¹ Trengetken kalak idi, asa kalak i tunduk be pemerhintah, deket jehma-jehma si merhkuasa, taat dekket siap asa kilakoken rhatana pekerjaen simende. ² Ulang mo kalak i ki fitnah, ulang mo kalak idi merhubat, naingmo kalak idi terhus rhamah deket merhsikap lemah-lembut, be rhatana jehma. ³ Kerhna buari pe kita mang nggelluh ibas kejahaten: otang taat, sesat, hamba mbue nafsu dekket keinginen, nggeluh ibas kejahaten, dekket dengki, keji, saling kibenci. ⁴ Tapi enggo keca nantak maseh ate Allah. Jurhu selamatta, dekket keleng-Na be jehma, ⁵ Waktu ni Ia enggo kiselamatken kita, otang kerhna perhbuaten mende sikita lakoken, tapi kerhna keleng-Na oleh perhidiken balik lahirh dekket perhubahen si iulaken Rhuh suci nai. ⁶ Sienggo i limpahken-Na banta oleh Isa-Almasih, juruselamatta, ⁷ asa kita sebage jehma sienggo ibenarhken kumerhna kelleng bak maseh ate-Na, berhak menjalo ngelluh sikekal, dos dekket pengharapenta. ⁸ Perhkataen en tuhu dekket aku nggiut asa kona dengan yakin kikuatken, asa kalak idi si enggo perhcaya mendahi Allah tuhu-tuhu merusaha kilakoken krhejo si mende. Idimo simende dekket merhguna be jehma. ⁹ Tapi hindari mo perhsoalen si icarhi-carhi dekket sigumbu, perhsoalen turhin-turhin, percekcoken, dekket perhubaten tentang hukum Taurhat, kerhna i oda merhguna dekket sia-sia hambing. ¹⁰ Sekalak bidat sienggo hada dua kali, kunasihati, daohi mo kalak idi. ¹¹ Ibettoh Kona bahwa jehma sibegidi, tuhu-tuhu sesat rhebak dosana menghukum dirhina sendirhi. ¹² Enggo keca kukirhim Arthemas ato Tikhikus mendahi kona, merhusahamo rhoh bangku i Nikopolis, kerhna enggo kuputusken asa tading isidi selama masa enda. ¹³ Tolongmo simende-mendena Zenas, ahli Taurat idi, dekket Apolos, i bas perhdalanen kalak idi, asa kalak idi otang kekurhangen kade pe. ¹⁴ Dekket belimo jehma-jehma kita enggo belajarh melakoken krhejo si mende asa boi kipenuhi keperhluen enggeluh si utama, asa nggeluh kalak idi. Ulang otang merhbuah. ¹⁵ Juah-juah be kalak kerhina si rhebak dekket aku i henda, dekket pesohmo salamku be kakak idi si mengkellengi kami, i bas iman. Kelleng dekket maseh ate Tuhan kidengani Kona kerhina.