¹ Jika kao enggo ni mbuetken khut Kristus, ndakhamilah hal-hal si nidatas kas Kristus lot, tandok ni sambeke kemuhun Allah. ² Pikherkenlah hal-hal si nidatas, hoye hal-hal si nibumi. ³ Sebab ka'o enggo mate khut ngeluhmu malot tekhidah khut Kristus bagas Allah ⁴ Ketike Kristus, si umpane ngeluhmu, mengateken dikhi-Ne, ka'o pe akan ni kateken bagas kemuliaen bhali-bhali Iye. ⁵ Kakhene edi, memateken sifat kae'pe si bekhasal dakhi sifat duniemu, edhime pencabulen, kecemaren, hawa nafsu, nangat si jahat, khut kesekhakahen, si endalah penyembah tebeken patung. ⁶ Hal-hal edilah si nyebabken mukhke Allah enggo kho ⁷ Diyee, ka'o pe melakuken ketike ka'o tong ngeluh ni bagasne. ⁸ Namun, sendah, capaklah kekhine edi: kemengasen, kemukhkaen, kebencinen, fitnah khut pecekhoken cemak dakhi bibikhmu. ⁹ Ulang saling membuali kakhene ka'o enggo meluakhken manusie ndekah mu bhali khut pekhulahen-pekhulahenne ¹⁰ Seluk manusie mbakhu, si begdi-gedi pelin ni pekhmbakhu i bagas memetohise bhali khut gambakh si Penciptene. ¹¹ Bagas hal edi, malot lot nange jheme Yunani ato pe jheme Yahudi, jheme si nisenat ato pe jheme malot nisenat, jheme Barbar ato pe jheme Skit, budak atau jheme mekhdeke, tapi Kristus ielah segale khut bagas kekhine. ¹² Jadi, bage jheme-jheme pilihan Allah, si kudus khut sinikasihi, seluk bamu belas kasih, kekhamahen, kekhendahan ate, kelembutan khut kesabakhen. ¹³ Sabakhlah sekalak jheme tebeken jheme lain khut saling mengampunilah jike kepeken lot sekalak si masalah tabeken jheme lain. Bhali bageken Tuhan enggo mengampunimu, maka ka'o pe hakhus mengampuni. ¹⁴ Ni datas kekhine edi, seluken lah kasih, si menjadi pekhakut si sempukhne. ¹⁵ Peluah damai sejahtera Kristus, mengendaliken atemu memang untuk edilah kendu ni tenggo jadi mesade khut mesyukukhlah. ¹⁶ Peluahlah pecekhok Kristus tading ni bagas ka'o khut melimpah khut mbue hikmat ka'o mengajakh khut menasehati sekalak tebeken si lain, menyayiken mazmur, lagu lagu pujien, khut nyanyinen nyanyinen khohani dom kate syukukh ni bagas atemu tebeken Allah. ¹⁷ Kae pe si ka'o lakuken, bagas ucapen ato pe pekhbuaten, bahanken kekhine edi bagas name Tuhan Yesus, sambil mengucap syukukh tabeken Allah Awok lebeken Ie. ¹⁸ Bekhu-bekhu, tundukme tebeken lakimu kune sehakhusne bagas Tuhan. ¹⁹ Laki-laki, masihilah bekhumu khut ulang mbahan ie kasakh tebeken khalak. ²⁰ Anak-anak, patuhilah kalak metuemu bagas kekhine hal khut hal ende menghibukh Tuhan. ²¹ Awok-awok, ulang memicu kemengasen anak-anakmu kase kalak malet njadi potok semangat. ²² Budak-budak, patuhilah tuan-tuanmu si lot ni dunie ende nibagas kekhine hal. Lakukenlah edi hoye pade ²³ Kae pelin si kao lakuken-lakuken khut sejenep Ate bage be tuhan khut hoye be Manusia. ²⁴ Sebab kao toh bahwe dakhi tuhan kao akan menelahime wakhisen bage upah mu kristus tuhan me si sedang kao layani. ²⁵ Sebab, jeme si embah salah akan menekhime balasen datas ke salahen si nilakuken ne si nilakuken khut malet let si nikecualiken.