¹ Di Kaisarea adong sada namargoar Kornelius, sada namarpang kat di dokon mai pasukan Italia. ² Halak nasaleh, sudena na adong di bagas niai mabiar do tu Allah mangalehen si dokah do ia tu umat Yahudi torus do halahi mandoah tu Tuhan. ³ Di bagasan pangaligian kira-kira pukul tolu potang, di idia ia do tangkas sada malaikat Allah na ro tubagasan bagasna di dokon ia ma: “Kornelius!” ⁴ Harani biar nia mangaligi malaikat i marsapama ia: “Aha doi, Tuhan? Di alusi malaikat i ma: “sude doah mu dohot si dokahmu madung di tarimo Allah, jano ho pe di ingot Allah do. ⁵ Sanari, suruma sanga piga halak tu Yope anso di alap sada namargoar Simon goari do muse Petrus. ⁶ Manompang ma ia di bagas panyamak kulit namargoar si Simon, natinggal di topi laut. ⁷ Dung di dokon malaikat i songoni kehema ia maninggalkon na, dipioma dua hamba dohot sada prajurit na saleh sian halak nabahat narap dohot ia. ⁸ Dung di patorang sude tu halak di suru ia ma kehe halak i tu Yope. ⁹ Aneogot nai dompak rap halahi natolu di pardalanan mandapotkon kota Yope hira-hira pukul dua bolas tonga ari, manaekma Petrus tu gineat ni bagas giot mandoah. ¹⁰ Ia male jana giot mangan, tai di pasingkop do panganon santongkin ampotma ro tondi sian kuaso ilahi. ¹¹ Di ida ma langit tarbuka jana miyurma songon obit na bolak na gantung di opat sudut nadipaijur tu tano. ¹² Dapot ma di bagasan ragam ni binatang na opat patna, binatang namanjulur dohot amporik. ¹³ Di bege ia ma sada sora namandokon: “Ngetmaho o petrus, koyokma lalu panganma!” ¹⁴ Tai di alusi si Petrus ma: “Inda, Tuhan, inda, harana inda dope jungada hupangan naharam dohot naso ias.” ¹⁵ Di bege musema sora napadua kalihon namandokon tusia: “Aha do na di dokon Tuhan na halal, inda tola di dokon ho i na haram.” ¹⁶ ma on sampe tolu kali dungi kehema ia torangkat ma benda i tu langit. ¹⁷ Sapa-sapama roha nisi Petrus, marartima ma pangaligian namadung di botoi. Madung sampe di jolo pintu ni angka halak na disuru Kornelius marusaho ma ia anso di boto ia bagas ni Simon. ¹⁸ Di pioma ia jana disapaima, adong do Simon namargoar si Petrus manompang di bagasi ¹⁹ Torusdo si Petrus marusaho anso di boto ia arti ni pangaligian i, di dokon Roh: “Adong tolu halak namanjalak i ho. ²⁰ Ngot ma ho mijur ma ho tutoru kehema ho rap dohot halak i, ulang ko ragu-ragu, harana au do namanyuru halahi e ro tuson.” ²¹ Mijurma si Petrus tu toru jana di dokon ia ma tu halahi: “Au do nadi jalaki mu: ahado maksudmu anso ro ho?” ²² Di alusi halah i ma: “Kornelius, sada parwira na denggan parroahon na namabiar tu Tuhan, terkenal do nadenggan di sude di bangso Yahudi, sada malaikat Allah di suru ia mangido tu Tuan-na ro tu bagas harana, songon sada jawaban ni doah na, di suruhon ma ia manangihon sanga aha do nagiot di dokon Tuan i.” ²³ Di patola halah i do marborngin disi. Ancogot nai ngot ma ia rap marangkat ma halak i, saudaro na sian Yope adong do namandongani ia ²⁴ Di ari nagiot ro sampe ma halak i tu Kaisarea. Di painte si Kornelius do halak i madung di pio ia do koum nia dohot dongan-dongan na markumpul. ²⁵ Masukma Petrus, roma si Kornelius mangalo-alo, jana di tiop ia ma pat niai. Songon namarsomba tu si Petrus. ²⁶ Denggan do di