¹ Saudara saudarongku, halak na kayo! tangihon ma sipaingotku. angkon manian homu tangis jana mangandung harana homu akkon marsingkor. ² Hakayoanmu madung busuk, pakeanmu masung dipangan ngitngit. ³ Sude sere dohot perakmu madung ditutupi harat, haratnai jadi saksi nalaho mangalo homu. Jana naangkon mangan habis sibukmu, songon api, homu madung manimbun arta di maso nagiot parpudi. ⁴ Homu inda mangalehen upani halak na karejo di kobunmu, sannari tangihon ma holsolni halahi, halak na palagut hasil ni ladangmu, manjorit mangido tolong jana joritan ni halahi madung lalu tu suping ni Allah Tuhan namarkuaso. ⁵ Homu madung mangolu bagasan namarlobi-lobi jana mangarasoi hasonangan ni portibi on, jana homu songon na pamokmokon sibuk tu ari payambolan. ⁶ Homu manghukum jana mambunuh halak naso marsala, jana halahi inda mangalo tu homu. ⁷ Harani koum-koumku, sobar ma homu; sampe ro ari ni Tuhan, ligima songon dia sobarna sahalak parkobun painte sampe tano, mangalehen hasil na mararga tu homunu dohot sobar, Ia painte parudan musim layu, dohot udan masa marbunga. ⁸ Angkon ma nian homu sabar, jana margodang roha harana ari ni Tuhan madung ro. ⁹ Ulang ma marungut-ungut jana saling marsipasalaan anso ulang homu dihukum Tuhan; ingot hakim dung donok, rade giot ro. ¹⁰ Koum-koum, ingot ma angka panurirang, mangecet atas nama tuhan, halahi sabar jana togar marsitaonon jadi, buat ma halaki jadi tudosan. ¹¹ Halahi didokon marjob ni roha, harana halahi sobar, homu madung mambege satontang hasobaronni si Ayub. Jana diboto homu do songon dia Tuhan sangat marholong ni roha jana denggan rohana. ¹² Naporlu sakali ima; ulang marsumpah, bope demi langit, sangpe demi tano on, nang pe demi sanga aha pe, dongkon sajo ma olo dohot inda. Molo giotmu inda, anso halaki ulang di dabu hukuman nasian Tuhan. ¹³ Muda dilambung mu adong halak na susa, cepat ma ia mandoa, molo adong namarhasonangan, hipas ma ia nian marende mamuji Tuhan. ¹⁴ Molo adong na marun, tobuma ia mamio pamimpin ni parlagutan, jana akkon hipasma pmimpin manangiangkon halak na maruni, jana mangapusna dohot minyak atas nama Tuhan. ¹⁵ molo doah ni halahi dipalalu dohot haporcayaan, dipamalum Tuhan ma na marun i, jana mangapus dosa dosa-dosa na dung dibaen. ¹⁶ Harani i; akkon ma homu saling mangoku hasalaan jana saling martangiang, aso homu dipamalum, tangiang ni halak na paturut hagiot ni Tuhan di gohi huaso na godang. ¹⁷ Elia, samo-samo halak na sarupo songon hita, ia pe martangiang dohot bonar-bonar, anso ulang ro udan maka udan pe inda turun tolu satonga taon lolotna. ¹⁸ Dungi muse martangiang muse ma ia lalu langit paturunkon udan sampe tano mangalehen hasilna muse. ¹⁹ Saudaro koum-koum ku molodilambungmu adong sada halak naso mangihutkon muse ajaran na mon Tuhan, jana asing nai mambuat halak mulak tu Tuhan. ²⁰ Ingot ma ayat on; halak na mambuat halak mardosa jana mulak mandalanna na salah, halahi manyalamatkon tondi ni halahi namardosa i mon hamatean jana maroban gok pangampunan dosa.