¹ Saudaro-saudaro nadi haholongan! Ulang ma porcaya tu sude halak na mangoku mamiliki tondi ni Allah, tai uji hamuma anso diboto sanga tondi na adong di halaki nasian Allah sanga inda harana bahat nabi napalsu namadung marsarak sanga didiape. ² Songonon ma carana, binoto homudo tondi nasian Allah sangan inda: halak namangokui bahaso Yesus kristus ro tu dunia on songon halak, halaki mamiliki tondi naro sian Allah. ³ Tai halak naso mangakui nasongoni satontang Yesus, inda mamiliki tondi nasian Allah. Halaki mamiliki tondi nasian musu ni Kristus. Saudarongku madung mambege bahaso tondi i giot ro, dohot sannari ia madung adong di bagasan ni dunia on. ⁴ Tai daganakku, homu nampuna ni Allah. Homu madung mangalahkan nabi-nabi na palsu, harana tondi na adong di homu lobi markuaso pada tondi na adong di halak na adong di dunia on. ⁵ Nabi-nabi na palsu on mandokon na adong di dunia on, dohot dunia on mambage nanidokon ni halaki, harana halaki do nampuna ni dunia on. ⁶ Tai hita daganak ni Allah; dohot halak namandai Allah, mambage pangkataionta, halak naso manandai Allah, inda mambage parkataanta songonima carona hita mamboto parbedaan antara tondi na mangalehen pangajaran nabotul, dohot tondi naso botul. ⁷ Saudaro-saudaro nadi haholongan! Mari mahita manghaholongi na sada dohot na asing, harana holongi naro sian Allah do halak namanghaholongi, ima anak ni Allah dohot namanandai Allah. ⁸ Halak naso manghaholongi, nada manandai Allah; harana Allah ima pangaasih ta. ⁹ Di dokon Allah do bahaso Allah marholongniroha do tunita dohot diutus do anak na nasadai tu bagasan ni dunia on anso hita mandapot hangoluan na sian Anak nai. ¹⁰ On ma holong: in do depe hita manghaholongi Allah, tai Allah do namanghaholongi hita dohot namangutus Anak nai anso mangalalui ia do hita mandapot panyesaan ni dosa-dosanta. ¹¹ Dengan-dengan nadi haholongon, anggo Tuhando nasongoni manghaholongi hita, hita pe angkon manghaholongi nasada tu na asing. ¹² Nada jungada sada halak pe manandau Allah, tai anggo hita angkon manghaholongi, Allah marsada dohot hita anso sampurna di bagasan dirita. ¹³ Harani ima Allah madung mangalehen tondi na tu hita, harana hita boto bahaso hita madung mangolu dohot Allah, dohot Allah mangolu marsada dohot hita. ¹⁴ Hami sandiri pe madung mamboto Anak Allah, dohot hami mangkobarkon bahaso Ia diutus sian aman ita baen manjadi raja pamanyalamatkon dunia on. ¹⁵ Sanga ise pa namangokui bahaso Yesus i Anak ni Allah, Allah mangolu marsada rap dohot hita, dohot halak i pe mangolu marsada dohot Allah. ¹⁶ Hita boto sandiri dohot porcaya tu holong niroha ni Allah tu hita. Allah i holong ngolu ni halak nadi kuasoi mon holong, halaki marsada dohot Allah, Allah pe marsada dohot ia. ¹⁷ Holong niroha nadenggan di bagasan ni dirinta, harana hita angkon mamiliki kabaranian dihari pangadilan, hita angkon mamiliki kabaranian, harana hangoluanta di dunia on sarupo doi hangoluan ni Kristus. ¹⁸ Halak namangarasoi holong nasian Allah, nada adong parasaan namabiar; harana holong na denggan mangolu nyopkon sude parasaan namabiar. Jadi botulma bahaso halak naso mangarasa on holong na sian Allah dohot denggan/sampurna anggo halaki mangadopi hari pangadilan. ¹⁹ Hita mangkaholongi, harana Allah madung parjolodo manghaholongi hita. ²⁰ Molo sada halak mandokon; au mangkaholongi Allah,” tai ia nada mangkaholongi saudarona, halaki pargabusdo, harana halak naso mangkaholongi saudarona nada diida ia. ²¹ Harani i, anma parentah na dilehen ni Kristus tu hita: sanga ise mangkaholongi Allah angkon mangkaholongi saudarona muse.