Salam tanjak Yudas ¹ Tanjak Yudas, pelayanan Yesus Kristus ali erai untungk Yakobus, pe reo he wa pili ali wa penuasi Allah ta ala Uma, li he wa pelihara agint Yesus Kristus. ² Kirane penuasi Allah ta ala, damai sejahtera, ali kasih ponu bomboko. Allah ta ala kant ngehukump reo he ngulah sala ³ Penerai untung se wakasihi, pahandre aku ngusahakant beta nulis pe iko tentang keselamatan ali peninduko supaya iko berjuangk sungguh-sungguh agint iman he wa sampaikant erakali agint pengekola ne pe ulunt-ulunt berasih. ⁴ mokone, ulunt-ulunt tertentu deo menyusup tanpa wa sadari, moko ne reo he setanjak pono wa tentukant agint wa hukump, ulunt-ulunt he doho ba iman se mesala gunakant anugerah Allah ta ala taamp agint memuaskant nafsu ali dea beta at ekat erai-erai ne Penguasa ali Allah ta ala taamp, Yesus Kristus. ⁵ Aku kakant mepengingatkant iko meskipunt iko ukah at tau seponu ne, bahwa Alla ta ala ukah menyelamatkant umat-Ne ali nengkual reo anjak tana Mesir, Moko io Ise membenasakant reo he doho percaya. ⁶ Ali, malaikat-malaikat he doho taat ba helangk-helangk kekuasaan reo, melainkant ngikeh wadah penduloi reo, ukah Ise siret ali rantai abadai suangk se siromp he paling siromp dondomp agint penghakiman pe ondro olai nindro. ⁷ Moko ne Sodom ali Gomora ali kota-kota ba nyengkolangk ne, he memuaskant diri suangk dosa seksual ali ngapungk nafsu he doho wajart, at menanggungk hukuman apui kekal sebagai contoh. ⁸ Hama itu lou ulunt-ulunt sina, memakai upi-upi reo, mencemarkant pengompu, nyengkilah kekuasaan, ali nyembilek awis he mulia ^{11 9} Mikhael sio, sang penghulu malaikat, pas pentungk babur ali ontu tentang bangkai Musa, doho ronu ngontuh pemander he daat pe ise, melainkant ekat menaint, Kira ne Alla ta ala ngemara iko. ¹⁰ moko ne, para penawangk sio ngehujat hal-hal he doho reo ketau, he ekat reo ketau berdasarkant naluri, hama benatangk he doho naant akal, koe hal-hal sio mokone reo kant wa hancurkant. Nyelaka ka reo ukah nyirik malant he wa tempuh Kain, ali nyirik pengoit kauh panant sala he wa lakukant Bileam ali banasa koe ma irangk hama Korah ¹² Reo situ hama noda suangk perjamuan kasihko, he meruh pengokant baya iko tanpa naant kenanap takut, ngekaboi ekat pe diri saurangk. Reo hama jawunt he doho ngoit urant, he wa siwui riwut pero pitu. Reo hama kakau-kakau he doho ngeu'a ba musimne, mate rueh kali, ali wa tebut pe akar-akar ne. ¹³ Reo hama gemba laut he ganas, he ngeburek pehinaan reo saurangk. Reo hama benatangk-benatangk he mengembara, he bagine kesirompmant he lonik beta he ukah wa sediakant agint selama ne. ¹⁴ Ali lou ulunt-ulunt situ poh Henokh, keturunant ke turu tanjak Adam, bernebuat, pinda ko, Alla ta ala awi sindrah beribu-ribu ulunt berasih-Ne, ¹⁵ agint lalant penghakimant ba ombo ulunt ulunt ; menghukum awis ne ulunt fasik ke awis ulah fasik he reo gawi ali cara he fasik, ali awis pengontuh daat he wa pemander koe ulunt-ulunt berdosa he fasik pe Allah ta ala. ¹⁶ Reo sio poh ulunt-ulunt he ketuju mengeluh, meto-meto pe sala, ali makai hawa nafsu reo saurangk ; reo wowa buhau ali pelelap ulunt lain demi ngahalu keuntungant. Peringatatant ali Memadahi ¹⁷ Penarai untungk ku he ku kasihi, iko harus mepengingat none he ukah wa sundro rasul-rasul Allah ta ala taamp, Yesus Kristus. ¹⁸ Reo ukah ngontu pe iko, ba zaman penggawis, kant naant para penyembilek he ekat nyirik nafsu reo he fasik. ¹⁹ Reo siopoh ulunt-ulunt he ngulah penempeha, nyirik nafsu duniawi, ali beloh Roh ²⁰ Moko ne, iko, penerai untungk he kukasihi, at kuat iko saurangk ba ombo imanko he paling suci ali berdoa ka suangk Roh berasih. ²¹ Gaduhlah diriko suang penuasi Allah ta ala pahandre ngandre rahmat Allah ta ala taamp, Yesus Kristus, he menunntunt pe wolump kekal. ²² Gaduh ka kemurahan ate bagi reo he ragu-ragu, ²³ selamatkan ka ulunt laint ali ngerabut reo tanjak apui. Pe he laint, pinda ka penuasian he wa sertai kenanamp takut, ali ngegali pakaian reo he wa cemari hawa nafsu duniawi. Puji-Pujian Pe Allah ta ala ²⁴ Agint reo, he ba kuasa ngejaga iko doho latu ali menghadirkantko tanpa cacat ba hadapant takhta kemuliaan-Ne ali sukacita olai. ²⁵ Ekat kekerai ne Allah ta ala, Juru Selamat taamp, nyendalo Kristus Yesus Allah ta ala taamp, kemuliaan, keagungan, kekuatant, ali kuasa pengekatah masa ponoh, keletu , ampe kekola-kola ne, Amin