¹ Sambil manatap anggota-anggota mahkawas Ugamo, paulus mandok: “ Hai saudaro-saudarongku sampe tu ari on au totop do mangolu dohot roha na ias diadopan ni Tuhan.” ² Tai imom godang Ananias manyuru halak-halak na jong-jong na dohok tu si paulus manampar pamangan ni si paulus ³ Mambalos i paulus mandok tu isa: “Tuhan ma manampar ho hei dinding na di kapur na bontar-bontar! Ho juguk di sonanso manghakimi au manurut hukum taurat, Tai ho malanggar hukum taurat hara ni parenta mu mamampar au.” ⁴ Dohot halak-halak na hadir disi mandokon : “Ho manganggap layar tu imom godang ni Tuhan?” ⁵ Alus nisi Paulus : “Hai saudaro-saudaro, au inda huboto, bahaso ia ima imom godang, memang adong tartulis: “Ulang ma ho mandokon hata na jahat tu sada halak pamimpin bangso mu!” ⁶ Dohot hara na diboto ia, sabagian sian halaki tarmasuk golongan halak saduki dohot sabagian nai tarmasuk golongan ni halak Farisi, ia marsurak dibagasan mahkamah ugamo i Ning ia ma: hei saudaro-saudarongku, au ima halak farisi, katurunan ni halak farisi; au dadopkontu mahkamah ou, hara ni au mangaropkon kabangkitan ni halak na mate. ⁷ Hatina ia mandok songoni, timbul ma parpocahan antaro halak-halak afrisi dohot halak-halak saduki, jala maobagi-bagi ma halak na bahat i ⁸ Harana halak-halak saduki mandokon, bahaso luda adong kabanghitan dohot hida adong suru-suruan sanga pe roh, tai halak Farisi mangahuni dua-dua na. ⁹ Dungi tarjadi ma kaributan na godang. Piga-piga halak ahli taurat sian golongan farisi jong-jong di jolo dohot mambantah dohot gogo. Ningia ma: “hami sama sakali luda adong dapot hami sanga aha pe sala ni halak on! Sanga adong do roh dohot suru-suruan na dung mangkuling tu sia. ¹⁰ Dungi tarjadi parpocahon na godang, jala mabiar ma kapala ni pasukani, mabiar sanga di lantuk halahi si paulus. Hara ni i di parenta lama pasukan anso mijur tu tons jala mambuat si paulus sian tonga-tonga ni halahi dungi maroban ia tu markas. ¹¹ Diborngin na satorus na, ro ma Tuhan jojoring di samping nia, dohot mandokon tu sia: “Patongu ma roha mu. Harana songon nadung di baen ho baarani marsaksi tontang au di Jerusalem, songoni juo ma giotku ho kehe marsaksi tu roma. ¹² Jadi dung arian halak-halak jahudi mambaen komplotan jala marsumpa dohot mangutuk diri na, bahaso inda ra halahi mangana dohot minum salolot paulus tarbunu. ¹³ Gok ni halai na mambaen komplotani lobi sian opat pulu halak ¹⁴ Kahema halai tu imom-imom kapala dohot natobang-tobang bangso Jahudi dohot mandokon: “Hami madung marsumpa dohot mangutuk diri, bahaso hami inda magan dohot mimu salolot tarbunu si paulus. ¹⁵ Hara ni i angkon rap ma hamu dohot mahkamah ugamo mau dokon tu kapala pasukan, Anso di adopkon ia muse si paulus tu hamu. Songon hamu giot mamareso panharo nia dohot teliti, jala santonghini hami madung siap sadia giot mambunu ia sebelum ia lalu tu hamu”. ¹⁶ Tai bere ni siPaulus, anak ni saudaro nia dadaboru mambege tontang panganingan i. Ro ia tu markas, dohot dung di patolamasuk, ia mandokon tu si paulus. ¹⁷ Dungi di pio si paulus ma sada halak parwira dohot maudohon tusia: “Oan na danak on tu kepala pasukani, harana adong na porhi na giot dokonon nia.” ¹⁸ Parwira i maroban nia tu kepala pasukani dohot mandokon: “Paulus halak tahanani mamio au dohot mangido tolong, anso maroban anak muda on tu ho, harana adong na porlu na giot dokonon nia tuho.” ¹⁹ Jadi di tiop kapala pasukani ma tangan ni anak mudai dohot maroban ia tu samping jala mayapai ia: “Ahado na porlu giot dokonan mu tu au?” ²⁰ Di alusi ia ma: “halak-halak jahudi madung marpokat giot ma ugido tu ho, anso icogot ho mangadopkon si paulus muse tu mankamah ugamo, songon mahkamahi giot mandapot hatorangan na lobi teliti sian nia. ²¹ Tai haru pe sangoni ulang ma tangihon halahi, harana lobi sian opat pulu halak sian halahi madung manganing ia, halai ma deng marsumpa dohot mangutuk diri, bahaso halahi luda mangan dohot minum sebelum halahi mambunu ia; sanari halahi madung siap sadia dohot hum paisitehon kaputusan sian ho. ²² Dungi disuru kepala pasukani ma Anak mudai mulak dohot mandokon tu sia:” ulang dokon sanga tu ise pe juo, bahaso ho madung mandokon hal on tu au.” ²³ Dungi kepala pasukon mamo dua parwira jala mandokon: “Siapkon dua ratus halak prajurit giot marangkat tu kaisarea dohot pitu pulu halak prajurit markudo dohot duaratus halak marsiu jata lembing(tombak). ²⁴ Sadiohon juo sanga piga halodenagiot di parkudo si paulus oban ina ia dohot salamat tu walineger Feliks.” ²⁵ Dungi di tulis ia ma surat na isina songo on ²⁶ Salom sian klaudius lisias tu wali negeri Felius na tarhormat. ²⁷ Halak on di tangkup ni halak-halak jadundi, dohot hatiha halahi giot mambunu ia, au ro dohot pasukan mangorai na dohot palna ia, harani hubege, bahaso ia ima warga negara roma. ²⁸ Anso diboto aha alasan na halahi mandakwa ia, huadopkon ma ia tu mahkam ugamo ni halahi. ²⁹ Tarida ma dian, bahaso ia di dakwa halahi harani soal-soal hukum taurat ni halahi, tai inda adong tudu au, sanga na sian ginjang dia ia patut di ukum mate sanga di panjarahon. ³⁰ Tu au madung di dokon, bahaso adong komplotan na marencanahon mambunu ia. Hara ni i au tibu manguru maroban ia tu ho, salangkon tu na mandakwa madung hadokon, bahaso halahi angkon mandokon purkaro on tu ho. ³¹ Dungi prajurit-prajurit i mamio paulus sasuai dohot na di parentakon tu halahi dohot mareban ia di waktu borngintu anti patris ³² Di inacogat nai di padiar halahima prajurit-prajurit markudo dohot si paulus manoruskon paralanan, dohot halahi sandiri mulak tu markas. ³³ Dung lahu di kaisarea prajurit-prajurit na markudoi mangalupehon surati, tu wali negeri dohot mangatahkon si pulus tu sia. ³⁴ Dung di baca surati, wali negeri i mangapai si paulus sian propinsi dia ma asal nia, jala hatiha dibege ia, bahaso paulus sian kilikia ³⁵ Diadokon ia ma: “Hupareso pe purkaro mu, sanga audigan pe pandakwa mu dung lalu juo tu son “Dungi disuru ia ma manahan si paulus di istana ni si Herodes.