¹ Paulus, sada halak naso barani anggo maradopan muko dohot homu, tai barani tu adopan munu anggo mardaoan, au mampaingotkon homu harani Kristus na lambok halus dohot ramah. ² mangido tu homu: ulang homu mamaksa au patidahon kabara nianku di lambungmu, songon dia au martindak karas tuadopan ni halak natartontu na mangambang, bahaso hami mangolu secara duniawi. ³ hami mangolu di dunia, tai hami inda marjuang secara duniawi. ⁴ sinjato nami dibagasan parjuangan indana sinjato duniawi, salain sinjato na di pasingkop dohot kuaso Allah, na bisa manghancurkon benteng-benteng. ⁵ manggotapkon satiop siasat halak dohot mangubah satiop kubu nadi poli ni keangkuhan na halak na manantang pangajaran Allah: Denggan do sude pikiran nami dohot mangalahkon tu Kristus. ⁶ hami siap sadio muse anso manghukum setiop hadura koan. Anggo ketaatan mu madung manjadi sampurna. ⁷ na tangkas di jolo na mata munu! Molo adong sado halak na botul-botul na porsaya, bahaso ia ima puna Kristus, giot na ia marpikir dibagasan rohana, bahaso hami muse nampuna Kristus sarupo dohot ia. ⁸ anggo au giot marlobi-lobian nasonang nasian kuaso, nadilehen Tuhan tu hami anso manjong-jongkon dohot inda mandabuhon homu, harana dibagasan nasongoni au indakan maila. ⁹ inda ra au tarida se olah-olah au mambiar-biari homu dohot surat-suratku. ¹⁰ di dokon halak, surat-suratna jelas dohot tangkas tai anggo maradopan muko pangalaho lomah dohot nadi pandokonan niai inda mararti. ¹¹ giot na halak namandokon na songoni muba, bahaso nahami baen, anggo maradopan muko sarupo songon na hami dokon di bagasan surat-surat nami pala inda maradopan muko. ¹² hami inda barani manggolongkon diri sangape dohot halak na tartontu na mamuji diri nia. Halahi mangukur dirina dohot ukuran munu sandiri dohot mambandingkon diri na dohot diri na halak i na oto mahomu. ¹³ hami inda ra marsonang mangalewati batas melainkan totop di bagasan inganan parkarejoan na di totopkon Allah di hami. ¹⁴ dibagasan namam baritahon injil Kristus hami madung sampe tusi hami inda mangalewati batas parkarejoan nami-i seolah-olah inda sampe hami tusi. ¹⁵ inda bermegah sian parkarejoan na di lehen ni halak na asing di inganan parkarejoan naso di tontuhon tu hami. Tai hami mar-arop, hami angkon manjagit panghormatan na dilehen halak na asing inganan karejo naso ditotopkon di hami. Tai hami mararop, bahaso anggo iman mu giot mangolu hami angkon mandapot panghormatan nalobi godang muse di homu, anggo di bandingkon dohot inganan karejo naditontuon baen di hami. ¹⁶ hami mangolu anso bisa hami mambaritahon injil di daerah-daerah na lobi dao pado sian daerah munu dohot inda bermegah nasian labo na dapot halak na lain di daerah karejo na di tantuhon baen di halak i. ¹⁷ sanga ise napagincatkon, giot na ia pagineatkon di bagasan Tuhan.” ¹⁸ inda halak namamuji diri na tahan uji melainkan halak nadipuji Tuhan.