¹ I tikki naing soh kalak i mi Jerusalem, jolmit Betfage dekket Betania i uruk-uruk Zaitun, Jesus pesulakken dua siseanNa, ² mendokken mi kalak i, " laus mo kene mi kuta si ni jolomu, janah ndor kene memasukina, kennah mendapet sada Halode menguda na terberet, si oda deng nung i boban kalak. Peluah mo halode i, bak embah mo. ³ Molo lot kalak mengkusoi bamu, kasa ko mengulaken i? Dokken mo, Tuhan perlu Halode i, janah menengesken mulak mi sen." ⁴ Laus mo kalak i dapetsa mo sada Halode menguda si terberret i pentu, i ruar, i dalan i, kalak i peluahkensa. ⁵ Lot piga-piga kalak i si cender mengkuso nina mo " Kade ngo na ni ulaken mi peluahken Halode i?" ⁶ I aloi kalak i mo bage si enggo i dokken Jesus, i belli mo kalak i laus. ⁷ Kalak i merembah Halode i mi Jesus, mengampeken jubah kalak i ibabo Halode i, janah Jesus kundul i babo Halodei. ⁸ Mbue kalak mengamakken bajuna i dalan, deba nai membain ranting-ranting na ibuat kalak i i tahuma nai. ⁹ Jelma mbue i merdalan i jolona dekket i podina mengekutken mersurak mendokken " Hosana! I Pasu-pasu mo Ia na roh i bagasen gerar ni Tuhan. ¹⁰ I Pasu-pasu mo si roh mi kerajaan Daud, mpung ta najolo! Hosana, i bekkas si ndatasna. ¹¹ Sidung i, laus mo Jesus mi Jerusalem soh mi Joro ni Tuhan, kessa enggo i tengen mi sikulilingna, Jesus laus mi Betania dekket sipuludua siseanNa alana enggo bon ari. ¹² barembenken na i, tikki kalak i menadingken Betania, Jesus melehe. ¹³ Jesus mernidah sada kayu ara merbulung bagak i ndaoh nai, Jesus laus lako menengen ntah katerra na lot boi dapet sa i kayu i nai tikki Jesus soh mi benna kayu i Jesus oda mendapetken buah pellin bulungna ngo ala i tikki i oda masa merbuah kayu ara. ¹⁴ Ala ni i, Jesus mendokkon mi kayu i", oda lot ne kalak nung mangan buahmu sedekah-dekahna." Dekket ngo siseanNa membeggeken. ¹⁵ Sidung i soh mo kalak i mi Jerusalem. Dekket masuk Jesus mi bagas Joro ni Debata, i pungkah mo pepuarken kalak itikki mertiga-tiga i Joro ni Tuhan. Ia menunggalingken meja-meja si tukkari kepeng dekket bangku-bangku kalak perdea pidong ndarapati, ¹⁶ dekket Ia oda mendue kalak merembah barang-barang mengelausi Joro ni Debata. ¹⁷ Sidung i, Jesus mengajari kalak i mendok" oda lakni lot sitersurat sapoku i gerari sapo pertangiangen be karina bangso? Alai kene enggo menggancih gabe bekkas penangko." ¹⁸ Dekket imam kepala dekket sibettoh patik membegeken dekket kalak i menulusi katerra lako membunuh Jesus. Ala kalak i mbiar mi Jesus jelma si mbue i lengngang mi pengajarenNa. ¹⁹ I tiki i enggo mulai berngin, Jesus dekket siseanNa i menadingken kuta i. ²⁰ Kessa kusiang-kusiang i kalak i memelus, i idah kalak imo kayu ara i enggo merakar soh mi uratna. ²¹ Si Petrus terenget dekket mendokken be Jesus " Rabbi tengen mo! Kayu ara si enggo i sumpahi Mi merakar. " ²² Jesus mengalusi kalak i cekep mo kepercayaan i bagasen Debata. ²³ Aku mendokken situhuna bamu, ise sambing na mendokken mi delleng, meret mo ko janah mambong mo ko mi laut, unang lot ganggu i bagasen rokana, alai percaya mo manang kade pe i dokken Jesus menjadi, jadi karina i naing menjadi bana. ²⁴ Alani i, Aku mendok be ndene kade sambing i tangianken kene dekket mengido porsea mo kene enggo menjalo, janah karina naing i berre bamu. ²⁵ Molo kene cender dekket mertangiang, sesa mo molo kene menimpan salah ni kalak, asa Bapamu nalot i surgo naing menesa kesalahen-kesalahenmu. ²⁶ Alai molo oda ko menesa i, Bapamu nalot i surgo pe oda menesa kesalahenmu. ²⁷ Sidung i roh nola mo kalak i mi Jerusalem. I tiki Jesus merdalan i Joro ni Debata, imam-imam kepala, sibettoh Patik dekket tua-tua Jahudi roh mi Jesus. ²⁸ Kalak i mengeranai bak Jesus," Dekket kuaso kade Kono mengulaken karina en, janah ise membereken kuaso baMu mengulaken en? " ²⁹ Jesus mendokken mi kalak i, " Aku naing mengkusoi sada kuso-kuso bamu. Aloi mo Aku, Aku naing membagahken manang dekket kuaso kade Aku mengulaken en. ³⁰ Pendidiin si Johannes i surgo nai ngo manang i jelma nai? Aloi mo Aku!. ³¹ Merrapot mo karina kalak i mendok, molo ta aloi, i surgo nai, ia nan mendok, bagi kasa oda percaya kene bana? ³² Alai molo kita mengaloi, be jelma nai si memimpin i mbiar mi jelma mbue, kalak i karina mengkira si Johannes tuhu-tuhu sada kalak penurirang. ³³ Alani i kalak i mengaloi Jesus, " oda kubettoh kami. " Jadi Jesus mendok be kalak i bagima ngo Aku, Aku pe oda bagahenkenku manang kuaso kade pe Aku mengulaken karinana i.