¹ Rasul-rasul dohot alak naporsayap di Yudea mambege bahaso, bangso na asing pe madung manjagit Firman Tuhan. ² Dung tolap Petrus di Yerusalem, marsalisi pandapot ma ia dohot alak na marsunat. ³ Ning alai ma: “madung masuk ho tu bagas ni alak naso marsunat dungi rap mangan ko dohot alai.” ⁴ Dungi, di pajelas di Petrus ma tu alai sian mulona. ⁵ Ompak martangiang au di kota Yope, ompot ma ro tondi ni Tuhan tu au, uida ma sada parnidaan: tar songon abit na bolak na gantung di sudut na opat i turun sian langit tu jolong ku. ⁶ Uida ma ibagasan ni i adong marmocom-mocom binatang si opat pat, dohot binatang liar, binatang na manjulur dohot amporik. ⁷ Dungi ubege ma sora na mandokon tu au: ngot maho Petrus koyok ma dungi pangan mai. ⁸ U alusi ma: inda, Tuhan, inda, inda unjung dope upangan na haram dohot na so ias. ⁹ Tai ro muse ma sorai sian surgo padua nolion mandokon tu au: ulang ma haramkon sude nai halal kon ni Tuhan. ¹⁰ Dung tolu kali tarjadi, itarik ma sude nai tu langit. ¹¹ Ompot ma adong tolu alak na jong-jong di jolo ni bagas panumpangan na mi i, ro alai sian kaisarea mandapotkon au. ¹² Dungi idokon tondi i mo tu au: itukon ma alai, ulang ko mardua roa! Rap dohot nu do dongan na onom alak on, masuk tu bagas i. ¹³ Dungi i caritohon ia ma tu ami, na adong sada alak malaikat jong-jong ibagas nia mandokon: suru ma alak tu Yope mangalap si Simon Petrus. ¹⁴ Pasampe on nia ma tu ho barita napaluahon ko dohot na sabagas mi. ¹⁵ ompak na markobari i au, turun ma Roh Kudus tu ginjang ni alai songon tu ita najolo i. ¹⁶ Jadi taringot ma au tu nai dokon ni Tuhan: Yohanes mam baptis dohot aek, tai anggo ho di baptis maho dohot Roh Kudus. ¹⁷ Jadi, pala ilehen Allah do Karunia Nia tu alai sarupo dohot tu ita ompak parjolo-jolo ita porcaya tu Yesus Kristus, jia ma tar ora au Ia. ¹⁸ Dung ibe ge alai, tenang ma alai, ipuji alai ma Allah ning alai ma: “jadi, tu bangsa na asing pe di lenen Allah do partobatan namarobah nangoluan.” ¹⁹ Dung hona bunu si Stefanus, gok ma alak na porsaya i hona ayak-ayak. Sampe tu Fenesia, Siprus dohot Antiokhia, tai totop do di ibaritoan alai Injil tu alak Yahudi. ²⁰ Tai adong de ba alak Siprus dohot Kirene na ro sian Antiokhia, namangajarkon Injil tu halak Yunani bahaso Yesus do Tuhan. ²¹ Di dongani tangan ni Tuhan do alai, dungi gok ma alak manjadi purcayo dohot na mulak tu Tuhan. ²² Dungi tolap ma kabar ni alai tu ummat na di Yerusalem, isuru alai ma si Barnabas tu Antiokhia. ²³ Dung ro si Barnabas, ligi Ia ma holong ni roha ni Tuhan i, job ma roa nia. Inasehati Ia ma alai anso totop setia tu Tuhan. ²⁴ Naburjo do si Barnabas, idongani Roh Kudus dohot na mar Iman. Ioban ia do alak nagok tu jolo ni tuha. ²⁵ Dungi, kehe ma si Barnabas tu Tarsus manjalaki si Saulus: dung marsuo, ioban ia ma tu Antiokhia. ²⁶ Rap dohot ummat na di si ma alai tinggal sataon, sambil mangajari alak na bahat. Di antiokhia on ma parjolo-jolo alak na porcaya i igoari karisten. ²⁷ Ompak i, marroan ma nabi-nabi nadi Yerusalem tu Antiokhia. ²⁸ Jadi jong-jong ma sadar alak namargoar si agabus, mardongan roh idokon ia ma bahaso nagiot tarjadi i ma tangkulaparon di sude dunian. Tarjadi ma songon na idokon nia i di jaman ni si Kaludius. ²⁹ Dungi, di paluhut alak na porcaya i ma sumbangan, sa mampuna be, i kirim alai ma tu sudaro-sudaro na tinggal di Yudea. ³⁰ Jadi do i kirim alai sumbangani tu imom-imom na isi, na ioban ni si Barnabas dohot Saulus.