¹ Hei Sabanyadi-sabanyadi, lau ada orak nang namu muat hal nang melanggar, kau nang rohani arus mulak orak nang bagena ngan roh nang lamun. Bejaga-jagalah biar kau sorak usah lalu tegoda. ² Saling nolonglah dalap nangong baban biar kau taat ukum Kristus. ³ Lau ada orak nang ngangap diri ya panting, padahal angin bagena, ia nipu diri ya sorak. ⁴ Yoklah satiap orak nguji pebuat ya sorak. Satalah na, ia bisa bangga nele keadaan ya sorak wan ukat kaena mbandingkan ya ngan orak lain. ⁵ Sabab, satiap orak arus nangong baban ya sorak. ⁶ Sapeh nang namu pengajaran dari firman Allah aruslah ia mbagikan samua hal nang baik na ngan orak nang ngajar ya. ⁷ usah tetipu. Allah angin bisa li'permainkan kaena orak nak nuai apeh nang ia nabur. ⁸ Orak nang nabur dari nafsu daging pasti nuai buruk ya dari daging ya. Tapi, orak nang nabur dari Roh pasti ia nuai idup nang kakal dari Roh. ⁹ Usah diri nak latis babuat baik. Lau musim ya atak, diri nak manen aslkan diri angin nyarah. ¹⁰ Kaena na, lau diri namu kesempatan, ayok diri babuat baik ka samua orak, khususyya ka keluarga dalap iman. ¹¹ Telelah mamamng aya uruf-uruf nang aku nulis ntuk kau ngan langanku sorak. ¹² Mpuya nang mao mamer kebaik dari hal-hal nang lahiriah nak maksa kau ntuk li'nyunan. Mpuya muat hal na supaya angin liniaya demi salib Kristus. ¹³ Mpuya nang li'nyunan pun angin taat Ukum Taurat, tapi mpuya mao kau li'nyunan biar mpuya bisa megah diri tas sunan kau. ¹⁴ Moga aku angin parnah megah diri cuali dalap salib Tuhan diri, Yesus Kristus. Lewat salib-Ya, dunia udah li'salibkan ntuk aku, wan aku ntuk dunia. ¹⁵ Li'sunan tau angin li'sunan apehlah artiya. Yang penting na njadi ciptaan baru. ¹⁶ Ntuk samua orak nang njalan atoran ntu, biarlah damai sejahtera wan rahmat turut tas mpuya wan tas Israel ntuk Allah. ¹⁷ Aher ya, usah ada orak nang nyulit aku kaena aku maba tande-tande Yesus dalap tubyhku. ¹⁸ Sabanyadi-sabanyadi, kiraya anugrah Tuhan Yesus Kristus ada basama ngan roh kau. Amin.