¹ Gabe meu paling meu re Jou Yesus hare bomuahai mali gagau Jou Yesus entotongo mali Jou lahatala ni welana. ² Emloyaneto ahai ta puisna. Tinapa ahai tamaili bumi ca. ³ Gabe au mateto empaling hare gogan au, au Jou Yesus pumul Jou lahatala. ⁴ Manana Jou Yesus in paling eto i nu inidirica hare meu bena. ⁵ Manana i hamat nitabeat ahai ta berasal mali tabeat ta mayaina mali batang tae papapo taye tnyal cal mau smat. Nafsu mamagal, farumi na fanlali tamayaina. ⁶ Ahai ta Jou lahatala ewlolo pana is smat ta it mali dunia tae etpeo, gabe manana ite duk salsal mali Jou lahatala. ⁷ Mew tantubana mew bena hare mew bena tub pumul tina. ⁸ Gabe orastae eftopa ndumi tina tah matotolena hare murukana hare tan ewlon to lolo smat pana hare tammau smat na, hare tam mauting tamayahi na mali snom na. ⁹ Matim fadarawana fare mfanenowe smat ta agona fare et derera itet ahai ta mayaina. ¹⁰ Gabe ta smat pona, Tat pei ahai ta molangna faolang fare fatotiah laisa ni tafyalca fare laisa ta Jou lahatala en peina. ¹¹ Gabe tane smat Yunani na enpa hare smat yahudi. Smat tar derera Jou ca fare smat tar derera Jou ca pana, sir panyaket fare dowil, smat koro fare smat cangnang na gabe Jou Yesus in tutuling ni kawasana mali in farumi. ¹² Gabe tina smat Jou Yesus nafculina ta mafia bon hatutiyai ni masiyena ta matotolena fare ni makotalena mali wlona ta mafia to tamatinasuna. ¹³ Matinasu smata bo tanesana samara you Yesus nemenim salna fare nmasie it gabe bena famisea meu. ¹⁴ Puis farumi na tat pakena famasie Tan dadi pitpitan na molang. ¹⁵ Biarega Jou Yesus en famafio fare nfaolang wlomna fare gabe tina na i nololau it bon dadi wlor na fapusabe re cuba Jou Yesus. ¹⁶ Danebe Jou Yesus ni plaumauting na ntetem mali auwe danebe nfoloi farum na osa mafia mali auwi fasosogaro fare fafatnawe lali re mali bot farumi tet nyanyi mazmur18 fare nyanyian Rohani fare msuba Jou lahatala mali wlomna.. ¹⁷ Ahai ta ampei mali nim mau mautingna fare mpei Jou Yesus e nifatfato fare nifatnawena re meuba Jou lahatala. ¹⁸ Riri ngolona, er cuba riri vatna laisa pumul Jou Yesus. ¹⁹ Riri vatna er masie riri ngolona fare matiftolea sina. ²⁰ Nturina ermasie H’mam re H’nyem tasa laisa mfasangnang Jou ca. ²¹ Uahleona matif tole wawainana bo wlorina maraogal pa. ²² Korona erderera riri kolanona ta mali batang tae mefpei okoses ta mef to na. Ahai tafpeina ta bias mefen na fasangnangsi re wlorna molang gabe dancait jouca. ²³ Ahai ta abompei na mpei re wlorna molanng laisa re jouca fare laisa smat napa. ²⁴ Ahai ta aumtona mau Jou ca au osane nduk waris fare barakat mali jou mali ta itet dererea ina. ²⁵ Gabe smat tarpei mayai na sta rduk muruka mali ahai ta in peina ga farumi si.