¹ Hai (ale) Teofilus, di bukungku na parjolo, madung utulis sude taringot tu na karejoon dohot na iajarkon ni Yesus. ² Sampe Ia tarangkat sebelum ni i madung i lehen Ia parenta malalui Roh Kudus tu rasul-rasul na di pili Nia. ³ Ipatidaon Ia do di ri Nia tu alai, dung sidung parkancitan Nia i, gok do tando nai baen Nia, na mambuktikon bahaso mangolu do Ia. Arana opat pulu ari ma ia jot-jot pataridaon di ri Nia mambaritaon arajaon ni Tuhan (Kerajaan Allah). ⁴ Di sada ari, ompak rap mangan Ia dohot alai, i larang Ia ma alai maninggalkon Yerusalem, dungi isuru Ia ma alai tinggal isi painte janji ni Amang (Bapa) na mandokon “mandung ibege homu sian Au”. ⁵ Si Johannes mambaptis homu dohot aek, tai inda lolot be ibabtis ma homu dohot Roh Kudus. ⁶ Dungi, marsapa ma alai na markumpul i: “Tuhan, ra do Ho sannari pajong-jongkon harajaon Israel i mangulahi?” ⁷ i alusi Ia ma: inda porlu boto on mu sanga andigan waktu nai totop kon ni Amang (Bapa) manurut kuaso Nia. ⁸ Tai, tarimoon mu ma kuaso, pala turun Roh Kudus i tu ho, dungi manjadi sak singku maho di Jerusalem, di tano Judea dohot Samaria sampe tu ujung ni tano on. ⁹ Dung idokon Ia songon i, tarangkat ma Ia tu surgo ipanot—noti alai, dungi i tutupi ombun ma Ia sian pangaligian ni alai. ¹⁰ Ompak manatap alai tu ginjang, atina parnaek Nia, ompot ma jong-jong dua alak marpakean na bontar ilambung ni alai. ¹¹ Dungi idokon na ma tu alai: He (ale) Galilea, aso jong-jong komu manatap tu langit? Yesus i, na tarangkat tu surgo maninggalkon komu, ro do Ia muse songon parnaek Nia tu surgo na i ligi muyu i. ¹² mulak ma rasul-rasul i tu Yerusalem, sian bukit na margoar bukit Zaitun, kira-kira sapardalanan Sabat ma dao na sian Yerusalem. ¹³ Dung tolap alai tu kota, mandek ma alai tu loteng ni bagas panumpangan ni alai i. Alai ima si Petrus dohot Yohanes, Yakobus dohot Andreas, Filipus dohot Tomas, Bartolomeus dohot Matius, Yakobus anak ni si Alfeus, Simon alak Zelot dohot si Yudas anak ni si Yakobus. ¹⁴ Marsada roa do alai, marsitutu rap martangiang dohot piga-piga adaboru dohot Maria, inang ni Yesus, dohot muse ma saudaro-saudaro ni Yesus. ¹⁵ Di sada ari, jong-jong ma si Petrus di tonga-tonga ni saudaro-saudaro nasedang markumpul, kira-kira saratus dua pulu alak ma alai bahat na ning ia ma: ¹⁶ Ale saudaro-saudaro, ingkon tarjadi do natar surat di kitab Suci, nadi sampeon Roh Kudus malalui si Daud taringot tu si Yudas, pamimpin ni alak na manangkup Yesus i. ¹⁷ Najolo tarmasuk do ia dongan ta, rap saparkarejoan di bagasan pelayanan on. ¹⁸ Madung ita busi si Yudas do tano sian upa ni ha jahaton Nia, dungi tungkap ma ia madabu, mapultak ma bitua Nia, kaluar ma sude isi ni boltok Nia i. ¹⁹ Sude do alak Yerusalem mamboto taringot tusi, arani i idokon alai ma ibagasan bahasa ni alai sandiri “Halak dama” artina tano daro. ²⁰ Arana adong do tartulis di kitab Mazmur (buku Mazmur) jadi halungunan ma di inganan Nia, padiar ma inda adong be na tading di si: Dungi padiar ma jabatan ni ai i buat alak. ²¹ Arani i, ingkon i tambaon do tu ami, sian sada alak naringgas ro rap markumpul dohot ami ompak Yesus rap dohot ami. ²² Mulai sian Baptisan Yohanes sampe tu Yesus tarangkat tu surgo maninggalkon ami, anso manjadi saksi rap dohot ami taringot tu kebangkitan Nia. ²³ Dungi, i usulkon alai ma dua alak, si Yusuf (Barsabas) na margoar muse si Yustus, dohot si Matius. ²⁴ Martangiang ma alai sude, idokon alai ma: “o, Tuhan hodo na manandai roha ni sude alak, patidaon ma tu ami, ise do nai pili ho sian na dua alak on. ²⁵ Manarimo karejo nai tinggal kon si Yudas nadung mate ara ni parange Nia. ²⁶ Dung, ibaen alai ma undian tu na dua alak i, madabu ma tu si Matias, dungi i tambaon ma ia tu bilangan ni na sabolas rasul i.