¹ On ma tarombo ni Yesus Kristus, anak ni si Daud, nak ni si Abraham. ² Anak ni si Abraham ima si ishak, Anak ni si ishak si Yehuda dohot saudaro-saudaronia, ³ Anak ni si Yehuda si Peres dohot si Zarah siam si Tamar, anak ni si Peres ima si Hezron, anak ni si Hezron ima si Ram. ⁴ Anak ni si Ram ima si Aminadab, anak ni si Aminadab si Nahason, anak ni si Nahason si Salmon, ⁵ Anak ni si Salmon si Boas nasiam si Rahab, anak ni si Boas si Obed na siam si Rut, anak ni si Obed si Isai, ⁶ Anak ni si isai ima raja Daud. Anak ni si Daud si Salomo sian adaboru ni si Uria. ⁷ Anak ni si Salomo si Rehabeam, anak ni si Rahebeam si Abia, anak ni si Abia si Asa, ⁸ Anak ni si Asa si Yosafat, anak ni si Yosafat si Yoram, anak ni si Yoram si Uzia. ⁹ Anak ni si Uzia si Yotam, anak ni si Yotam si Ahas, anak ni si Ahas si Hizkia. ¹⁰ Anak ni si Hizkia si Manasye, anak ni si Manasye si Amon,anak ni si Amon si Yosia. ¹¹ Anak ni si Yosia ima si Yekhonya dohot saudaro-saudaronia dompak tarbuang tu Babel. ¹² Dung di tarbuangan Babel, adong ma anak ni si Yekhonya margoar si Saltiel, anak ni si Saltiel ima si Zerubabel. ¹³ Anak ni si Zerubabel si Abihud, anak ni si Abihud si Elyakim, anak ni si Elyakim si Azor. ¹⁴ Anak ni si Azor si Zadok, anak ni si Zadok si Akhim, anak ni si Akhim si Eliud. ¹⁵ Anak ni si Eliud si Eleazar, anak ni si Eleazar si Matan, anak ni si Matan si Yakub, ¹⁶ Anak ni si Yakub si Yusuf halaklahi ni si Maria, na mangalahirkon Yesus na didok Kristus. ¹⁷ Jadi sudena adong: Opat bolas katurunan sin si Abraham tu si Daud, opat bolas Katurunan sian si Daud lalu tu habuangan Babel, Jala opat bolas katurunan sian thabuangan Babel lalu Kristus. ¹⁸ Songonan ma carito tarigot tu hasosorang ni Yesus Kristus: Dompak martunangan dope si Maria dohot si Yusuf, madung mardenggan pamatang Ia sian kuaso ni tondi porbadia, paint so marbagas dope halahi. ¹⁹ Harana si Yusuf halaklahima i, sada halak nabulus rohana jala inda ra pahodarkon goar ni adaborunia di jolo ni halak na bahat di rencanakon ia ma giot manyirangkon si Maria dohot sip-sip. ²⁰ Tapi dompak dipartimbangkon ia rencana nia i, ro ma suru-suru an ni Tuhan dibagasan nipi jana mandok: “Yusuf nak ni si Daud, Ulang ho mahiar mambuat si Maria manjadi adaborumu, harana anak na dipamatangnia i, na sian tondi porbadia doi. ²¹ Giot lahir ma sian Ia dakdamak halaklahi jala digoari ma Ia Yesus, harana ia ma na giot manyalamatkan umat-Nia sian dossa ni halahi.” ²² Purkaro i tarjadi anso gonopma na di bantahon ni angka nahi: ²³ “Sabotulna, denggan ma pamatang ni hujing-hujing i jala mangalahirkon suda anak halaklahi, jala digoan halahi ma Ia Imanuel” na mararti : Allah mandongani hita. ²⁴ Dung ngot ia sian namodom i, dibaen si Yusuf ma songon na diparentahon ni suru-suruan ni Tuahan i tu sia . Di huat Ia mma si Maria gahe adaborunia, ²⁵ Tapi inda jungada rap modom dohot ia sampe dilahirkon ia anak nia halaklahi jala digoari si Yusuf ma Ia Yesus