilayah Galilea, kanaBaptis Yohanes te hungei Yordan. ¹⁰ Sehaot losak neke huang sanu, Yesus neau langit bapoka Roh ngunan erai bulot pepuru dara. ¹¹ Ampun nan lan hawi neke sorga Ne anak sa ku sayang tong nu ku suka. Yesus Senuba Pijat ¹² Sehaot hio, Roh koit Yesus tong uneng sa benyeni ta daerah. ¹³ Ne nan te daerah sa benyem kengila ne epat pula anrah de cobai pijat, Yesus nan ta ekang eha-eha sa maon lukun malaikat begawi dela Ne. Yesus Ngabar Injil Allah ta Galilea ¹⁴ Sehaot Yohanes depenjara, Yesus tulak tong daerah Galilea lukun ngabar Injil Allah. ¹⁵ Ne bapaner : “Sukuplah waktu ne, kerajaan Allah haot dini, Bertobatlah hukun parsaya lawan injil. Yesus Midi Murid ¹⁶ Rahat Yesus malan-malan tei iring danan Galilea Ne nean Simon lukun Adreas pulok senai ne, rahat nimai lunta ta danan gene ire ngelunta kenah. ¹⁷ Tahoi Yesus bapaner tong ire “uma lan Ku, de Ku gie nu jasi ngelunta meresia. ¹⁸ Simon lukun Andreas melah lunta ire de uma Ne. ¹⁹ Rahat Ne tulak ooro Ne nean Yakobus, anak Zebedeus ampun Yohanes pulok senaine, sa nan tejukung rahat pebuon lunta. ²⁰ Ndi hio Yesus nerau ire de ise melah amai ire, Zebedeus, huang jukung lawan walah upaan ne, lebi tulak uma Yesus. Yesus Ngajar Ampin Penu Kuasa ²¹ Tahui ire hampe te Kapernaum ta anrah tihut Yesus huluk tong Greja (Sinagoge) tahui ngajar. ²² Ire heran ngeringo jaran Ne gene, Ne ngajar ajaran hun sa penu kuasa, awe ngurau ahli-ahli Taurat. ²³ Rahat hio ta Greja (Sinagoge), nan laki sa kanarasuk roh pijat lukun ne mengkiak. ²⁴ Uhuine “Ihie urusan Ne lukun kamin, Yesus neke Nazaret? ²⁵ Yesus ngacam ne uhui Ne “Benyem! Hoseklah neke huang lun ti. ²⁶ Sehaot roh najis hio, ngusak-ngulong, ne sambil mengkiak lukun suara pehek lusseklah roh hio neke ne. ²⁷ Ire uras heran, ralun tane isa lawan sa lain uhun ne hie ti? Ti ajaran sa bio sa berkuasa! Ne nyingku roh-roh sa dat hio nglung ne taat lukun Ne. ²⁸ Tahui goleklah tusiar kabar Ne tong awe-awee hampe tong seluruh wilayah Galilea. Umpu Simon Sa Wawei Lukun Lun Sa deo Pana Maeh Penyakit ne ²⁹ Se haot Yesus lukun murid-murid Ne melah gereja (Sinagoge), nie huluk belai Simon lukun Andreas de dayo yakobus dadayo Yohanes ³⁰ Umpu sa wawei Simon rahat kading uko ne dongo, maka nie golgolek nara keadaanne tong Yesus. ³¹ Yesus gin hawi kehalu ne tahunantot tangan ne tahui ngawat ne minsi. Rahat hio dongone maeh tahui wawei hio mayak ire. ³² Rahat kiwa hawi sehaot mae andrau leteng ire koit tong Yesus kengosang lun sa dongo lukun sa karasukan roh pijat. ³³ Se kunas penduduk kota baleumpun te muka jarong belai hio. ³⁴ Yesus pemaeh bu masam-masam panyakit lun dio lukun pebuyo pijat, tapi Ne ngai pijat-pijat hio bapaner, wah ire kinut ne. Yesus Berdoa Engken ngabar Firman ³⁵ Sunsung beneh, se haot anrah mieng Yesus sele tulak tong uneng sa benyenu, tahui Ne bedoa ta hio. ³⁶ Sehaot hio Simon lukun lun-lun sa uma kelo Yesus. ³⁷ Sehaot ire bekehalu Yesus, ire unra sekoreng um kelo Ne!” ³⁸ Keloi, Yesus bapaner, Ayutaka tulak tong kota-kota sadini ku tau nge hampe tong lun sa nantaaro oko tilah alasan ku hawi. ³⁹ Kuno hio, Yesus tulak nyusur selurah wilayah Galilea. Ne masa Firman ta gereja-gereja(Sinagoge) ire lukun ngusei pijat-pijat. Lun Okan Kodong De Panamaeh ⁴⁰ Tahui, nan lun sa okan kodong, hawi to Yesus, Ne konok lukun rorongkoi tong Ne, jika Nu kakan, Ne tan pamah ku. ⁴¹ Tegarahlah ahung ne ahi Yesus ngoloi tangan-Ne lukun ngaku lun hio sambil bapaner ku kakan jasilah nu maeh. ⁴² Sehuot hio lei penyakit kodong ne lun hio jari naeh. ⁴³ Yesus nyingku lun hio tulak lukun ngingat ne lawan tegas. ⁴⁴ Yesus guhui tong ne da mara hie-hie tong lun-lun tentang hal hio. Tulaklah ne deputan tenganu tong iniam, lukun mempersembahkan korban ukonu haot maeh ngunan sa desingku Musa de kesaksian dela ire. ⁴⁵ Lun hio tulak madai mara ne secara tebuka lukun nyiar kabar hio secara luas. Gene hio Yesus awe inuh pudi huluk sacara terang-terangan te kota tapi ongon, te daerah sa beyem mun. Lun-lun nesu uras uneng ire hawi entong-Ne.