¹ Dung par sarakan na borarti, kehe ma hami dohot mar layar manuju Kos. Ancogot nai sampe ma hami di Aodos jana siani ma hami tu Patara. ² Di Patara hami mandapot kapal, nagiot manyiborang tu Fenisis. Hami mandek kapali lalu kehe. ³ Dungi tarida ma Siprus di sabola ambirang, tai hami mangalewatina dohot manuju tu Siria. Ahirna sampe ma hami di Tirus, harana muatan ni kapal nangkan di bongkar di kota i. ⁴ Disi ma hami mangunjungi murid-murid jana tinggal disi pitu hari lelengna. Sian husipan Roh murid-murid ti paingotkon Paulus, anso ia ulang kehe tu Yerusalem. ⁵ Tai dung lewat waktuna, hami barangkat manoruskon par dalanan hami: murid-murid sude dohot adaboru nia, dohot daganak-daganak ni halai pataru hami sampe tu luar kota; jana di topi pante hami mar sujud dohot mar dosa. ⁶ Dung par misi, hami manaek tu kapal, jana halai mulak tu bagas. ⁷ Sian Tirus hami sampe di Ptolemais, dohot disima marahir pelayaran hami. Hami mangalehen salam tu koum-koum, dohot tinggol sadari di antara ni halai. ⁸ Dung ancogot niari, hami marangkat sian ni dohot sampe di Kaisarea. Hami masuk tu bagas Filipus, pam banitahan ni Injili, sada sian na pitu halak na di pili di Yerusalem, dohot hami tinggal di bagas nia. ⁹ Filipus puna opat daganak na mang harapkon karunia giot mar naubae. ¹⁰ Dung piga hari hami tinggal disi, roma sian Yudea sadanabi na mar goar Agabus. ¹¹ Ia ro hami, lalu mam buat bobat nisi Paulus. Sambil mangkobet pat dohot tangan nia sandiri ia mandokkon: songoni mahobar ni Roh Kudus: songonon ma halak nam puna bobat ton nangkon di kobe sian halak-halak Jahudi di Yerusalem dohot di sorahkon tu bagasan tangan bangsa-bangsa na asing. ¹² Mambegei hami rap-rap dohot murid-murid di tempati, hami mangido, anso Paulus ulang kehe tu Yerusalem. ¹³ Tai Paulus mangalusi: Asi hamu tangis jana dohot songoni giod mang hancurkon rohku? Harana au inda giod di kobet sajo ra, tai juo giod mate di Yerusalem sian harani goar ni Tuhan Yesus. ¹⁴ Harani ia inda giod manarimo pasingot hami, hami manyorah dohot mandokon: jadima hagiot ni Tuhan! ¹⁵ Dung piga-piga hari tinggal lelengna di Kaisarea, mar hobas ma hami, lalau marangkat tu Yerusalem. ¹⁶ Rap dohot hami juo piga-piga murid sian Kaisarea. Halai maroban hami tu bagas ni halak namagoar manason. Ia sian Siprus dohot madungleleng manjadi murid. Hami nangkan manompang di bagasnia. ¹⁷ Hatia hami sampe di Yerusalem, sude koum manyammbut hami dohot job no roha. ¹⁸ Di ancogot nai kehe ma Paulus rab dohot hami mangunjungi Yakobus; sude hatobangan madung hadir di si. ¹⁹ Paulus mangelehen salatun tu halai, lalau mancaritohon na dohot tar parinci aha nadi karejohon ni Allah di antara bangsa-bangsa na asing sian palayanan nia. ²⁰ Mambege halai, ma muliahon Allah. Lalu halai mandokkon tusi Paulus koum, ligima, mar ribu-ribu halak Jahudi madung manjadi parcaya dohot halai sude ringgas ma maliharo hukum taurat. ²¹ Halai mam bege taringet tuho, bahaso mangajar sude halak Jahudi dohot tinggal di antara bangsa-bangsa na asing giod paluahon huhum Musa, harana ho paboahon, anso halai ulang manyunat daganak-daganak ni halai dohot ulang mangolu manurut adat istiadat ni hita i. ²² Dungi song ondiame san nari? Tontu halai nangkan mangihon, bahaso ho madung ro