¹ Setiap ulunt se percaya bahwa Yesus sio Kristus lahir tanjak Allah ta ala; ali setiap ulunt se nuasi Uma, lou nuasi anak se lahir tanjak UMa. ² Ali situ, taamp tau bahwa taamp mentuasi ank-anak Allah ta ala, yaitu ketika taamp nuasi Allah ta ala ali menaati perintah-perintah-Ne. ³ Koe sinalah tuasi Allah ta ala, bahwa taamp menaati perintah-perintah-Ne; ali perintah-perintah-Ne doho leka boyat. ⁴ Sebab, nonepunt se wa ekuh tanjak Allah ta ala nengkalah denia; ali situlah pengkuret se ukah nengkalah denia ; iman taamp. ⁵ Sebone poh se nengkalah denia ena doho ise se percaya bahwa Yesus sio at Anak Allah? Wolump Kekal naant ba suangk Yesus. ⁶ Ise sio poh se awi ali ranu ali raya : Yesus Kristus ; doho ekat ali ranu, melainkant ali ranu li raya. Roh poh se bersaksi koe Roh situlah sebujur. ⁷ Moko, naant tolu se bersaksi ba surga. ⁸ Roh, ranu ali raya ; ali ketolu ne sio poh jari erai. ⁹ Ena taamp nerima kesaksian mersia, kesaksian Allah ta ala tiba turont, moko ne, kesaksian se Allah ta ala umikant sio at kesaksian ngenai Anak-Ne. ¹⁰ Ulunt se persaya ampe Anak Allah naant kesaksisan situ ba suangk kompu ne. Ulunt se doho persaya ampe Allah ta ala ukah ngulah_Ne nenjari ulunt penipu koe ulunt situ doho persaya ampe kesaksian se Allah ta ala umi ngenai Anak-Ne ¹¹ Ali, sinalah kesaksian situ; Allah ta ala ukah ngumi ne ampe taamp wolump kekal, ali wolump situ naant suangk Anak-Ne. ¹² Setiap ulunt se naant Sang Anak naant wolump; setiap ulunt se doho naant Allah ala ta doho naant wolump. Ulunt se wa ekuh tanjak Allah ta ala Doho ngula Sala. ¹³ Aku ukah nulis hal-hal ampe iko se persaya suangk ngarant Anak Allah ta ala supaya iko tau bahwa iko nganaat wolump kekal. ¹⁴ Ali, situlah keyakinan se taamp naant ba hadapan Ise, Sio moko ne taamp metindu nonepun se sesuai ali kenakant-Ne. Ise kerongoi taamp. ¹⁵ Ali, ena taamp tau ise kerongoi taamp, nonepun se taamp penindu, taamp tau bahwa taamp ukah ngenaant peninduan se ukah taamp tindu anjak-Ne. ¹⁶ Ena naant ulunt se kotau erai untungne ngulah dosa se doho ngarahkan pe kepateant, maeh ka ulunt situ metindu, ali Allah ta ala kant ngumi wolump ampe ulunt se ngulah dosa se doho mengarahkan pe kepateant situ. Leka, naant erai dosa se mengarahkan pe kepateant; aku doho ngontuh bahwa ise harus ngontuh agint dosa situ. ¹⁷ Sedeo deo ne leka tuu at dosa, leka naant dosa se doho mengarahkan pe kepateant. ¹⁸ Taamp tau bahwa setiap se wa ekuh tanjak Allah ta ala doho ngulah dosa, leka ise he lahir tanjak Allah ta ala ngelindungi ali se jahat doho ngekaboi ne. ¹⁹ Taamp tau bahwa taamp berasal tanjak Allah ta ala, ali awis denia naant ba suangk se jahat. ²⁰ Ali, taamp tau bahwa Anka Allah ta ala ukah awi ali ukah ngumi pengertian ampe taamp supaya taamp kahalu kakant tau Ise se bujur; ali taamp naant ba suangk Ise se bujur, suangk Anak-Ne, Yesus Kristus, Ise poh Allah ta ala se bujur ali wolump kekal. ²¹ Anaka-anakku tengkoro deh pengompuko tanjak berhala-hala.