¹ Nggo kesa Isa siap mechok-chok i, ia laus i Galilea nai deket ngo kesa soh i bekas Yudea. I kepah lae Yordan. ² Nca, kumpulen jehma mbue pengekutna, nca ia ki juahken kalak i hadonang. ³ Tah piga-piga kalak Farisi khoh mendahi Isa lako mengunjuni deket mengkuso. ''Boi ngo i benakhken dahuli-dahuli naing ki ceheken jabuna janah mbue alasen na?'' ⁴ Nca, Isa ki jawab deket mendokken, ''Otang kona baca kehna ia ngo ki ciptaken kalak i mulana nai, menjadiken kalak i dahuli-dahuli deket dabekhu, ⁵ Ia bekfirman, 'kehna i, daholi-daholi hakhus menadingken bapakna deket cecekna, ket ia hakhus menjadi hada deket jabuna, hakhus i ning dua i gabe hada daging'? ⁶ Nai, kalak i otang ne dua, tapi sada tubuh ngo. kehna i, kade si enggo pekhsada Allah, jehma otag ne boi i pejae ⁷ Kalak i mendoken mendahi Isa, ''Tkhus, kune Musa ki pekhintahken lako memekheken sukhat cekhai deket mecekheken jabuna?'' ⁸ Isa mencekhok mendahi kalak i, ''kekhna kekekhasen ate mu, Musa mengijinken kona mencekheken jabuna. Mula nai otang ngo bagi. ⁹ Deket, aku mendoken mendahi kona bakhang ise si ki cekheken jabuna, kecuali kekhna melangkah julun pedemen tkhus kawin deket dabekhu si deban, ia melangkah julun pedemen.'' ¹⁰ Pengekut-pengekut mencekhok mendahi sa, ''Mela bagen ngo laki deket jabuna, lontin otang kabin.'' ¹¹ Nai, Isa medoken mendahi kalak i, ''Otang kakhina jehma boi menjalo pengkhanaen enda, kecuali kalak sinibkheken. ¹² kekhna, lot jehma otang kabin, kekhna memang bagi kena tubuhken i bages beltek cecekna nai, deket jehma otang kabin kekhna i mandulken kalak si deban, deket lot mang jehma si ki mandulken dikhina sendikhi kekhna kekhajaen sukhga. Bakhang ise boi menjalo si bagen, belimo ia menjalo sa.'' ¹³ Nggo kesa i, tah piga dukak kedep i embah mendahi sa Ia boi mengampakhken tangan na i babo dukak-dukak i deket mengsodipken kalak i, tapi, pengekut-pengekut ki sengetken kalak-kalak i. ¹⁴ Nai, Isa mendoken, ''Beli mo dukak-dukak kedep i. Ulang i lakhang kalak i lako khoh mendahi-Ku kekhna kekhajaen sokhga lik kalak-kalak si bage dukak-dukak kedep i.'' ¹⁵ Nggo kesa Isa mengampakhken tangan na i babo dukak-dukak i, Ia laus isi nai. ¹⁶ Nggo kesa i, khoh mo jehma mendahi Isa deket mengkusoi, ''Gukhu, si kade mo hakhus aku baing sa boi ngeluh se dekah-dekah na?'' ¹⁷ Deket, Isa mendoken mendahi kalak i, ''Mengkade kona mengkusoi mendahi ku tentang kade mo si mende? Hanya sada ngo si mende. Nai, mula kona ning masuk mi bages geluh, ue i mo atukhen-atukhen idi.'' ¹⁸ Jehma i mengkuso mendahi Isa, pkhintah si apaina? ''i aloi Isa, otang ki pateken, otang melangkah julun pedemen, otang menako, otang koa memaing kesaksien si palsu, ¹⁹ Hokhmati mo bapakmu deket cecekmu deket kekelengi mo denganmu jehma si bage kona sendikhi.'' ²⁰ Jehma si muda i mendokken mendahi-sa, ''Kakhina si bagidi nggo aku taati,kade den ngo si kukhang na?'' ²¹ Isa mendokken mendahi sa, ''Ukum kona ning sempukhna, laus deket dea mo khina kade si lot bamu . Thus, bekheken mi kalak si otang mampu, deket kona pe mendapet hakhta i sokhga, deket ekut mo Aku.'' ²² Nai,nggo kesa kalak muda i memege kuso-kuso i, ia laus janah mekhdengan ate lungun kekhna ia si beak. ²³ Nca, Isa mendoken mendahiken pengekut-pengekut na, ''aku mendokken si tuhun na mendahi kona, payah be kalak si beak lako deket mi bages kekhajaen sokhga. ²⁴ Sekali nai, Aku mendoken mendahi kona mela lebih mekhasa mendahiken hada unta lako ki lewati lubang jakhum, dakhi pada kalak si beak masuk mi kekhajaen Allah.'' ²⁵ Nggo kesa pengekut-pengekut i mendengkoh pendoken ni, kalak i gabe bengap kalohon, deket mendoken, ''Ukum bagidi, ise mo si boi i selamatken ?'' ²⁶ Deket menenggen kalak i, Isa medokken, ''Khebak jehma, otang mungkin, tapi khebakken Allah, kakhina idi mungkin.'' ²⁷ Nggo kessa i, Petrus mendokken mendahi-Sa, ''Idah mo, kami ngo menadingken kakhina na deket mengekut Kona. Gabe, kade mo si kami ning jalo?'' ²⁸ Isa mendokken mendahi kalak i, Aku mendokken si tuhun na kalohon bamu mela kona, mengekuti aku ibagas dunia si khembakhu, enggo kesa dukak jehma kudul i bekas kemegahen na, kona pe kudul i bekas dua belas kemegahen lako ki hakimi suku Israel . ²⁹ Deket, khina jehma si enggo ki tadingken sapo na, kalak i dahuli-dahuli, kalak i dabekhu, bapak, cecek, dukak-dukak, deket jehma kekhna gelakhku nai menjalo sekhatus kali ganda kona mengwakhisi geluh se dekah-dekah na. ³⁰ Tapi, dom kalak si pekhjolo naing jadi pekhpodi, deket si pekhpodi naing jadi pekhjolo.''