¹ Enggo kessa piga-piga ari, mulak mo Jesus mi Kapernaum, terbettoh mo Ia merbekkas i sada sapo. ² Mbue ngo kalak si roh misi sampe oda lot ne bekkas, dom soh mi soki-soki, pentu pe oda siat ne dekket Ia mengkataken kata Tuhan. ³ Roh mo kalak i mendapetken Jesus, merembah sada kalak si mersakit lumpuh. ⁴ Ala oda boi kalak i masuk ala mbue ni jelmai, i buka mo tarum sapo i ibabo kundulen Jesus sidungi i pesusur mi jolo ni Jesus. ⁵ Enggo kessa idah kepercayaan kalak i, idokmo: anakku, enggo ngo tersesa dosamu. ⁶ Alai lot ngo isi rebak kundul sibettoh patik, idokken be ngo i bagasen rokana: ⁷ Kasa ngo idok bagi? oda ngo na mengrehei ia? oda ngo lot si boi menesa dosa selain Tuhan. ⁸ Alai i bettoh Jesus ngo si ni bagasen roka ni kalak i idok Jesus mo; kasa bagi roka ndene? ⁹ Apaingo sindoren mendokken mi sisilumpuh en, dosamu enggo isesa manang mendokken keke mo ko, embah pedemen mi baru merdalan mo ko? ¹⁰ Alai bettoh mo, dukak jelmai merkuasa i pertibien lako menesa karina dosa. ¹¹ Idokken Jesus mo misi lumpuh i; keke mo ko embah mo pedemmi mulak mo ko mi sapomu. ¹² Silumpuh i menter cender membuat pedemenna deket laus mi ruar i jelma si mbue i nai. Karina jelma silot isi lengngang dekket memoji Tuhan, baru nina mo oda deng nung kuidah sibagen. ¹³ Laus nola mo Jesus mitopi dano, mbue jelma perotor-otor roh bana baru iajari Jesus mo kalak i. ¹⁴ I tikki Jesus lumaus, i idah mo kalak Lewi anak si Alfeus, pas kundul i bekkas penggararen pajak, baru nina Jesus nola mo be kalak i " ekutken mo Aku " siLewi pe cender bak mengekutkenSa. ¹⁵ Pas kundul Jesus mangan i sapo Lewi i, mbue si pepulung pajak i si dekket kalak si merdosa mangan rebak Jesus dekket siseanNa i ala i si mbue jelma, kalak i mengekutken Jesus. ¹⁶ Kessa piga-piga sibettoh patik i dekket parise menengen Jesus, pas mangan deket kalak si merdosa dekket si pepulungken pajak mengkuso mo kalak i mi si seanNa i," Kasa Ia mangan rebbaken bak sipengido pajak dekket kalak si merdosa?" ¹⁷ I tikki ibege Jesus, nina mo be kalak i, oda ngo sisehat memerluken ubat, alai simersakit ngo. " Aku roh oda lako mendilo kalak si tobok-tobok, alai jelma si perdosa" ¹⁸ Sisean si Johannes, dekket kalak parise simerpuasa. Piga-piga kalak roh mengkuso baNa, " Kasa sisean si Johannes dekket sisean kalak parise merpuasa, alai siseanMu oda merpuasa?" ¹⁹ Baru, nina Jesus nola mi kalak i, " Boi ngo si pendengani pengoli merpuasa alai sipengoli si daholi rebbak deng ngo kalak i? sedekkah pengoli daholi i tong rebak dekket kalak i, kalak i oda boi merpuasa. ²⁰ Alai, tikki na naing roh mo pengoli daholi, i alengi kalak i nai, tikki i mo naing kalak i merpuasa. ²¹ Oda ngo lot kalak mendongkapi olis si enggo buruk, dekket olis si rimbaru. I ribakken pendongkapen sirimbaru i ngo olis si enggo buruk i, janah ribak nai pe tambah mbellang. ²² Alai oda lot kalak si mengoreken anggur rimbaru mi bekkas si ndekkah. Molo bagi anggur i mengeribakken bekkasna sitokona, anggur si rimbaru i simpan i bekkas si rimbaru. ²³ I tikki i ari Sabat, memelus mo Jesus i sada tahuma, i tikki merdalani kalak i i buat sisean i mo gandum merkerohi-kerohi. ²⁴ Sidungi mengerana mo kalak parise bana, tengen kasa sisean mi mengulaken dekket mengelausi patik ari Sabat? ²⁵ I dokken mo mi kalak i, oda nung ijaka kene kade siniulaken si Daud tikki ia dekket dengan na melehe dekket oda lot sipanganen? ²⁶ Kasa ia masuk mi Joro ni Tuhan tikki si Abyatar malim i Joro i, ki pangan roti persembahen, si oda boi i pangan kalak, dekket mengelean roti i mi karina denganna? ²⁷ I dok Jesus mo mi kalak Parise i; ari sabat i bain oda ngo mi jelma dekket jelma oda ngo i bain lako mi ari sabat. ²⁸ Asa anak ni jelma i ngo Tuhan, merkiteken ari sabat.