¹ Di pio Yesus ma na dua bolas murid i, i lehen Ia ma gogo so bisa alai mangayak begu, pamalu na marnyae dohot na gale. ² On ma goar-goar ni na dua bolas murid i: na parjolo ima si Simon (igoari muse si Petrus) dohot anggi nia si Andreas, dungi si Yakobus anak ni si Zebedeus dohot si Yohanes kahanggi nia. ³ Filipus dohot Bartolomeus, Tomas dohot si Mateus parpajaki Yakobus anak ni si Alfeus, dohot si Tadeus, ⁴ dungi si Simon nasian Zelot dohot si Yudas Iskariot na menghianati Yesus i. ⁵ Dungi, di suru Yesus ma murid nia na dua bolas i, taran so kehealai idokon Yesus ma: ulang kehe homu manyimpang tu inganan ni alak na asing dohot tu kota ni halak Samaria. ⁶ Jalaki homu ma biri-biri na mago sian tonga-tonga ni bangso (umat) Israel. ⁷ Kehe ma homu, kabarkon komu ma bahaso: “ari ni Tuhan (kerajaan sorga) madung donok. ⁸ Pamalum komu ma alak na marnyae, pangolu na dung mate, paias komu ma alak na hona gadam (Kusata), ayak komu ma setan-setan namambaen alak tarsapo. Na tar sapo, kuaso na songoni madung ulehen tu homu inda marbayar, tu alak na di pamalum muyu peantong ulang pangido homu bayar Na. ⁹ Ulang ma roban sere, sanga perak, sanga tumbaga di caku muyu, ulang oban pakean asing na di sibuk muyu, solob sanga tungkot. ¹⁰ Ulang komu marsak, sude haporluan muyu madung di siapkon ingkon mangan do alak na karejo. ¹¹ Muda tolap komu tu sada kota/ sanga kampung, jalaki homu panompangan alak na burju di sima homu tinggal sementara. ¹² Dung masuk komu tu bagas i jalang ma na di bagasi, dokon ma “horas ma di koum nami” ¹³ Pala jeges do panjagit ni alai, horas torkis ma alai, tai, pala inda di jagit denggan komu di baen alai, jomu ma pasu-pasu i. ¹⁴ Pala adong alak na so manarimo dohot naso manerge homu, pas-pas kon ma abu ni pat mu, dungi kaluar homu sian bagasan bagas dohot utai. ¹⁵ Udokon ma tu homu: pala ro ari kiamat, nayangan dope ukuman na di tarimo ni Sodom dohot Gomora pado-pado utai. ¹⁶ Ligi ma, u suru maho songon biri-biri na di kulilingi ni serigala, marakal maho songon ulok, bisuk songon parapoti. ¹⁷ Jago ma tusude alak, on iba mu, ara na giot tangku pon ni imom i ma dungi ibal-bali maho di bagasan bagas parsumbayangan ni alai. ¹⁸ Gara-garangKu, sarat-saraton ni panguaso maho tu jolo ni raja-raja, anso jadi tanda bukti tu alak naso marTuhan. ¹⁹ Pala itangkup kalai ho, ulang ko mabiar sanga aha dokonon mu idongani Tuhani doho tondi nia mangalusi sapa-sapa ni alai i. ²⁰ Arana inda ho na mangalusi i, tai tondi ni Amangmu do mangalusi sian roha mu. ²¹ Marsi bunuan ma na marangka maranggi, ayana dohot anak Na durhako ma daganak, jabat mambunu alai natoras na. ²² Gara-garaku, jadi kaboncian ni alak ma homu, tai ingkon monang do homu molo martahan. ²³ Pala ibadai alai homu, kehe ma homu tu uta na asing, udokon ma tu homu bahaso, ompak so tarbolus komu dope sude na di Israel i, madung ro Anak ni jolma i. ²⁴ Pintaran do guru sian murid na, songoni Tuan tu pembantu na. ²⁵ Cukup ma pala sarupo murid dohot guruna, sanga pembantu tu tuan an, pala Belzebul do nampuna bagas i, tontu na jahat ma sude alak na di bagas i. ²⁶ Ulang maho mabiar, arana inda adong na di onjap kon inda adong naso binoto, sude na ingkon di pajelas. ²⁷ Sude rahasia na u kusip kon tu ho, patorang mo tu sude alak dohot sora na gogo. ²⁸ Ulang mabiar tu si bunu alak, naso margogo dei mambunu tondi, habiari homu ma Ia, na markuaso pamateon tondi dohot badan di api narako i. ²⁹ Kan igadis alak do amporik dua sasen? Tai inda adong sadepe na madabu tu tano naso binoto ni Tuhan mu. ³⁰ Obuk mi pe tar etong dei, ³¹ ara ni i ulang ko mabiar, marargaan do pe ho sian amporik na gok i. ³² sanga ise na mangaku au di jolo ni alak, uokumusemai di jolo ni Amang na di banua ginjang i. ³³ Tai sanga ise na mamungkiri au di jolo ni alak, aupe inda aku on ku Ia di jolo n Amang na di surgoi. ³⁴ Ulang iambang komu ro au maroban dame tu dunia on, inda dame na uoban, tai podang do, ³⁵ ro pe au no giot manyirang daganak dohot ayan na do, manyirang boru dohot umak na, parumaen dohot/ bou no. ³⁶ dungi marsalisi ma alak sasabagas. ³⁷ Sanga ise na holongaan roha na tu ayah sange inang nia, lobi sian tu au, inda layak di au muse mangaligi alak na holongan rohana tu anak na dohot boru na mangalobi i sian holong tuau. ³⁸ Dungi, inda layak diau muse tu alak naso ra mamorsan salib na dohot mangihutkon au. ³⁹ Sanga ise na mampartahankon osa nia, ingkon mago mai osa niai, tai sanga ise na mago osa na gara-garangKu, mangolu ma Ia muse. ⁴⁰ Sanga ise na manjagit homu, na manjagit au mai, ise na manjagir au dohot mai manjagit Ia na manyuru au. ⁴¹ Sanga ise na manjagit nabi songon nabi, ijalo ia ma upa nia songon upa ni nabi. Sanga ise na burju manjagit alak na burju, dapotan upa na denggan ma ia. ⁴² Sanga ise na mangalehen minum samangkuk aek pe tu alak na menek ara ni murid ku sabotul na: dapotan upa na denggan ma alai.