¹ Jesus menadingken luat i, baru laus mi luat i kepar lae Jordan, mbue jelma mengerengemmi Ia. Bagi biasana ia mengajari kalak i nola. ² Alai roh mo kalak parise mendahi Jesus lako mencoba dekket mengkuso, "toko ngo sakalak daholi isirangken daberru na"? ³ Ialusi Jesus mo kalak i kade ngo idok si Musa bai ndene? ⁴ Ialusi kalak i mo, i due si Musa ngo sakalak daholi membakin surat sirang mi sinisirangkenna. ⁵ Alai mengrana mo Jesus bi kalak i, ala pihir ni rokamu ngo, isuratken si Musa aturen i bai ndene. ⁶ Alai mula ni peneppaan i teppa ngo kalak i daholi dekket daberru. ⁷ Ala ni ngo, sada daholi kennah laus ngo menadingken bapa na dekket inang na. ⁸ Asa dua na mo jelma i gabe sada. Ingo kibaen kalak i oda ne dua alai gabe sada daging ngo. ⁹ Kade si enggo ipersada Debata oda boi isirang jelma. ¹⁰ Ikusoi sisean i nola mo Jesus tikki rebbak Ia dekket sisean i. ¹¹ Ialusi Jesus mo si sean i manang ise kisirangken daberru na, laus membuat daberru si nasing lako daberru na; geraren mo ia pengelakkup. ¹² Dekket manang ise menirangken daholina, laus nola menulusi lako daholi na geraren mo i pengelakkup. ¹³ Roh mo kalak i merembah mbue anak-anak mi Jesus asa ijamah Jesus anak-anak i, alai ipincang sisean i ngo karina kalak i. ¹⁴ Alai isi idah Jesus karina anak-anak i muruk mo Ia mi sisean nai janak idok; belli mo anak-anak i roh baKu unag iambati kene, alana mi jelma si bage kalak i ngo sidasa kerajan Tuhan. ¹⁵ Kudok mo bai ndene, ise sambing si oda menjalo kerajan Tuhan pas bage anak-anak ia oda boi masuk mi bagasenNa. ¹⁶ Iangkip Jesus mo anak-anak i ibaenken tangan na i babo takal na dekket i pasu-pasu kalak i kerina. ¹⁷ Tikki merkebbas Jesus naing lako menerusken perdalanenNa, roh mo sakalak kuso-kuso dekket mersembah baNa: "Guru kade ngo sibakinenku asa dapet aku kegelluhen soh mi ari podi?" ¹⁸ Ialusi Jesus mo, kasa idikken ko aku kalak si mende? oda lot ise kalak si mende pellin Tuhan ngo. ¹⁹ Ibettoh ko ngo kade idokken i patik i; unang membunuh, unang mengelakkup, unang menangko, unang mengranaken rana si mada tuhu, unang mengakkali, kellengi mo bapa dekket inang mu. ²⁰ Ialusi ia mo Jesus, "Guru, enggo ngo kuulaken karina i mulai ketek aku. ²¹ Alai itengngen Jesus mo ia dekket masih atena, idokken Jesus mo bana, " sada nai ngo kurang bamu. Laus mo ko dea mo karina si lot bamu, bereken mo mi kalak si pogos, i pe asa dapet ko arta si lot i surgo. Beta mo ekutken mo Aku. ²² Alai, pengeranan i kibaen ia merukkil dekket marsak gabe laus mo ia menadingken Jesus alana si mbue arta ngo ia. ²³ Alai itengen Jesus mo siseannai dekket idok mo; mahal na ma keppe kalak si beak lako masuk mi kerajaan ni Debata. ²⁴ Tersengget mo si sean i membegeken rana i. Alai idokken Jesus nola mo mi sisean nai, kene karina anak-anak Ku mahal kalon ngo lako masuk mi kerajaan ni Debata. ²⁵ murahen ngo unta masuk mi lubang jarum asa si beak masuk mi kerajaan ni Debata. ²⁶ Tersengget mo sisean i, idokken mi dengan na, molo bagi ngo ise ngo boi iselamatken? ²⁷ Idok Jesus mo bi kalak i, molo mi jelma oda ngo boi terjadi i, alai molo mi Tuhan karina ngo boi i terjadi. ²⁸ Mengeranai mo si Petrus dekket Jesus, oda