¹ Timotius, anak ku na burju di bagasan Tuhan! Surat on sian an, Paulus, rasul Kristus Yesus di ginjing parintah Allah, Penyelamat ta dohot di ginjing parintah Kristus Yesus, harop rohangku. ² Sugari Allah Bapa dohot Kristus Yesus Tuhan ta mangalehen borkut, rahmat dohat dame tu homu. ³ Giot ku anso ho totop tinggal di Efesus songon na dung hu tekankan tu ho di hatina au kehe tu Makedonia. Harana, di Efesus adong piga-piga halak na manyebarkan ajaran na so botul, dohot ho ingkon paantak halahi. ⁴ Dok ma tu halaki anso ulang be mambaen parateon tu halaki anso ulang be mambaen parateon tu turi-turian dohot carito-carito asal mulana na sodong habis na. Sude nai na giot mambaen partongkaran sajo, dohot inda mamajuhan rencana Allah na bisa di tanda marhik porcaya tu Sia. ⁵ Tujuan sipasingot ku anso halak na mar roha na ias dohot roha na bulus, dohot botul-botul porcaya tu Tuhan, dung songoni halak i bisa manghaholongi dongau na. ⁶ Adong deba halak na dung mangolu inda mangolu sogon ibe, dohot lilu di bagasan partongkaran-partongkaran naso marguna. ⁷ Halak i pe giot manjadi guru-guru agama, hapengan halak i sandiri inda mangaiti hata-hata na di pake ni halak i sanga aha na di dongkon ni halak i na sa botul na. ⁸ Hita botodo bahaso hukum ugamo i denggan, anggu di gunahon songon dia sa patut na. ⁹ Tontu na ingkon di ingut bahaso uhum di baen inda hum tu halak na denggan, malainkon tu na mangalanggar hukum i, ima parjahat, halak na so labo, tu halak pardosa, halak na so marugamo, halak haportihion, tu halak na mambunu ayah sanga umak na, dohot pambunu di sasude na. ¹⁰ Maradopkon halak na kotor, homo seks, panculik, dohot ise sajo na mambaen parbuatan na maralo dohot ajaran na denggan. ¹¹ Ajaran i dapot di bagasan barita nadenggan, na parasatkon na di porcaya tu au, ima barita nadenggan sian Allah na mulia na patut di puji. ¹² Hu dongkon tarimo kasi tu Kristus Yesus Tuhan ta. Ia maduung mangalehen hagugo on tu au giot mangalayani Ia, dohot Ia manganggap au pantas tu parkarejoani. ¹³ Bope na jolu mamfitnah dohot manganiaya dohot manghino Ia. Tai Allah manghahulangi au, harana di hatiha i au inda pe porcaya, jadi au inda mangarti aha na hukarejohon. ¹⁴ Dohot au malah digohi dohot rahmat Tuhan ta. Ia mangalehen tu au hagogoon giot porcaya tu sia dohot menghahl longi dongan jalma hagogooon i di lehen tu hita sude na dung marsada dohot Kristus Yesus. ¹⁵ Tutuma (botul ma) hata i – hara ni i patutma di tarimo dohot di porcayai satutu na. Kristus Yesus ro tu portibi on giot manyalamatkan halak si pardosa. Dohot au mada halak si pardosa i na paling jahat. ¹⁶ Tai harani i ma Allah manghaholongi au, anso Kristus Yesus bisa pataridahon sude hasabaran na tu au, halak na paling mardosa i. On manjadi sada sitiruon sude halak na giot porcaya tu sia dohot mandapot ngolu sejati na salolot na. ¹⁷ Allah raja sasude zaman, patut di hormati dohot di puji satorus na, harana Ia ma na manontong, na so tarida dohot na esa! Amin. ¹⁸ Timotius, anakku! Tugas on huporcayahon tu ho, mangingat posan Allah na di sampehon ni nab-nabi tu jemaat taringot dirimu. Giot na posan i manjadi bohal di ho di nagasan parjuangan na denggan. ¹⁹ Marjuang ma dohot marsitiop tu haporcayaan na botul dohot roho na ias. Adong do halak naso parduli tu suara taroktok na, sahingga hancur ma haporcayaan ni halak i. ²⁰ Di antara na ima Himoneus dohot Aleksander na dua halak i madung hu hukum dohot manyorahkan na tu sibdis, sahinggo halak i marsiajar anso mantak manghujat Allah.