¹ Saudaro-saudaro umat Allah di Kolose na setia marsada dohot Kristus! Songon Rasul ni Kristus Yesus, mardasarkon pangangkatan ni Debata-au si Paulus rap dohot saudaronta si Timoteus, ² mangharopkon semoga Allah Amanta mangalehen borkat dohot dame tu homu. ³ Madung hami bege bahaso homu porcaya tu Yesus Kristus jana homu manghaholongi sude umat Allah. ⁴ Harani i ma dompak mandoa hami di homu,torus do hami mandokkon tarimokasih tu Allah, Ama Tuhanta Yesus Kristus. ⁵ Homu Porcaya jana homu manghaholongi,harana mangharop homu tu aha na di sadiohon di surgo marhite Allah di homu. Madung di bege homu taringot tu si,dompak barita na denggan na botul disampehon tu homu. ⁶ Barita na mon Allah i rarat tu sude dunia, jana ngolu ni halak torus diborkati marhite kabar i, sarupo songon ngolumu diborkati muloi sian dibege homu taringot tu rahmat Allah jana botul-botul manghayati sa. (rancu) ⁷ Taringot tusi di sampehon do tu saudaro marhite si Epafras,dongan na hami haholongi. Ia parkarejo ni Kristus na satia markarejo baen haporluanta. ⁸ Mon ia ma hami bege bahaso dohot kuaso na mon Tondi ni Allah bisa homu marsihaholongan. ⁹ Harani i ma totop mandoa hami di homu muloi hami bege satontang tu homu. hami pangido tu Allah anso tondi ni Allah mangalehen tu homu habisukon dohot pangartian anso singkop diboto homu aga hagiot ni Allah. ¹⁰ Dung songoni, bisa homu mangolu satongta tu hagiot ni Allah, jana totop pasonangkon rohaNia, jadi dibagasan sanga aha pe tarbaen hamu manghasilkon angka na denggan. ¹¹ Sai marhite kuaso ni Allah na Agung,homu dipargogoi jadi bisa markancit disude hal dohot sabar jana sonang roha. ¹² Jana dohot hata tarimokasi tu Ama. harana Ama I do na mambaen homu pantas manarimo aha na di sadiohon ni Allah di umat-Na di bagasan Harajaan-Na na torang. ¹³ Madung dipalua ia hita mon kuaso hagolapan dohot papindahon hita tu bagasan harajaan ni AnakNa na dihaholongi Ia. ¹⁴ Marhite anakNa i hita di bebaskon; artina madung sesa dosa-dosanta. ¹⁵ Kristus ima gambar na nyata mon Allah sandiri naso tarida; Kristus ima anak siangkangan, na un parjolo mon sude na dijadihon. ¹⁶ Harana marhite ia do Allah manjadihon sasudena di surgo dohot di tano, sasudena na tarida dohot naso tarida, tarmasuk muse sude tondi na markuaso dohot na mamarenta. sude banua on dijadihon marhite Kristus dohot di Kristus. ¹⁷ Painte so adong sasudena, madung adong Kristus. jana harani Ia ma muse jadi sude maringanan di a ingananna be. ¹⁸ Ia ma ulu mon pamatang Nia, ima jemaat, harana Ia do mual ni hangoluan ni jemaat i sandiri. Ia ma anak siangkangan, naparjolo di pangolu mangulahi mon hamatean, anso sasada Ia sajo ma na umarga mon sasudena. ¹⁹ Allah sandiri do na markagiot anso sude na adong dibagasan diri ni Allah, adong muse do i di diri ni AnakNa. ²⁰ Jana marhite dakdanak i muse ma Allah mamutuskon laho mambaen sude mardenggan muse dohot Ia-bope sasudena di tano, songoni muse na disurgo. Dibaen Allah do sudenai marhite hamatean ni AnakNia di hayu Parsilang. ²¹ Najolo dao do hamu mon Allah. Di musuhi homu do Ia harani parange dohot pikiranmu na jahat. ²² Tai sannari, dohot hamatean ni AnakNa, dibaen Allah do hubungan Nia dohot homu denggan muse. Dohot songon i bisa homu diboan mangadop Allah dibagasan keadaan na badia, ias, jana inda hodar. ²³ Tai tontu homu angkon totop do satia porcaya dohot togu marsitiop tu haporcayaanmu. ulang sampe dipalua homu harapan nadung dilehen tu hamu dompak ditarimo homu barita na denggan mon Allah. kabar i, madung di baritahon tu satiop halak di sude dunia. Jana harani i ma, au, si Paulus, madung jadi Pelayan. ²⁴ Sannari jop do rohangku markancit baen haporluanmu. Harana dohot parkancitan Jasmaningku, hupasingkop aha na ingkon di taon ni Kristus tu jemaatna, ima pamatangna. ²⁵ Allah manyuru au jadi pelayanNia tu haporluanmu. Au angkon manyampehon barita na mon Allah, sasudena; ²⁶ ima barita na marabat-abat na salpui di rahasiahon ni Allah tu sude halak, tai sannari di dinyatahon tu umatNa. ²⁷ Tu umatNa i Allah giot manyampehon songon dia bagas ni hadengganan dohot ke Agungan rahasiaNia i tu sude umat manusia. rahasia i ima: adong Kristus dibagasan dirimunu, na mararti ma i homu dohot mangaraso i hagodangan ni Allah. ²⁸ Kristus i ma na hami baritahon tu satiop halak. hami paingot dohot mangajar halahi sasudena dohot sude habisuhon. Tujuan nami ima anso satiop halak bisa dioban tu Allah, songon halak na dung matobang dibagasan partondion, harana madung marsada dohot Kristus. ²⁹ laho mandapotkon i marsitutu do au karejo. Marjuang do au dohot sude gogo na dilehen Kristus di au jana na markarejo dibagasan au dohot kuaso.