ngo idah Ko, kutinggalken kami ngo karina na dekket kuekutken kami ngo Ko! ²⁹ Idok Jesus mo, si tuhu na ngo sikudok en bamu, oda lot ise laus menadingken sapo na, anggina daholi, anggina si daberru, dekket inang, dekket Bapa, dekket anak-anak, dekket karina tahuma na ala ni Aku dekket ala kata ni Tuhan, ³⁰ Kennah limpit seratus jalonna i portibi en, akka sapo, kaka anggi, turang, inang, dukak, kerina tahuma, dekket peniksan; dekket tikki si naing roh, imo kegelluhen soh mi ari podi. ³¹ Alai, mbue ngo kalak si perjolo gabe si perpodi, si perpodi gabe siperjolo. ³² I tikki merdalan Jesus dekket si sean i lako mi Jerusalem, i jolo ngo Jesus, gabe tersengget ngo si sean i dekket mbiar lako mengekutkenSa. Iarahken Jesus mo sisean si sipuludua i, i ulaki Jesus mo paboaken terenget si naing masa Bana; ³³ Lako laus nama kita mi Jerusalem dekket Anak ni jelma i pe naing ipesoh mi akka malim dekket si bettoh surat, dekket merutang kessah ia dekket ipesoh mi tangan kalak si perbegu; ³⁴ Karina kalak mengrehesa, i ceduri, ilincingi, dekket ibunuh. Alai, enggo kessa tellu ari mulak ngo Ia gelluh. ³⁵ si nipengido roka nami lako leanenMu bai nami. ³⁶ Jakkobus dekket Johannes, dukak si Zebedeus roh mi Jesus mendokken, "Guru, lot Ialusi Jesus ngo kalak i; kade naing ipengido ke sibakinenku? ³⁷ Idok kalak i mo mi Jesus, naing kundul kami i kesangapen mi, sada mi kamuhenMu, sada nai mi kambirangMu. ³⁸ Alai ialusi Jesus mo kalak i; oda ngo ibettoh kene kade si nipengido ndenei. Ai boi ngo terenum ke si enumen Ki? ai boi ngo terperidi kene peridin Ki? ³⁹ Idok kalak i mo mi Jesus, boi ngo kami! Jesus mendok mi kalak i; kennah inumen ndene ngo si enumen ki dekket iperidi ke ngo lae peridin ki. ⁴⁰ Lako kundul i kamuhenku dekket kundul i kambirangku, oda guru baKu i: bekkas i mi kalak si porsea ngo i. ⁴¹ Enggo kessa ibege si sean si sipuluh kalak i, gabe ceggo mo i akap kalak i mengidah Jakkobus dekke si Johannes. ⁴² Ipepulung Jesus mo kalak i, idok mo mi si sean i; ibettoh kene ngo, i raja i akka sigem-gem i bangso ngo peripe na asa ipesangap. ⁴³ Alai unang mo kene bagi!, manang ise geut ipesangap, merpenguei mo mi denganna! ⁴⁴ manang ise kene naing perjolo, imo gabe naposo ni denganna kerina. ⁴⁵ Ai Anak ni Jelmai pe oda ngo asa i ue i kalak Ia asa roh; Ia ngo gabe sipenguei dekket mengelean kessahNa lako menebuskerina jelma. ⁴⁶ Roh mo jesus mi kuta Jeriko lako laus Ia i Jeriko nai dekket siseanna i dekket jelma mbue, lot mo sakalak si petung kundul i topi dalan i, mergerar Bartimeus dukak Timeus. ⁴⁷ Enggo kessa ibege ia roh Jesus i Nazareth nai, idok mo; o Jesus, dukak ni si Daud, maseh mo ate mu mengidah aku! ⁴⁸ Mbue ngo kalak menggerra dekket mendok ia asa kom. Alai ipegegoh ngo sorana mersurak, " Anak Daud, maseh mo atemu baku"! ⁴⁹ mo Jesus janah idok, arahken ke mo ia. Gabe iarahken mo si petung i idok Jesus mo bana: pos mo roka mu! keke mo ko! idiloi ngo ko! ⁵⁰ Jadi menter keke mo ia, lako mendapetken Jesus. ⁵¹ Idok Jesus mo bana; kade ngo ipengido ko sibakinenKu bamu? ialusi si petung i mo, Rabbi, bain mo aku merpenidah. ⁵² Idokken Jesu mo bana, " lako mo laus. Keporseaan mi ngo pemalumken ko".