¹ Roh Allah dohot tangkas mandokkon bahaso di ari-ari na giot ro, sadebana halak angkon murtad, mangingkari Kristus. Halaki ingkon patuh tu roh-roh na mangaliluhon dohot mandohoti ajara-ajaran roh jahat. ² Na di sampehon marhik halak na marpurak-purak na pargabus. Raha ni halki madung golap. ³ Halaki mangajar halak ansu ulang kawin dohot inda mangan panganon na so tantu. Hapengan panganon i di baen Allah giot di pangan dohot mandok tarimo kasi tu sia hara ni dalak na dung porcaya tu Kristus dohot na dung manada pangajaran na botul sian Allah. ⁴ Sasudena na di baen ni Allah i denggan, dohot inda dong sada pe na ingkon di anggap haram anggo sude di tarimo dohot mandok tarimo kasi tu Allah. ⁵ Harana borkat na sian Allah dohot doa mambaen sipanganon i manjadi halal. ⁶ Anggo ho mangajarkan sude na i itu saudoro-saudoro sa iman, ho ingkon manjadi parhabas Kristus Yesus na markarejo dohot denggan. Dohot ho angkon torus mamupuk roha mu dohot pandohan Allah na hita porcayai, dohot pangajaran-pangajaran na botul na dung hudahoti salolot on. ⁷ Padao ma carito-carito takhayul naso marguna. Giot na, latih ma diri mu baen hangoluan na maribadat. ⁸ Latihan jasmani saotik sajo do gunana, tai latihan marguna di sasude na, harana na marjanji mangolu di maso saonari dohot di ari na giot ro. ⁹ Si songon i botul dohot patut di tarimo di porcayai. ¹⁰ Hara ni i ma hita marjuang dohot markarejo sa gogo na, harani hita mangharop sa gok na tu Allah na mangolu; Ia ma manyelamatkon sude halak, tarlobi halak na porcaya. ¹¹ Ajarkon ma sudena i dohot suru ma halak mangolo i na. ¹² Ulang ma padiar sa halak pe manganggap ho toruk, harani haposoon mu. Sabali na, giot na ho manjadi si tiru on tu halak na porcaya tu pangkuling mu dohot pangalaho mu, dohot cara mu mang kaholongi dongan mu dohot porcaya tu Yesus Kristus, dohot ngolu mu na ias. ¹³ Sementara i, sampe harorang ku naron, ho angkon botul-botul mambaca Alkitab dohot halak, dohot marsitutu mangajari halak i. ¹⁴ Ulang be ho lalap (lupa) mamaka karunia na sian Roh Allah na di lehen tu ho di hatiha pamimpin-pamimpin jemaat pa payakkon tangan ni halak i di ginjang ulu mu, dohot nabi-nabi palaluhon posan ni Allah taringot diri mu. ¹⁵ Karejohon ma sudena i dohot botul-botul anso hamajuan mu diligi sude halak. ¹⁶ Awasi ma dirimu dohot awasi juo pangajaran mu. Harana dung songon i ho nangkan manyelamatkan dirimu sandiri sanga halak na manangihon mu.