dokon si Petrus tu sia: “ngotma, au hum manusia sajo do,” ²⁷ Mangkobari ma ia, jana masuk ma ia manopotkon halak namarluhuti. ²⁸ Di dokon ia ma tu halaki: “di boto ho do karas do larangan tu halak Yahudi nagiot mardongan dohot naso angka halak Yahudi sangape halak namasuk tu baags i. Tai madung di patuduhon Allah do au, bahaso au inda tola mandokon halak na kotor dohot naso ias. ²⁹ Harani ima inda kaboratan au dompak di pio, jana ro ma ia tu son. Sannari angkon huboto do, harani aha do ho mamio au.” ³⁰ Di alusi si Kornelius ma: “Opat ari nalewat kira-kira dompak ari na sarupo songon sannari, ima pukul tolu potang au pas lagi man doah di bagas. Ompot ma adong sada halak na jong-jong di jolongku namarpakean namanyirlak. ³¹ Kornelius, doa mu madung di tangihon Allah si dokahmu madung di pasahat tu sia. ³² Suruhon ma halah i kehe tu Yope mangalap si Simon nadi goari si Petrus; namanompang do ia di bagas ni Simon, nalain sada tukang kulit na tinggal di topi laut. ³³ Husuru do kehe halak i mangalap ho, sonang do rohangku madung lalu ho. Sannari madung lalu hami disoru di jolo ni Allah tangihon ma aha namadung di tugaskon Allah di ho.” ³⁴ Di muloi ma si Petrus pangkobarani, di dokon ia ma: anggo sabotul na madung mangarti do au, bahaso Allah inda mambedahon hita. ³⁵ Halak nasian bangso di ape na mabiar tu sia namanga malkon habonaran namarposniroha tu sia. ³⁶ Di suruhon ma Firman di sampehon tu halak Israel, ima Firman na di sampehon dame nasonang na sian Yesus Kristus, ima na sian Tuhan tu sude angka halak. ³⁷ Di boto hamudo taringot sada na tarjadi disude taro Yudea, muloi ma sian Galilea dung siap baptisan na di baen Yohanes, ³⁸ Ima taringot tu Yesus na sian nazaret songon dia Allah mangalehen borkat tu sia dohot Roh kudus na gogo kuasona Ia mardalan markuliang di baen ma nadenggan na pamalumkon sude halak na dikuasoi setan, harana Allah mandongani Ia. ³⁹ Hami ida do sude nadi baen Nia di tano Yudea dohot tu Yerusalem: di bunu halak i do Ia di gantung muse do ia haya parsilang i. ⁴⁰ Yesus di bangkit kon Allah di ari na patoluhon, jana marpos niroha Allah, bahaso di pataridahon ia do diri Nia. ⁴¹ Inda tu sude bangso, tai tu saksi-saksi do, taran sodi pili Allah, ima tu hami na madung mangan dohot minum na rap dohot Ia, dung bangkit ia sian antara halak namaninggal. ⁴² Jana di suruhon ia ma hami mambaritahon tu sude bangso na marsaksi, bahaso ia do na di pili Allah manjadi hakim tu halak namangolu dohot na maninggal. ⁴³ Ima sude nabi namarsaksi, bahaso sanga ise naporsaya tu sia, di hapaskon do dosa na harani goar Nia.” ⁴⁴ Dompak di dokon si Petrus songoni, roma Roh Kudus tusude halak na manangihon barita i. ⁴⁵ Sude halak na porsaya sian golongan na marsunat rap dohot si Petrus, longang ma halak i mangaligi na, harani holong ni Roh Kudus na di lehen tu bangso-bangso na asing. ⁴⁶ Madung di bege halak i dona di dokon di bahasa roh na pagineatkon Allah di dokon si Petrus ma: ⁴⁷ Tola do angka halak i di larang di baptis dohot aek, salangkon halahi madung manarimo Roh Kudus sarupo dohot hita. ⁴⁸ Suru ma halak i baptis di bagasan goar ni Yesus Kristus di dokon halak i muse tu si Petrus, anso rap ia tinggal dohot halak i.