tuson. ²³ Harani i, karejohon ma aha nahami dokkoni: di antara hami adong opat halak na mar janji. ²⁴ Oban ma halai rap dohot ho, karejohon ma paias dirimu rap dohot halai dohot tanggung ma biaya ni halai sahingga halai dapot pa panggaskon obuk ni halai; dungi sude halai nangkan mam boto, bahaso sude kabar na hamu bege taringit tuho sama sekali na peto, malainkon bahasa ho totop mama liharo hukum Taurat. ²⁵ Tai mengenai bangsa-bangsa na asing, na madung jadi parcaya, madung hami tuliskon kaputusa-kaputusan hami: ima halai ingkon padaohon diri sian panganon na di parsombahkon tu berhala, sian daro sian daging binatang na mate di pikkok dohot sian pancabuli. ²⁶ Dihari berikudna Paulus maroban halak-halaki rap dohotia, dohot ia paiaskon diri rap dohot halai, lalu masuk tu bait Allah giod pabotohon na, molo madung paiaskon nangkan salose dohot persembahan masing-masing giod di persembahon tu halai. ²⁷ Hatia masa pitu ari i, hampir madung abis, halak-halak Yahudi naro sian Asia, mangaligi Paulus di bagasan bait Allah, dungi halai mang rakyat dohot manangkup Ia. ²⁸ Dungi marsurak, hai halak-halak Israel, tolong! Onma halak, na idia-idia mangajar sude halak giod mangalo bangsata, dohot mangalo manantang hukum Taurat dohot tempat ton! Dungi san nari ia maroban halak-halak Yunani muse tu bagasan Bait Allah dohot mangharamkon tempat naias on! ²⁹ Harana halai madung mangaligi Troeimus sian Efesus dungi rap-rap dohot Paulus di kota, dohot halai mayangka bahaso Paulus madung marobah Ia tu bagasan Bait Allah. ³⁰ Dongi bonggolma tu sude kota, dohot rakyat roma rongom, dungi manangkup Paulus dohot manyaratna kaluar sian Bait Allah dohot satongkini juo sude pintu gerbang Bait Allah di tutup. ³¹ Songoni muse halai mangarencanaon giod mambunuia, sampema kabar tu kapal pasukan, bahaso tu sude Yerusalem bonggal. ³² Kapala pasukani sacopatna mar gorak dohot parajurit-parajurit dohot perwira-perwira dohot maju mandapotkon halak na bahati. Hatia alai mangaligi ia dohot prajurit-prajurit, mantakma halai mam bal bali Paulus. ³³ Kepala pasukani mandonoki Paulus, managkup na dohot manyuru manambat ia dohot dua rante, lalu mar sapa isema ia jana ahama nadung di karejoi ia. ³⁴ Tai sian antara halak nabahati, adong namarsurak tusia, adong muse na manyurakkon ni. Dohot harani na goari ia inda maboto aha na sabotulna tarjadi. Harani i ia manyuruh Paulus tu markas. ³⁵ Dung sampe tu tangga, Paulus tar paksa mandukung prajurit-prajurit harana mar sosak-sosak alak na bahat. ³⁶ Namar rame-rame paiut ia, sambil mar surak: pamago mala! ³⁷ Hatia Paulus giod di oban masuk tu markas, ia mandokkontu kapala pasukan ni: tolado au mandokkon sasuatu tuho? Alus nia: ibotohodo bahasa Yunani? ³⁸ Dungi ho inda halak Mesiri, na baru-barui manimbulkon pam barontakan dohot mangalarihon opat ribu halak pangacau namar senjata tu padang gurun? ³⁹ Paulus mangalusi: Auma halak Yahudi, sian Tarsus warga sian kota na terkenal di Kilikia; hupangidoon, ansoau di patola mangecet tuhalak na bahati. ⁴⁰ Dung Paulus di patola, sian kapala pasukan, kehema ia jong-jong tu tanggai dohot mangalehen tando dohot tangan nia tu rakyat nai; hatia suasana madung tenang, mulaima ia paboahon tu alai di bagasan bahasa Ibrani songononma.