¹ Sesuatu se ukah naant sejak semula, he ukah taamp rongoi, he ukah taamp otau, ali mato taamp, se ukah kaint perhatikan ali sentuh ali kayangk kaint, sesio Firman pembolump, ² pembolumpman situ ukah wa nyatakant ali kaint ukah mekinda-Ne. Kaint bersaksi ali ngahabarakant ampe iko tentang pembolump kekal situ, he ukah naant besama-sama Uma,ali ukah wa nyatakant pe kaint. ³ Hal he ukah kaint pinda ali rongoi sio, taamp habarkant lou ampe iko supaya lou ngenaant persekutuan sesama taamp. Sesungguhne, persekutuan kaint sitlah sesama Alla ta ala Uma ali anak-Ne, Kristus Yesus. ⁴ Kedoa hal situ kaint tuliskant ampe iko supaya sukacita jari ponu. Malant Suangk Terawa. ⁵ Situlah habar se ukah kaint rongoi tentang Ise ali kaint pekampe ampe iko, se sio Alla ta ala terawa ali ba suangk Ise hama seklai doho naant pengsiromp. ⁶ Ena taamp montuh bahwa taamp naant persekutuan ali Ise, tapi taamp wolump suangk siromp, taamp mula buak ali doho gawi se maeh. ⁷ Namun, ena taamp malant suangk siromp, hama ali Ise ba suangk terawa, taamp naant persekutuan erai ali he lain, ali raya Yesus, Anak-Ne, memberasihi taamp ante sedeo dosa. ⁸ Ena taamp ngontuh bahwa taamp doho berdosa, taamp nipu diri taamp saurangk ali sebujurne doho naant ba suangk taamp. ⁹ Ena taamp ngakui dosa-dosa taamp, Ise sio setiaali adil agint ngampuni dosa-dosa taamp agint ngeberasihi taamp tanjak sedao se daat. ¹⁰ Ena taamp montuh bahwa taamp balump suah ngula dosa, taamp mulah Ise jari penipu ali firman-Ne doho naant ba suangk taamp.